Read KO E TOH TAPU KATOA TONGA KO SELEMAIA 47 Bible Online

KO SELEMAIA 47 - KO E TOH TAPU KATOA TONGA bible

KO SELEMAIA 47

¹KO E me‘a na‘e hoko kia Selemaia ko e palōfita, ko e folofola ‘a Sihova na‘e kau ki he kau Filisitia, kuo te‘eki ke taa‘i ‘e Felo ‘a Kesa.

²Ko e folofola eni ‘a Sihova: Vakai, ‘oku hake mai ha vai mei he tokelau, pea te ne hoko ko e vai fā, pea te nau lōmekina ‘a e fonua mo hono mahu, ‘a e kolo mo e nofo ai: pea ‘e tangilāulau ‘a e kau tangata, pea ‘e ‘oiauē ‘a e nofo kotoa he fonua.

³Ko e me‘a ‘i he ongoonga‘a mai ‘a e patatū ‘a ‘ene fanga hoosi mālohi, ‘a e ‘oho ‘ene ngaahi sāliote, ‘a e longoa‘a ‘ene ngaahi me‘a teka, ko ia ‘oku ‘ikai ke tafoki ai ‘a e mātu‘a ki he‘enau fānau, hono kuo malūmaea honau nima.

⁴Koe‘uhi ā kuo hoko ‘a e ‘aho ke maumau ‘a e kau Filisitia kotoa, kae tu‘usi mei Taia mo Saitoni ‘a e toenga tokoni fua pē: he ‘e maumau ‘e Sihova ‘a e kau Filisitia, ‘a e toenga ‘o e matāfonua ‘o Kafitoli.

⁵Kuo hoko ‘a e tula ki Kesa; Kuo ka‘anga ‘a ‘Asikeloni, ‘A e toe ‘o honau talalo.[77] ‘E tuku afe ho‘omou nō vevela?

⁶‘Oiauē si‘i heletā ‘a Sihova, Ko futu ho‘o ta‘emālōlō! Hū mu‘a ki ho kato, Kemo hifo mu‘a ke longo.

⁷‘Oku ke mālōlō fēfē, ‘Osi, kuo ‘atu ‘e Sihova ha‘o fekau? Ko ‘Asikeloni mo e matātahi, Ko e potu ia kuo ne kotofa ia ki ai.