Read KO E TOH TAPU KATOA TONGA KO SELEMAIA 6 Bible Online

KO SELEMAIA 6 - KO E TOH TAPU KATOA TONGA bible

KO SELEMAIA 6

¹‘E ha‘a Penisimani, mou hola mei Selusalema, pea mou ifi ‘a e talupite ‘i Tekoa, pea fokotu‘u ‘i Pete-hakelemi ha faka‘ilonga: he ‘oku ‘ilonga mai ha kovi mei he tokelau, mo ha maumau lahi.

²‘Oku ou faka‘osi ‘a si‘i fefine hōihoifua mo fakananivi, ‘a e ta‘ahine ko Saione.[10]

³‘Oku ha‘u kiate ia ‘a e kau tauhi mo ‘enau ngaahi tākanga; ‘oku nau fokotu‘u honau ngaahi tēniti ki ai takatakai; ‘oku nau kaikai takitaha he me‘a ‘oku fe‘unga mo ia.

⁴Mou lotua ‘a e tau ke fai ki ai; mou tu‘u, ka tau kapa ho‘atā. ‘Oiauē kitautolu, he kuo pale ‘a e la‘ā, pea kuo fakalōloa atu ‘a e malu ‘o e efiafi!

⁵Tu‘u, ka tau kapa po‘uli, ‘o maumau hono ngaahi palasi. He ko e folofola eni ‘a Sihova Sāpaoti:

⁶Tā hono ‘akau, ‘o tanu puke ‘aki ke fai ki Selusalema; ko ia ia ‘a e kolo ke ‘eke‘i; ko loto kolo ko e koto fakamālohi fua pē.

⁷Hangē ‘oku fakapuna atu ‘e he fauniteni hono vai,[11] ‘oku pehē ‘a e fakapuna atu ‘e he kolo hono kovi: ‘oku ongoonga‘a ai ‘a e fakamālohi mo e fa‘ao; ‘oku fe‘ao ai pē mo au ‘a e mahaki mo e kafo.

⁸‘E Selusalema, ke ke tali akonaki, na‘a matanga hoku Laumālie meiate koe; pea u ngaohi koe ko e lala, ko e fonua ‘oku ‘ikai fai ai ha nofo.

⁹Ko e folofola eni ‘a Sihova Sāpaoti, Te nau mātu‘aki fakaeve ‘a e toenga ‘o ‘Isileli hangē ha vaine: “Toe ala ho nima ki he ngaahi va‘a, ‘o hangē ko ha tangata toli kālepi, ‘o paki mo e talaha.”

¹⁰Ko hai te u fai ki ai ‘eku lea mo ‘eku fakapapau, ke nau maongo‘i? Vakai, ‘oku ta‘ekamu honau telinga, pea ‘oku ‘ikai te nau lava ke fakaongo: vakai, kuo hoko ‘a e folofola ‘a Sihova ko e me‘a ke nau manuki‘i; ‘oku ‘ikai ha‘anau manako ki ai.

¹¹‘Osi, kuo u fonu au ‘i he houhau ‘o Sihova; kuo u fiu hono pukepuke: pe‘i lilingi atu ki he tamasi‘i ‘i he hala, pea ki he hua ‘a e kau talavou ‘oku tutu‘u fakataha: he tala atu, ‘e puke ‘a e tangata mo hono uaifi, ‘a e motu‘a mo ia ‘oku a‘ua‘u.

¹²Pea ‘e mole honau ngaahi fale ki ha ni‘ihi kehe, fakataha mo honau ngaahi konga vao mo honau ngaahi uaifi: he ‘oku ou mafao atu hoku nima ki he nofo ‘i he fonua ni — ko Sihova ia mei he Ta‘ehāmai.

¹³He ‘oku nau mānumanu koloa kotoa pē, mei he si‘i ki he lalahi; mei he palōfita ki he taula‘eiki, ‘oku ngāue‘aki ‘a e kākā honau kotoa.

¹⁴Pea kuo nau nanivi ‘i ‘enau faito‘o ‘a e maumau ‘o hoku kakai, he‘enau pehē, ‘E lelei pē, ‘e lelei pē; ‘osi, ‘oku ‘ikai ha lelei.

¹⁵Na‘a nau mei mā, he kuo nau fai fakalielia; kae tala atu, ‘oku ‘ikai te nau ongo‘i ha mā; tala atu ‘oku ‘ikai te nau ‘ilo ki he laea: ko ia, te nau tō ‘i he tō: ka hoko ‘a e taimi ‘o ‘eku ‘eke kinautolu, te nau humu — ko e folofola ia ‘a Sihova.

