Read KO E TOH TAPU KATOA TONGA KO HOSEA 13 Bible Online

KO HOSEA 13 - KO E TOH TAPU KATOA TONGA bible

KO HOSEA 13

¹KA lea ‘a ‘Ifalemi, na‘e fai ha tete: ko eni ia na‘e fotu ‘i ‘Isileli; ka ‘i he‘ene hia ‘ia Peali, na‘a ne mate.

²Pea ‘i he taimi ni ‘oku fai ai pē ‘enau angahala, pea kuo nau ngaohi hanau ‘īmisi ‘aki ‘enau siliva, ko e ngaahi ‘aitoli ke hoa mo honau ‘atamai, ko e ngāue ‘a e tufunga fua pē: ko e lau ‘oku fai ‘e he fa‘ahinga ko ē ki he fa‘ahinga ko ē ‘oku pehē, ‘Oku nau feilaulau tangata, ‘oku nau ‘uma ki he fanga kafi.[52]

³Ko hono ō ia te nau hoko ‘o hangē ko ha ‘ao pongipongi, pea hangē ko e hahau ‘oku mole vave, hangē ko e kafukafu ‘oku punakaki mei he ‘au‘au‘anga, pea hangē ko e mole ‘a e kohu ‘i he fakavangavanga.

⁴‘Osi, ko au pē ‘a Sihova ko ho ‘Otua, talu ‘a ‘Isipite ‘o fai mai; pea tala‘ehai kuo ke ‘ilo ha ‘Otua ke ua ‘aki au; ‘io, ka tuku au, ‘oku ‘ikai ha taha fai fakamo‘ui.

⁵Ko au na‘a ku ‘ilo koe ‘i he Toafa, ‘i he fonua ‘o e mate he fie inu.

⁶‘I he pehē honau fafanga na‘a nau mākona; na‘a nau mākona, pea hiki honau loto: ‘a ē ā na‘a nau fakangalongalo‘i ai au.

⁷Ko ia kuo u hoko kiate kinautolu hangē ha laione: ‘oku ou toka tata‘o ‘i he ve‘ehala hangē ha lēpati:

⁸te u ‘ohofi kinautolu hangē ha pea kuo mole hono ‘uhiki, pea te u hae ‘a e kafukafu ‘o honau mafu: pea te u kai kinautolu ‘i he potu ko ia, hangē ha laione toutama; ‘e fehae kinautolu ‘e he manu ‘o e vao.

⁹Ko eni ‘a e me‘a kuo fakalusa koe, ‘e ‘Isileli, ko ho‘o tu‘u kiate au, ‘a au ko ho tokoni.[53]

¹⁰Ko e fē fua ho tu‘i ke ne tokoni‘i koe ‘i ho ngaahi kolo? pea ko e fē ho kau fakamaau, ‘a ia na‘e pehē ho‘o lau ai, Tuku mai ha tu‘i mo ha hou‘eiki?[54]

¹¹‘Oku ou ‘atu tu‘i ‘i he‘eku ‘ita, pea ‘oku ou ‘ave ‘i he‘eku houhau.

¹²Kuo kofukofu ‘a e kovi ‘a ‘Ifalemi; kuo tuku tauhi ‘ene angahala.

¹³‘Oku a‘u kiate ia ‘a e langā ‘a e fā‘ele: ‘oku ‘ikai ko e tama poto ia; ka hoko ‘a e taimi, ‘oku ‘ikai te ne tu‘u ‘i he halanga fānau.

¹⁴Te u huhu‘i kinautolu mei he nima ‘o Hētesi; te u fakatau kinautolu mei he mate. Mate, kofa‘ā ho‘o ‘ū faka‘auha? Hētesi, kofa‘ā ho‘o fakaka‘anga?[55] ‘E puli mei hoku mata a e momou.

¹⁵Seuke,[56] ko ia ia ‘e fua i he lotolotonga ‘o hono ngaahi tokoua:[57] e hoko mai a e matangi hahake, ko ha matangi ‘a Sihova oku hau mei he toafa, pea e fakamātu‘u ‘ene fauniteni, pea e fakamōmoa ‘ene matavai; ko ena ia te ne vete mei he fale koloa ‘a e nāunau mahu‘inga.

¹⁶‘E halaia ‘a Samēlia; he kuo ne angatu‘u ki hono ‘Otua: te nau tō i he heletā; ko ‘enau tamaiki ‘e havehave, pea ‘e hae hono kau fefine feitama.