Read KO E TOH TAPU KATOA TONGA KO MAIKA 4 Bible Online

KO MAIKA 4 - KO E TOH TAPU KATOA TONGA bible

KO MAIKA 4

¹PEA ‘e hoko ‘o pehē ‘i he kuonga ‘amui, ‘e fokotu‘u ‘a e mo‘unga ‘o e fale ‘o Sihova ko e ‘ulu ‘o e ngaahi mo‘unga, pea ‘e mahiki hake ia ‘i he ngaahi fo‘i mā‘olunga; pea ‘e tafe ki ai ‘a e ngaahi kakai.

²‘Io, ‘e ō ange ‘a e ngaahi pule‘anga lahi, pea te nau pehē, Ha‘u ā, ka tau ‘alu hake ki he mo‘unga ‘o Sihova,[9] pea ki he fale ‘o e ‘Otua ‘o Sēkope; pea te ne ako kiate kitautolu hano ngaahi ‘alunga, pea te tau fou ‘i hono ngaahi founga: he ko Saione ‘e ‘alu mei ai ‘a e fakahinohino, mo e folofola ‘a Sihova mei Selusalema.

³Pea te ne fakamaau ‘a e vaha‘a ‘o e ngaahi kakai lahi, pea te ne sivi ‘a e me‘a ‘a e ngaahi pule‘anga kaukaua ‘o fai atu ki he mama‘o; pea te nau tuki huo toho ‘aki ‘enau ngaahi heletā, mo e ngaahi hele ‘auhani ‘aki honau tao: ‘e ‘ikai ofa ha heletā ‘e ha pule‘anga ki ha pule‘anga, pea ‘e ‘ikai kei fai ha ako tau.

⁴Ka te nau nofo takitaha ‘i hono lolo vaine, pea ‘i hono lolo fiki; ‘o ‘ikai mafakahoha‘a kinautolu ‘e ha taha — he kuo folofola ki ai ‘a e fofonga ‘o Sihova Sāpaoti.

⁵He ko e ngaahi kakai kātoa ‘oku nau ‘alu ‘aki takitaha ‘a e huafa ‘o hono ‘otua, pea ko kitautolu te tau ‘alu ‘aki ‘a e huafa ‘o Sihova ko hotau ‘Otua, ‘o lauikuonga pea ta‘engata.

⁶‘I he taimi ko ia — ko Sihova ia mei he Ta‘ehāmai — te u fakataha si‘i ketu, pea te u tānaki si‘i me‘a na‘e sese‘e, mo ia ne u ngaohikovi‘i;

⁷pea te u ngaohi ‘a si‘i ketu ko e toenga, pea ko si‘i me‘a na‘e ‘ave mama‘o ‘e hoko ko e pule‘anga kaukaua: pea ‘e tu‘i ‘a Sihova kiate kinautolu ‘i Mo‘unga Saione, mei he taimi ko ia ‘io ‘o ta‘engata.

⁸Pea ko koe, Taua ‘o e tākanga,[10] Sia[11] ‘o e ta‘ahine ko Saione, ‘e a‘u pē kiate koe: ‘io, ‘e ha‘u ‘a e pule‘anga mu‘a, ‘a e pule ki he ta‘ahine ko Selusalema.

⁹Pea ko e hā fua ‘oku ke fu‘u kaila pehē ai? ‘Oku ‘ikai koā hao tu‘i? kuo ‘osi koā ho‘o tama fale‘i, ‘a ia ‘oku puke ai koe ‘i he langā, hangē ha fefine fā‘ele?

¹⁰Sī! langa pē, si‘i ta‘ahine ko Saione, ‘o holi[12] hangē ha fefine fā‘ele: he ko eni te ke hū ki tu‘a mei he kolo, ‘o nofo ‘i he vao, pea te ke ‘alu ‘o a‘u ki Pāpilone; ko e potu ko ia ‘e fai ai ho hamusi; ko e potu ko ia ‘e fai ai ‘e Sihova ‘ene ngāue fakakoeli, ‘o to‘o mei he kuku ‘a ho ngaahi fili.

¹¹Ka ko eni kuo fakataha ha ngaahi pule‘anga lahi ke fai mo koe, ‘a ia ‘oku nau pehē, To‘o hono tapu, kae sio hotau mata ki Saione.

¹²Ka ko e fa‘ahinga ko ia ‘oku ‘ikai te nau ‘ilo ‘a e ngaahi fakakaukau ‘a Sihova, pea ‘oku ‘ikai ‘uhinga kiate kinautolu ‘a e me‘a kuo ne fale‘i; he kuo ne tānaki kinautolu ‘o hangē ko e tānaki ‘ū koane ki he haha‘anga.

¹³Tu‘u ‘o haha, si‘i ta‘ahine ko Saione; he te u ngaohi ho nifo ko e ‘aione, pea mo ho pesipesi ko e palasa; pea te ke laiki ke lailai ‘ani kakai lahi; pea te u tapui mo‘o Sihova ‘enau koloa, mo honau mālohinga ki he ‘Eiki ‘o māmani kotoa pē.