¹⁶Ko e folofola eni ‘a Sihova, Mou tu‘u ‘i he ngaahi kauhala, ‘o vakai, ‘o ‘eke ki he ngaahi ‘alunga tupu‘a, ko e fē ‘a e hala lelei, pea mou laka ai, pea te mou ma‘u ha mālōlō‘anga ki homou laumālie. Ka ‘oku nau pehē, ‘E ‘ikai te mau ‘alu.

¹⁷Pea kuo u fokotu‘u kiate kimoutolu ha kau le‘o, ‘o u pehē, Mou fakaongo ki he le‘o ‘o e talupite; ka ‘oku nau pehē, ‘E ‘ikai te mau fakaongo.

¹⁸Ko ia fanongo mai, ‘a e ngaahi pule‘anga, pea ‘ilo ‘a e fakataha na ‘a e me‘a ‘oku ‘iate kinautolu.

¹⁹‘E Māmani, fanongoa: ko au eni ‘oku ou ‘omi ha kovi ki he kakai ni ko e ‘ātunga pē ‘o ‘enau ngaahi fakakaukau; he ko ‘eku ngaahi lea na‘e ‘ikai te nau fakaongo ki ai, pea ko ‘eku lao na‘a nau fakatale‘i.

²⁰Koe‘uma‘aki ‘a e ‘omi laipeno kiate au mei Sipa, mo e kaho namu lelei mei ha fonua mama‘o? Ko ho‘omou ngaahi feilaulau-mōifua ‘oku ‘ikai ke ngangatu kiate au, pea ko ho‘omou ngaahi tāmate manu ‘oku ‘ikai ke tau lelei mai.

²¹Ko ia, ko eni ‘a e folofola ‘a Sihova, Ko au eni ‘oku ou ‘ai tūkia‘anga ki he kakai ni; ke humu ai ‘a e mātu‘a mo e fānau, ke ‘auha ai fakataha ‘a e kaungā nonofo mo ia ‘oku hoko atu.

²²Ko e folofola eni ‘a Sihova: Vakai, ‘oku ha‘u ha kakai mei ha fonua tokelau, pea ‘oku ngaungaue hake ha pule‘anga lahi mei he ngaahi ngata‘anga ‘o e fonua.

²³‘Oku nau to‘o kaufana mo e tao; ko e pule‘anga manako fakamamahi ia, pea ‘oku ‘ikai ha‘anau manava‘ofa; ‘oku ‘u‘ulu honau le‘o hangē ko e tahi, pea ‘oku heka hoosi ia; kuo te u hangē ha to‘a ke tau‘i koe, ta‘ahine Saione.

²⁴Kuo mau ongo‘i hono ongoongo; ‘oku vaivai homau nima: kuo puke kimautolu ‘e he mamahi, ko e langā hangē ko e fefine fā‘ele.

²⁵‘Oua ‘e hū ki tu‘a ki he vao, pea ‘oua ‘e ‘eve‘eva ‘i he hala, he ‘oku fakaheletā ‘a e fili, ‘oku ha‘o koe ‘e ha fakailifia.

²⁶Si‘i ‘ōfefine ‘o hoku kakai, no‘o tauanga‘a, pea ke paniefua: fai ‘a e tēngihia ‘o ho‘o me‘a pē taha, ‘a e tangilāulau fakamamahi; he hoko fakafokifā pē kiate kitautolu ‘a e taha vete.

²⁷Kuo u tuku koe ‘i hoku kakai ko e taha ‘oku sivi ‘a e maka-koula, koe‘uhi ke ke sivi mo ‘ilo honau ‘alunga.

²⁸Ko e angatu‘u ‘o e angatu‘u ‘a kinautolu kotoa, ko e fa‘ahinga fakaaulau; ko e kapa pē, mo e ‘aione: ko e fa‘ahinga maumau anga honau kotoa.

²⁹Kuo keina ‘e he afi ‘a e tapili; kuo tō mei honau haka ‘a e pulu pē: ko e laufanō ‘a e haka pē, haka pē; he tala‘ehai ‘oku mavahe ‘a e kau kovi.

³⁰‘Oku ui kinautolu ko e efe‘i siliva, he kuo fakatale‘i kinautolu ‘e Sihova,