Read KO E TOH TAPU KATOA TONGA KO ‘ĒMOSI 1 Bible Online

KO ‘ĒMOSI 1 - KO E TOH TAPU KATOA TONGA bible

KO ‘ĒMOSI 1

¹KO E ngaahi lea ‘a ‘Ēmosi, ‘a ia na‘a ne ‘i he kau tauhimanu ‘o Tekoa; ‘a e me‘a na‘e hā kiate ia ‘o kau ki ‘Isileli, ‘i he taimi ‘o ‘Ūsaia Tu‘i Siuta, pea ‘i he taimi ‘o Selopoame foha ‘o Soasi ko e Tu‘i ‘Isileli, ko e ta‘u ‘e ua ki mu‘a ‘i he mofuike.

²Pea ne pehē: ‘E kālou ‘a Sihova mei Saione, ‘Io, te ne tukuna atu hono le‘o mei Selusalema; Pea ‘oku tangi ‘a e ngaahi kaikai‘anga ‘o e kau tauhi, Pea ‘e mae ‘a e tumutumu ‘o Kāmeli.

³Ko e folofola eni ‘a Sihova: He ‘oku tolu pē ‘a e angahala ‘a Tāmasikusi, Pe ‘oku fā pē? ‘E ‘ikai te u lolou: He na‘a nau haha ‘a Kiliati ‘aki ‘a e ngaahi haha‘anga ‘aione.

⁴Pea te u fekau atu ha afi ki he fale ‘o Hesaeli, Pea te ne keina ‘a e ngaahi palasi ‘o Peni-Hētati.

⁵Pea te u maumau‘i ‘a e ‘aonga ‘o Tāmasikusi, Pea te u tu‘usi ‘a e nofo ‘i Pika-‘Āveni, Mo ia ‘oku to‘o ‘a e sēpita ‘i Pete-‘Ēteni; Pea ‘e ‘alu pōpula ‘a e kakai Sīlia ki Kili — ko e folofola ia ‘a Sihova.

⁶Ko e folofola eni ‘a Sihova: He ‘oku tolu pē ‘a e angahala ‘a Kesa, Pe ‘oku fā pē? ‘E ‘ikai te u lolou: He na‘a nau hiki mo e faliki ‘enau taki pōpula kinautolu, ke tukuange ki ‘Ītomi.

⁷Pea te u fekau atu ha afi ki he ‘ā ‘o Kesa, Pea te ne keina hono ngaahi palasi.

⁸Pea te u tu‘usi ‘a e nofo meia ‘Asitoti, Mo ia ‘oku to‘o ‘a e sēpita meia ‘Asikeloni, Pea te u tu‘anima‘i ‘eku tā ki ‘Ekeloni, Pea ko e toenga ‘o kau Filisitia te nau ‘auha — Ko e folofola ia ‘a ‘Ātonai Sihova.

⁹Ko e folofola eni ‘a Sihova; He ‘oku tolu pē ‘a e angahala ‘ā Taia, Pe ‘oku fā pē? ‘E ‘ikai te u lolou: He na‘e hiki mo e faliki ‘enau tukuange kinautolu ki ‘Ītomi, pea na‘e ‘ikai te nau manatu ki he kovinānite fakakāinga.

¹⁰Pea te u fekau atu ha afi ki he ‘ā ‘o Taia, Pea te ne keina hono palasi.

¹¹Ko e folofola eni ‘a Sihova: He ‘oku tolu pē ‘a e angahala ‘a ‘Ītomi, Pe ‘oku fā pē? ‘E ‘ikai te u lolou: He na‘a ne tuli mo e heletā ki hono tokoua,[1] pea ne fakafefeka ‘ene ‘ofa kotoa, pea na‘e taukete ai pe ‘ene ‘ita, pea ne tauhi ‘ene kakaha ‘o ta‘engata.

¹²Pea te u fekau atu ha afi ki Tīmani, Pea te ne keina ‘a e ngaahi palasi ‘o Pōsila.

¹³Ko e folofola eni ‘a Sihova: He ‘oku tolu pē ‘a e angahala ‘a Ha‘a ‘Āmoni, Pe ‘oku fā pē? ‘E ‘ikai te u lolou: He na‘a nau tafa ‘a e kau fefine feitama ‘i Kiliati, ko ‘enau fie toloaki honau kau‘ā.

¹⁴Pea te u tafu ha afi ‘i he ‘ā ‘o Lapa, Pea te ne keina hono ngaahi palasi, He fai ‘a e kaila tau ‘i he ‘aho ‘o e tau, Pea ō mo e ‘ahiohio ‘i he ‘aho ‘o e afā:

¹⁵Pea ‘alu pōpula ‘a honau tu‘i, ‘A ia mo hono hou‘eiki fakataha — ko e folofola ia ‘a Sihova.