Read KO E TOH TAPU KATOA TONGA KO ‘ĒMOSI 4 Bible Online

KO ‘ĒMOSI 4 - KO E TOH TAPU KATOA TONGA bible

KO ‘ĒMOSI 4

¹FANONGO ki he lea ko eni, ‘a e fanga kau faka-Pēsani, ‘a ia ‘oku ‘i Mo‘unga Samēlia, ‘a e fa‘ahinga ‘oku fakaehaua ‘a e mā‘ulalo, ‘oku laiki ‘a e masiva, ‘oku lea ki honau husepāniti, ‘Omi me‘a ke mau inu.

²Kuo fuakava ‘a ‘Ātonai Sihova ‘i he‘ene mā‘oni‘oni, tala atu ‘oku hoko kiate kimoutolu ha ngaahi ‘aho, ‘a ia ‘e ‘ave ai kimoutolu ‘aki ‘a e māta‘u, pea ko homou toenga, ‘aki ‘a e māta‘u ika.

³Pea te mou hū ki tu‘a ‘i he ngaahi ava ‘o e ‘ā, takitaha ‘i hono laine; pea ‘e lī kimoutolu ki Hāmona[7] — ko Sihova ia mei he Ta‘ehāmai.

⁴Ha‘u ki Pēteli, ‘O fai angahala ai; Ha‘u ki Kilikali, ‘O fakalahi angahala; Pea ‘omi ho‘omou ngaahi feilaulau ‘I he pongipongi kotoa pē, Mo ho‘omou ngaahi tukuhau hongofulu ‘o fakahili ‘aho ‘e tolu;[8]

⁵Pea ‘atu mei he mā lēvani ha feilaulau fakafeta‘i, Pea mou tala ke hapai kōpano, ‘O fanongonongo ke ‘omi. He ko ho‘omou manako ia, ha‘a ‘Isileli — Ko ‘Ātonai Sihova ia mei he Ta‘ehāmai.

⁶Pea ko au foki kuo u ‘atu kiate kimoutolu ‘a e te‘enifo ma‘a ‘I homou ngaahi kolo kotoa, Mo e masiva me‘akai ‘i homou ngaahi feitu‘u; Ka tala‘ehai kuo mou foki kiate au, Ko Sihova ia mei he Ta‘ehāmai.

⁷Pea kuo u ta‘ofi foki meiate kimoutolu ‘a e ‘uha, ‘i he kei toe ‘a e māhina ‘e tolu ki he ututa‘u: pea u ‘ai ke ‘uha ki ha kolo ‘e taha, kae ‘ikai ‘uha ‘a e kolo ‘e taha: ko e ‘api ‘e taha na‘e ‘uheina, pea ko e ‘api ‘oku ‘ikai tō ki ai ha ‘uha na‘e mae.

⁸Ko ia na‘e fai fano ha kolo ‘e ua pe tolu, ‘o a‘u ki ha kolo ‘e taha ke inu vai, pea na‘e ‘ikai te nau mākona: Ka hono kuo mou foki kiate au — Ko Sihova ia mei he Ta‘ehāmai.

⁹Kuo u taa‘i kimoutolu ‘aki ‘a e mahunu, mo e kekena; ko ho‘omou ngaahi fu‘ufu‘unga ngouetapu mo ngoue vaine mo homou ngaahi fiki mo ho‘omou ngaahi ‘ōlive kuo kai ‘e he he‘e-ola: Ka tala‘ehai kuo mou foki kiate au — ko Sihova ia mei he Ta‘ehāmai.

¹⁰Kuo u fekau atu kiate kimoutolu ‘a e mahaki faka‘auha ‘i hono anga faka-‘Isipite: kuo u tāmate‘i ‘aki ‘a e heletā ho‘omou kau talavou ‘o vete foki ho‘omou fanga hoosi; pea kuo u ‘ai ke tau ki homou ihu ‘a e namuhāhā ‘o homou ngaahi ‘apitanga tau: Ka hono kuo mou foki mai kiate au — ko Sihova ia mei he Ta‘ehāmai.

¹¹Kuo u fulihi hamou ni‘ihi, hangē ko e fulihi ‘e he ‘Otua ‘a Sōtoma mo Komola, pea na‘a mou hangē ha potupotu‘i afi kuo hamusi mei he vela: Ka tala‘ehai kuo mou foki kiate au — ko Sihova ia mei he Ta‘ehāmai.

¹²Ko ia KO ENI ‘a e me‘a te u fai kiate koe, ‘e ‘Isileli: Pea ko e me‘a ‘i he‘eku teu fai ENI kiate koe, Ke ke teuteu ke tali ho ‘Otua, ‘e ‘Isileli,

¹³He vakai, ko ia ia ‘oku ne ngaohi ‘a e ngaahi mo‘unga, Mo fakatupu ‘a e laumālie,[9] Pea ‘oku ne fakahā ki he tangata ‘a e me‘a ‘oku ne fifili ki ai, ‘A e ‘Afio ‘oku ne ngaohi ‘a e pongipongi, ‘a e po‘uli,[10] Pea ‘oku ne hā‘elea ‘a e ngaahi mā‘olunga ‘o māmani — Ko hono huafa ko Sihova ‘Otua Sāpaoti.