Read KO E TOH TAPU KATOA TONGA KO ‘ISIKELI 3 Bible Online

KO ‘ISIKELI 3 - KO E TOH TAPU KATOA TONGA bible

KO ‘ISIKELI 3

⁴Pea ne folofola kiate au, Hako‘i-tangata, ha‘u ange, ‘alu ki he fale ‘o ‘Isileli, ‘o tala kiate kinautolu ‘eku ngaahi lea.

⁵He tala‘ehai ‘oku fekau koe ki ha kakai lea mei he monga, mo ‘elelo mamafa, ka ki he fale ‘o ‘Isileli,

⁶‘oku ‘ikai ko e ngaahi kakai lahi lea mei he monga mo ‘elelo mamafa, ‘a ia ‘oku ‘ikai te ke ‘ilo‘i ‘enau lea: ka ki he fa‘ahinga ko ē; ‘e ‘uhinga kiate kinautolu ho‘o lea.[8]

⁷Ka ‘e ‘ikai loto ‘a e fale ‘o ‘Isileli ke ongo‘i koe, he ‘oku ‘ikai te nau fie ongo‘i au: he ko e fale kotoa ‘o ‘Isileli ko e fa‘ahinga la‘e maka ia, mo loto fefeka.

⁸Vakai, kuo u ngaohi ho mata ke fefeka, ke hoa mo ho‘onautolu mata, pea ke maka ho la‘e ke hoa mo ho‘onautolu la‘e.

⁹Kuo u ngaohi ho la‘e ke hangē ko e taiāmoni, ‘a ia ‘oku fefeka ange ‘i he maka: ‘oua te ke manavahē kiate kinautolu, pea ‘oua te ke teki ‘i honau ‘ao; he ko e fāmili pau‘u kinautolu.

¹⁰Pea ne folofola kiate au, Hako‘i-tangata, ko ‘eku ngaahi lea kotoa ‘oku ou fai atu te ke ‘ai ki ho loto, pea ongo‘i ‘aki ho telinga.

¹¹Pea ha‘u ange, ke ke ‘alu ki he fakahē, ki he hako ‘o ho kakai, pea te ke lea kiate kinautolu, ‘io, ke ke pehē ange, Ko e folofola eni ‘a ‘Ātonai Sihova — ko ia ai pē pe te nau fie fanongo, pe te nau kalofi.

¹²Pea na‘e hiki au ‘e he laumālie,[9] pea u ongo‘i mei hoku tu‘a ha lea ‘oku fu‘u ha‘aki mai, “Ke mālō‘ia ‘a e Sikaina ‘o Sihova” — mei hono potu ia.

¹³Pea ongo mai mo e longoa‘a ‘o e ngaahi kapakau ‘o e ngaahi Me‘a Mo‘ui, ‘enau felave ‘a e taha mo e taha, mo e longoa‘a ‘o e ngaahi fakasāliote ‘oku ō mo kinautolu, mo e longoa‘a ‘o ha fu‘u ngahaha.

¹⁴‘Io, na‘e hiki au ‘e he laumālie, ‘o ne ‘ave au; pea u ‘alu mamahi kuo ‘ita hoku laumālie; ka na‘e mamafa kiate au ‘a e nima ‘o Sihova.

¹⁵Pea u a‘u ki Telapipi, ki he kau fakahē na‘e nofo ki he vaitafe ko Kipa: pea ko e potu na‘e nofo ai ‘a e fa‘ahinga ko ē na‘a ku nofo ai ‘i honau lotolotonga, kuo u mate ngūngū ‘o ‘aho fitu.

¹⁶Pea ‘i he hili ‘a e ‘aho ‘e fitu, na‘e hoko ‘a e folofola ‘a Sihova kiate au, ‘o pehē,

¹⁷Hako‘i-tangata, kuo u tuku koe ko e taulama ki he fale ‘o ‘Isileli: pea te ke ma‘u mei hoku ngutu ‘a e lea, pea te ke valoki kinautolu meiate au.

¹⁸Kapau te u lea ‘i ha angahala, Te ke mātu‘aki mate; pea ‘oku ‘ikai te ke valoki ia, ‘o ‘ikai te ke lea ke sese‘e ‘a e angahala mei hono ‘alunga kovi ke ne mo‘ui; te ne mate ‘a e angahala ko ia ‘i he kovi kuo ne fai; ka ko hono toto te u ‘eke ki ho‘ou nima.

¹⁹Ka ‘o kapau ‘oku ke valoki ‘e koe ‘a e angahala, ka ‘oku ‘ikai te ne tafoki ia mei he‘ene angahala, pea mei hono ‘alunga kovi, ‘e mate ‘a e toko taha ko ia ‘i he kovi kuo ne fai; ka kuo ke hamusi ‘e koe ho laumālie ‘o‘ou.

²⁰Pea ka afe ha taha mā‘oni‘oni mei he‘ene mā‘oni‘oni, ‘o faikovi, ‘o u ‘ai ha tūkia‘anga ‘i hono ‘ao, ‘e mate ‘a e toko taha ko ia: kapau na‘e ‘ikai te ke valoki‘i ia, te ne pekia ‘i he‘ene angahala, pea ‘e ‘ikai manatua ‘a e mā‘oni‘oni kuo ne fai; ka ko hono toto te u ‘eke ki ho‘ou nima.

²¹Ka ko e me‘a kiate koe, kapau ‘oku ke valoki‘i ia, ‘a e mā‘oni‘oni ko ē ke ‘oua na‘a fai angahala ha taha mā‘oni‘oni, pea ‘oku ‘ikai ke fai angahala ‘a e toko taha ko ia, ‘e mo‘ui ia, koe‘uhi na‘e valoki‘i, pea ko koe kuo ke hamusi ho laumālie ‘o‘ou.

²²Pea na‘e hoko kiate au ‘i he potu ko ia ‘a e nima ‘o Sihova; pea ne folofola mai, Tu‘u, ‘alu atu ki he tele‘a, pea te u lea kiate koe ‘i he potu ko ia.

²³Pea u tu‘u, ‘o ‘alu atu ki he tele‘a: Pea tā ko e kolōlia ‘o Sihova ena ‘oku tu‘u hangē ko e kolōlia na‘a ku sio ki ai ‘i he ve‘e vaitafe ko Kipa: pea u tō fo‘ohifo.

²⁴Pea hū kiate au ‘a e laumālie, ‘o ne fokotu‘u au ‘aki hoku va‘e; pea ne lea kiate au, ‘o folofola mai, ‘Alu, ‘o tāpuni koe ‘i ho fale.

²⁵Siini, Hako‘i-tangata, vakai, te nau ‘ai kiate koe ‘ani kafa, ‘o ha‘i ‘aki koe, ko ia ‘e ‘ikai te ke lava ke ke ‘alu atu ki honau lotolotonga.

²⁶Pea ko ho ‘elelo na te u fakapiki ki ho ‘ao‘ingutu, koe‘uhi ke ke noa, ‘o ‘ikai te ke ‘iate kinautolu ko honau tangata akonaki: he ko e fāmili pau‘u kinautolu.

²⁷Ka ‘oka u ka lea kiate koe, te u to‘o ho ngutu, pea te ke toki pehē kiate kinautolu, Ko e folofola eni ‘a ‘Ātonai Sihova; Ko ia ‘oku fie fanongo, ke ne fanongo; pea ko ia ‘oku fie kalofi ke ne kalofi — he ko e fāmili pau‘u kinautolu.