Read KO E TOH TAPU KATOA TONGA NŌMIPA 29 Bible Online

NŌMIPA 29 - KO E TOH TAPU KATOA TONGA bible

NŌMIPA 29

¹PEA ‘i hono fitu ‘o e māhina, ‘i he ‘uluaki ‘aho, ‘e fai ha‘amou fakataha tapu: tapu ‘aupito ha‘amou fai ‘a e ngāue ‘a homou ngaahi lakanga: ko e ‘aho ifi ia kiate kimoutolu.

²Pea te mou feia ha feilaulau-mōifua mo‘o ngangatu fakahōifua kia Sihova; ko e pulu mui ‘e taha, ko e sipi tangata ‘e taha, ko e fitu‘i lami ‘oku ta‘u taha pea ta‘emele;

³pea ko honau kinaki ko e ‘elito‘i mahoa‘a kuo natu ‘aki ‘a e lolo, ko e vahehongofulu ‘e tolu ki he pulu, ko e vahehongofulu ‘e ua ki he sipi tangata,

⁴ko ha vahehongofulu ‘e taha ki he lami takitaha ‘i he fitu‘i lami:

⁵ko e kosi tangata foki ‘e taha mo‘o feilaulau-angahala, ke fai‘aki ha fakalelei ma‘amoutolu:

⁶tukukehe ‘a e feilaulau-mōifua ‘o e fakamāhina-fo‘ou mo hono kinaki, mo e feilaulau-mōifua tu‘u ma‘u mo hono kinaki ‘o‘ona, mo honau kava, ‘o hangē ko honau konisitūtone, mo‘o ngangatu fakahōifua fai ‘alu ‘a e afi kia Sihova.

⁷Pea ‘i hono ‘aho hongofulu ‘o e māhina fitu ko ia ‘e fai ha‘amou fakataha tapu; pea te mou fakavaivai homou laumālie; ‘ilonga ha ngāue fakatamaio‘eiki ‘e ‘ikai te mou fai:

⁸ka te mou ‘atu ki he ‘Eiki ha feilaulau-mōifua mo‘o ngangatu fakahōifua; ko e pulu mui ‘e taha, ko e sipi tangata ‘e taha, ko e fitu‘i lami ‘oku taha ta‘u; te mou tokanga ke nau ta‘emele.

⁹Pea ko honau kinaki ko e ‘elito‘i mahoa‘a kuo natu ‘aki ‘a e lolo, ko e vahe hongofulu ‘e tolu ki he pulu, ko e vahehongofulu ‘e ua ki he taha‘i sipi tangata.

¹⁰Taki vahehongofulu ha lami ‘i he fitu‘i lami:

¹¹ko e kosi tangata mo‘o feilaulau-angahala; tukukehe ‘a e feilaulau-angahala fakalelei, mo e feilaulau-mōifua tu‘u ma‘u, mo hono kinaki, mo honau kava.

¹²Pea ‘i hono ‘aho hongofulu mā nima ‘o hono fitu ‘o e māhina ‘e fai ha‘amou fakataha tapu: ‘ilonga ha ngāue fakatamaio‘eiki ‘e ‘ikai te mou fai, pea te mou fai ha kātoanga kia Sihova ‘o ‘aho fitu.

¹³Pea te mou ‘atu ha feilaulau-mōifua ko e feilaulau tutu, mo‘o ngangatu: fakahōifua kia Sihova; ko e pulu mui ‘e hongofulu mā tolu, sipi tangata ‘e ua, lami tangata ‘e hongofulu mā fā ‘oku taha ta‘u (te nau ta‘emele):

¹⁴pea ko honau kinaki ko e ‘elito‘i mahoa‘a kuo natu lolo, ko e vahehongofulu ‘e tolu ki he hongofulu mā tolu‘i pulu takitaha, ko e vahehongofulu ‘e ua ki he ongo sipi tangata takitaha,

¹⁵pea taki vahe-hongofulu ‘a e hongofulu mā faa‘i lami:

¹⁶ko e kosi tangata foki ‘e taha mo‘o feilaulau-angahala; tukukehe ‘a e feilaulau-mōifua tu‘u ma‘u, ‘a hono kinaki mo hono kava.

¹⁷Pea ‘i hono ‘aho ua ko e pulu mui ‘e hongofulu mā ua, sipi tangata ‘e ua, lami ‘e hongofulu mā fā ‘oku taha ta‘u pea ta‘emele;

¹⁸pea ko honau kinaki mo honau ngaahi kava ki he fanga pulu, ki he ongo sipi tangata, pea ki he fanga lami, ‘o fakatatau ki honau tokolahi mo e tu‘utu‘uni ki ai:

¹⁹ko e kosi tangata foki ‘e taha mo‘o feilaulau-angahala; tukukehe ‘a e feilaulau-mōifua tu‘u ma‘u, mo hono kinaki pea mo honau kava.

