Read KO E TOH TAPU KATOA TONGA KO SEFANAIA 1 Bible Online

KO SEFANAIA 1 - KO E TOH TAPU KATOA TONGA bible

KO SEFANAIA 1

¹KO E folofola ‘a Sihova na‘e hoko kia Sefanaia foha ‘o Kusi, foha ‘o Ketalaia, foha ‘o ‘Amalaia, foha ‘o Hesekaia, ‘i he kuonga ‘o Siosaia foha ‘o ‘Āmoni, ko e Tu‘i Siuta.

²Te u mātu‘aki tafi‘i ‘a e me‘a kotoa pē mei he funga kelekele — ko Sihova ia mei he Ta‘ehāmai.

³Te u tafi‘i ‘a e tangata mo e manu: te u tafi‘i ‘a e manupuna ‘o e ‘atā, mo e ika ‘o e tahi, mo e ngaahi tūkia‘anga fakataha[1] mo e kau angahala; ‘io, te u tu‘usi ‘a e tangata mei he funga kelekele — ko Sihova ia mei he Ta‘ehāmai.

⁴Pea te u mafao atu hoku nima ki Siuta, pea ki he nofo Selusalema fua pē; pea te u tu‘usi mei he potu ni ‘a e toenga ‘o Peali, fakataha mo e hingoa ‘o e kau ngāue mo e kau taula‘eiki;

⁵mo kinautolu ‘oku lotu ki he hōsitē ‘o langi ‘i he ngaahi tu‘a fale; mo e kau lotu ‘oku fuakava kia Sihova, ka nau tuki ‘ia Malekami,[2] mo kinautolu kuo holomui meia Sihova;

⁶mo e fa‘ahinga kuo ‘ikai huhū kia Sihova, pea kuo ‘ikai te nau kumi ki ai.

⁷Fakalongo mu‘a ‘i he ‘ao ‘o ‘Ātonai Sihova: He kuo ofi ‘a e ‘Aho ‘o e ‘Eiki; He kuo teu ‘e Sihova ha feilaulau, Kuo ne tala ki ai ‘ene kau polo‘i.

⁸Pea ka hoko ‘a e ‘aho ‘o e feilaulau ‘a Sihova, te u tautea ‘a e hou‘eiki, pea mo e fale‘alo, pea mo e fa‘ahinga ‘oku ‘ai ‘a e kofu ‘a muli.

⁹Te u tautea foki ‘i he ‘aho ko ia ‘a ia fua pē ‘oku hopoki ‘a e tu‘unga matapā, ‘a kinautolu ‘oku fakafonu ‘a e fale ‘o honau ‘eiki[3] ‘i he fakamālohi mo e kākā.

¹⁰Pea ka hoko ‘a e ‘aho ko ia — ko Sihova eni mei he Ta‘ehāmai — ‘e ongoonga‘a mai ha tautapa mei he Matapā-ika, mo e ‘oiauē mei Kōlofo‘ou, mo ha fu‘u maumau mei he ngaahi mā‘olunga.

¹¹Tangi ‘oiauē, ‘a e nofo ‘i Makatesi, He kuo ka‘anga ‘a e kau Finisia fua pē: Kuo tu‘usi ‘a e kau tu‘uaki siliva kotoa.

¹²Pea ka hoko ‘a e taimi ko ia, te u hakule ‘a Selusalema mo e ngaahi maama: pea te u tautea ‘a e kau tangata ‘oku fatu ‘i he funga totoka, ‘a kinautolu ‘oku lau ‘i honau loto, ‘Ā, ‘e ‘ikai ‘omi ‘e Sihova ha lelei, pea ‘e ‘ikai te ne ‘omi ha kovi.

¹³Ko ia ‘e hoko ‘enau mālohinga ko e koto vetea, pea ko honau ngaahi fale ko e koto lala; pea te nau langa fale, kae ‘ikai nofo ai, pea te nau tō ngoue vaine, kae ‘ikai inu ‘a e uaine mei ai.

¹⁴‘Oku ofi ‘a e ‘Aho ‘o e ‘Eiki, ‘A e ‘aho lahi, ‘Oku ofi, ‘io, ‘oku mātu‘aki fakalili. Sī! ko e ‘aho ‘o Sihova ena! Na‘a mo e helo, ‘e fakamamahi ‘ene ‘ioho to‘e ‘I he potu ko ia.[4]

¹⁵Ko e ‘aho ‘o e huhua houhau ‘a e ‘aho ko ia, Ko e ‘aho ‘o e ‘efihia mo e ta‘omi, Ko e ‘aho ‘o e maveu mo e anganoa, Ko e ‘aho po‘uli ko e kaupō‘uli, Ko e ‘aho ‘o e loa mo e po‘uli matolu.

¹⁶Ko e ‘aho ‘o e ifi talupite, ‘Io, ‘a e faka-lali-pakola, Ko e fai ki he ngaahi kolotau, Mo e ngaahi taua mā‘olunga ‘i he ‘ā.

¹⁷Pea te u faka‘efihi ‘a e kakai, pea te nau laka hangē ha kau kui; he kuo nau hia kia Sihova; pea ‘e malingi atu honau toto ‘o hangē ko e efu, mo honau kakano hangē ko e kinoha‘a.

¹⁸Na‘a mo ‘enau siliva, na‘a mo ‘enau koula, ka ‘e ‘ikai lava ia ke fakahaofi kinautolu ‘i he ‘aho ‘o e huhua ‘a e houhau ‘o Sihova; kae keina ‘a e fonua kotoa ‘e he afi ‘o ‘ene fua‘a: he te ne fai ha faka‘osi; ‘aua, ko e faka‘osi fakafokifā ‘o e nofo kotoa ‘a e fonua.