Read KO E TOH TAPU KATOA TONGA KO HOSEA 3 Bible Online

KO HOSEA 3 - KO E TOH TAPU KATOA TONGA bible

KO HOSEA 3

¹PEA folofola ‘a Sihova kiate au, Toe ‘alu,[8] ‘o ‘ofa‘i ha fefine ‘oku ai hono ‘ofa‘anga, ka kuo ne maumau ‘ene alafia, ‘o hangē ko e ‘ofa‘i ‘e Sihova ‘a ha‘a ‘Isileli, ka ka hanga kinautolu ki he ngaahi ‘otua kehe, ‘o manako takaonga kālepi.[9]

²Ko ia, na‘a ku fakatau ia kiate au ‘aki ‘a e pa‘anga siliva ‘e hongofulu mā nima, mo e homa pa‘ale ‘e taha mo e haafe.

³Pea u lea ki he fefine, ‘o pehē, Te ke nofo kiate au ‘o ‘aho lahi: ‘e ‘ikai te ke pa‘umutu, pea ‘e ‘ikai te ke tali ha tangata, pea ko au foki te u hangē ko ia kiate koe.

⁴He ‘e ‘aho lahi ‘a e nofo ‘a ha‘a ‘Isileli ta‘ehanau tu‘i, pea ta‘ehanau hou‘eiki, pea ta‘ehanau feilaulau, pea ta‘ehanau pou tapu, pea ta‘ehanau ‘ēfoti pe telāfimi.

⁵Hili ia, ‘e foki ‘a ha‘a ‘Isileli, pea te nau kumi kia Sihova ko honau ‘Otua, pea kia Tēvita ko honau tu‘i; pea te nau ha‘u manavahē kia Sihova mo ‘ene lelei ‘i he kuonga mama‘o atu.