²⁰Pea ‘i hono ‘aho tolu ko e pulu ‘e hongofulu mā taha, sipi tangata ‘e ua, lami ‘e hongofulu mā fā ‘oku taha ta‘u pea ta‘emele;

²¹pea ko honau kinaki mo honau ngaahi kava ki he fanga pulu, ki he ongo sipi tangata, pea ki he fanga lami, ‘o fakatatau ki honau tokolahi mo e tu‘utu‘uni ki ai:

²²ko e taha‘i kosi feilaulau-angahala foki; tukukehe ‘a e feilaulau-mōifua tu‘u ma‘u, mo hono kinaki mo hono kava.

²³Pea ‘i hono ‘aho fā ko e pulu ‘e hongofulu, sipi tangata ‘e ua, lami ‘e hongofulu mā fā ‘oku taha ta‘u pea ta‘emele;

²⁴ko honau kinaki mo honau ngaahi kava, ki he fanga pulu, ki he ongo sipi tangata, pea ki he fanga lami, ‘o fakatatau ki honau tokolahi mo e tu‘utu‘uni ki ai:

²⁵ko e kosi tangata foki ‘e taha mo‘o feilaulau-angahala; tukukehe ‘a e feilaulau-mōifua tu‘u ma‘u, ‘a hono kinaki mo hono kava.

²⁶Pea ‘i hono ‘aho nima ko e pulu ‘e hiva, sipi tangata ‘e ua, lami ‘e hongofulu mā fā ‘oku ta‘u taha pea ta‘emele;

²⁷pea ko honau kinaki mo honau ngaahi kava, ki he fanga pulu, ki he ongo sipi tangata, pea ki he fanga lami, ‘o fakatatau ki honau tokolahi mo e tu‘utu‘uni ki ai:

²⁸ko e taha‘i kosi feilaulau-angahala foki; tukukehe ‘a e feilaulau mōifua tu‘u ma‘u, mo hono kinaki mo hono kava.

²⁹Pea ‘i hono ‘aho ono ko e pulu ‘e valu, sipi tangata ‘e ua, lami ‘e hongofulu mā fā ‘oku taha ta‘u pea ta‘emele;

³⁰mo honau kinaki mo honau ngaahi kava, ki he fanga pulu, ki he ongo sipi tangata, ki he fanga lami, ‘o fakatatau ki honau tokolahi mo e tu‘utu‘uni ki ai:

³¹mo e taha‘i kosi feilaulau-angahala foki; tukukehe ‘a e feilaulau-mōifua tu‘u ma‘u, ‘a hono kinaki mo hono kava.

³²Pea ‘i hono ‘aho fitu ko e pulu ‘e fitu, sipi tangata ‘e ua, lami ‘e hongofulu mā fā ‘oku taha ta‘u pea ta‘emele;

³³mo honau kinaki mo honau ngaahi kava, ki he fanga pulu, ki he ongo sipi tangata, ki he fanga lami, ‘o fakatatau ki honau tokolahi mo e tu‘utu‘uni ki ai:

³⁴ko e taha‘i kosi feilaulau-angahala foki; tukukehe ‘a e feilaulau-mōifua tu‘u ma‘u, ‘a hono kinaki mo hono kava.

³⁵‘I hono ‘aho valu ‘e fai ha‘amou faka‘osi: tapu ‘aupito ho‘omou fai ‘a e ngāue ‘a homou ngaahi lakanga;

³⁶ka te mou ‘atu ha feilaulau-mōifua, ko e feilaulau tutu, mo‘o ngangatu fakahōifua kia Sihova; ko e pulu ‘e taha, sipi tangata ‘e taha, lami ‘e fitu ‘oku taha ta‘u pea ta‘emele;

³⁷ko honau kinaki mo honau ngaahi kava, ki he fanga pulu, ki he sipi tangata, pea ki he fanga lami ‘o fakatatau ki honau tokolahi mo e tu‘utu‘uni ki ai;

³⁸ko e taha‘i kosi feilaulau-angahala foki; tukukehe ‘a e feilaulau-mōifua tu‘u ma‘u mo hono kinaki mo hono kava.

³⁹Ko eni ia ‘a e me‘a te mou feia kia Sihova ‘i homou ngaahi ‘aho tu‘utu‘uni — tuku kehe ho‘omou ngaahi tukumo‘ui, mo ho‘omou ngaahi me‘a-‘ofa-ma‘amou ngaahi feilaulau mōifua, pea ma‘amou ngaahi kinaki, pea ma‘amou ngaahi feilaulau-kava, pea ma‘a-mou ngaahi feilaulau-‘ofa.

⁴⁰Pea fakamatala ‘e Mōsese ki ha‘a ‘Isileli ‘a e ngaahi me‘a kotoa pē kuo tu‘utu‘uni ‘e Sihova kiate ia.