Read KO E TOH TAPU KATOA TONGA KO HAPAKUKI 3 Bible Online

KO HAPAKUKI 3 - KO E TOH TAPU KATOA TONGA bible

KO HAPAKUKI 3

¹KO E lotu ‘a Hapakuki ko e palōfita Ke fai‘aki ‘a e fa‘ahinga fasi fakalotomāfana.[9]

²E Sihova, kuo u fanongo ki ho ongoongo,[10] Pea u manavahē: ‘E Sihova, to‘o ki mu‘a ‘a e fakapuho hake ho‘o ngāue, To‘o ki mu‘a ‘o fakae‘a ia; Lolotonga he fai houhau manatu ke faka‘atu‘i.

³‘Oku hā‘ele mai ‘a ‘Elohā mei Tīmani, ‘Io, ‘a e Tāpuhā mei Mo‘unga Pēlana, (Sila) Na‘e ‘ufi‘ufi ‘a e langi ‘aki hono kolōlia, Pea na‘e fonu ‘a e fonua ‘i hono mālō.

⁴Pea ko ‘ene huhulu na‘e hangē ko e maama ‘aho; Tapa mei hono tafa‘aki ‘ani ngaahi huelo; Pea ko e potu ko ia ko hono toenga ivi.

⁵Fakamelomelo ki ai ‘a e mahaki faka‘auha, Pea ‘alu ‘i mui ‘a e mofi.

⁶Tu‘u pē Ia, ‘o lieliaki[11] ‘a māmani; Hanga atu pē Ia, ‘o faka‘ohovale‘i ‘a e ngaahi pule‘anga: Pea laiki ai ‘a e ngaahi mo‘unga ta‘engata, Lafalafa ‘a e ngaahi mā‘olunga tupu‘a; Ko hono ngaahi ‘alunga na‘e fakatupu‘a.

⁷Na‘a ku sio ki he ngaahi tēniti ‘o Kusa ‘Oku ta‘omia ‘e he tu‘utāmaki: ‘Oku tete ‘a e ngaahi puipui ‘o e fonua ko Mitiani.

⁸Ko e ngaahi vaitafe koā na‘e houhau ki ai ‘a Sihova? ‘Io, ko e ngaahi vaitafe na‘a ke ‘ita ki ai? Ko e tahi koā na‘a ke huhua ki ai, ‘A ia na‘a ke heka ai ki ho‘o fanga hoosi, Ki ho‘o ngaahi sāliote fakamo‘ui‘anga?

⁹Na‘e mātu‘aki to‘o ‘a e kofu ‘o ho‘o pā;[12] (Sila) Na‘a ke fahi ‘a e fonua ke koto vaitafe,

¹⁰Na‘e sio kiate koe ‘e he ngaahi mo‘unga, ‘o nau mākauua Ko e taufa vai ē ‘oku laka atu, Na‘e tukuna atu ‘e he loloto hono le‘o, Na‘a ne hiki hono nima ki ‘olunga;

¹¹Ko e la‘ā, ko e māhina, na‘a na moulu ki hona nofo‘anga, ‘I he ngingila ‘a ho ngaahi ngahau na‘a na laka ange, ‘I he tapa ‘a e ‘uhila ho tao.

¹²Na‘a ke hā‘elea ‘a e fonua ‘i ho‘o tuputāmaki, Na‘a ke malaki ‘a e ngaahi pule‘anga ‘i ho houhau.

¹³Na‘a ke ‘alu atu ke fakahaofi ho kakai, ‘Io, ke fakahaofi ho‘o pani: ‘Oku ke taa‘i ‘a e to‘ufufū mei he fale ‘o e pau‘u na; ‘Oku ke fakatelefua ‘a e tu‘unga, ‘o a‘u ki he funga holisi.[13] (Sila)

¹⁴Na‘a ke vili ‘aki ‘ene pōvai ‘a‘ana ‘a e tu‘ukimu‘a ‘o ‘ene ngaahi kongakau: Na‘a nau ha‘u hangē ha afā ke veteki au: Ko ‘enau fiefia na‘e tatau mo ha taha ‘oku tokamalumu ke fōngia si‘i vaivai.[14]

¹⁵Na‘a ke hā‘elea ‘a e tahi ‘aki ho‘o fanga hoosi, ‘A e fokotu‘unga vai lahi.

¹⁶Na‘a ku fanongo, pea na‘e tatū hoku manava, Na‘e ngatata hoku loungutu ‘i he longoa‘a; Na‘e hū ‘a popo ki hoku hui, Ne u kamata tete hake ‘i lalo:[15] ‘A ia te u manofo ai ‘o tatali ki he ‘aho ‘o e ‘efihia, Ki he ‘alu hake ki he kakai ‘a ia te ne ‘oho fakakongakau mai.[16]

¹⁷He neongo ‘e ‘ikai fisi ‘a e fiki, Pea ‘ikai ha fua ‘i he vaine; Si‘isi‘i ‘a e ngāue ‘a e ‘ōlive, Pea hala ‘a e ngaahi ngoue‘anga ‘i he me‘akai; Kuo tu‘usi ‘a e tākanga mei he ‘ā manu, Pea ‘ikai ha pulu ‘i he fale manu:

¹⁸Ka ko au te u fiefia ‘ia Sihova, Te u tome‘e ‘i hoku ‘Otua fakamo‘ui‘anga.

¹⁹Ko Sihova ‘Ātonai ‘a hoku mālohinga, Pea kuo ne ‘ai hoku va‘e ke hangē ko e motu‘a tia, Pea ‘oku ne fakahā‘ele au ‘i hoku ngaahi potu mā‘olunga. (Ki he pule ‘o e hiva: ke fai mo ‘eku ngaahi me‘a helefilo.)