Read KO E TOH TAPU KATOA TONGA KO SĀKALAIA 5 Bible Online

KO SĀKALAIA 5 - KO E TOH TAPU KATOA TONGA bible

KO SĀKALAIA 5

¹PEA U toe hanga hake, ‘o fakasio, pea tā ko e lau‘i[9] tohi ena ‘oku puna atu.

²Pea ne folofola mai kiate au, Ko e hā ‘oku ke sio ni ki ai? Pea u tali, ‘Oku ou sio ni ki ha lau‘i tohi ‘oku puna atu; ko hono lōloa ko e kiupite ‘e uofulu, pea ko hono māukupu ko e kiupite ‘e hongofulu.

³Pea ne folofola mai, Ko e mala ena ‘oku ‘alu atu ki he funga ‘o e fonua kātoa; he ko e kau kaiha‘a kotoa ‘e tata mei he potu ‘e taha, ‘o hangē ko e me‘a ‘oku tu‘u ‘i he tohi; pea ko e kau fuakava ‘e tata mei he potu ‘e taha, ‘o taau mo e me‘a ‘oku tu‘u ai.

⁴Kuo u fakahū ia ki tu‘a — ko Sihova Sāpaoti ia mei he Ta‘ehāmai — pea te ne hū ki he fale ‘o e kaiha‘a, pea ki he fale ‘o ia ‘oku fuakava ‘i hoku hingoa ke kākā; pea te ne ‘apitanga ‘i he loto fale, pea te ne keina ia, ‘a hono ‘akau mo hono maka fakatou‘osi.

⁵Toki hū kitu‘a ‘a e ‘āngelo na‘e lea ‘iate au, ‘o ne folofola mai, Tāngaki hake mu‘a ho mata, ‘o fakasio atu, pe ko e hā ena ‘oku ‘alu atu.

⁶Pea u pehē, Ko e hā fua ia? Pea ne tali, Ko e efa ena ‘oku ‘alu atu. Na‘a ne pehē foki, Ko honau fakatātā[10] ia ‘i he fonua kotoa.[11]

⁷Pea tā ko e lau‘i pulu fakasiakale[12] ena na‘e tāngaki hake; pea ko ena ha taha‘i fefine ‘oku nofo ‘i he loto efa.

⁸Pea ne folofola mai, Ko Pau‘u ia; pea ne ha‘aki ‘a e fefine ki he loto efa, pea ne ha‘aki ‘a e pulu fakamamafa ki he ngutu‘i fua.

⁹Pea u hanga hake, ‘o fakasio, pea tā ko e ongo fafine ‘ena na‘e hū ki tu‘a, pea na‘e fa‘olaki ‘a e matangi ‘i hona kapakau; pea na‘a na ma‘u kapakau ‘o hangē ko e kapakau ‘o e sitoaki; pea na‘a na to‘o hake ‘a e efa ki he vaha‘a ‘o e langi mo māmani.

¹⁰Pea u fakatau folofola ki he ‘āngelo na‘e lea ‘iate au, Ko e fakahā‘ele ki fē ‘a e efa ‘e he fa‘ahinga na?

¹¹Pea ne folofola mai, ko e fai ke langa hano fale ‘i he fonua ‘o Saina; pea ‘e fokotu‘u ‘a e fale, pea ‘e fakamālōlō ‘a e fefine ‘i he potu ko ia ‘i hono tu‘unga ‘o‘ona.