Read KO E TOH TAPU KATOA TONGA KO SĀKALAIA 7 Bible Online

KO SĀKALAIA 7 - KO E TOH TAPU KATOA TONGA bible

KO SĀKALAIA 7

¹TOKUA ‘i hono fā ta‘u ‘o Kingi Talaiasi, na‘e hoko ‘a e folofola ‘a Sihova kia Sākalaia ‘i hono ‘aho fā ‘o e māhina ko hono hiva, ‘a Kisileu.

²He kuo fekau ‘e Pēteli ‘a Sālesa mo Lēkemi-Mēleki, mo ‘enau kau tangata, ke fakahōifua ‘a e fofonga ‘o Sihova:

³ke lea foki ki he kau taula‘eiki ‘oku ‘i he fale ‘o Sihova Sāpaoti, pea ki he kau palōfita, ‘o pehē, Te u fai ha tangi koā ‘i hono nima ‘o e māhina, ‘o mo‘ui faka‘ehi‘ehi, ‘o hangē ko ‘eku fai ‘i he ngaahi ta‘u ni — ko futu?

⁴Toki hoko ‘a e folofola ‘a Sihova Sāpaoti kiate au, ‘o pehē, Lea ki he kakai kotoa ‘o e fonua, pea ki he kau taula‘eiki, ‘o pehē,

⁵Ko ho‘omou ‘aukai mo tangilāulau ‘i hono nima mo hono fitu ‘o e māhina, ‘o fitungofulu‘i ta‘u mālō, na‘a mou momo‘i ‘aukai kiate au, ‘a Au?

⁶Pea ko ho‘omou kai, mo ho‘omou inu, ‘ikai ‘oku mou kai ko kimoutolu, pea inu ko kimoutolu?

⁷‘Ikai na‘a mou mei tokanga ki he ngaahi tala na‘e fanongonongo ‘e Sihova, ‘o fakafai ‘i he‘ene kau palōfita mu‘a, lolotonga na‘e kei nofo‘ia ‘a Selusalema, mo tu‘umālie pea pehē mo hono ngaahi kolo takatakai, pea na‘e nofo‘ia ‘a e feitu‘u ko Tonga mo e Sēfela‘a?

⁸Pea na‘e hoko ‘a e folofola ‘a Sihova kia Sākalaia, ‘o pehē, Ko e folofola eni ‘a Sihova Sāpaoti, ke fakahā;

⁹Mou fai ‘a e fakamaau totonu, pea feia ha ‘ofa mo ha faka‘atu‘i takitaha ki hono kāinga.

¹⁰Pea ‘oua ‘e fakamālohia ‘a e uitou, mo e tamai mate, ‘a e ‘āunofo, mo e vaivai; pea ‘oua ‘e fakakaukau‘i ‘e homou loto ha kovi ke fai ki ha taha, he ko hono kāinga ia.

¹¹Ka na‘e ‘ikai te nau loto ke tokanga, pea nau faka-uma-mamahi, ‘o fakatelingatuli, ke ‘oua te nau ongo‘i.

¹²‘Io, na‘a nau ngaohi honau loto ke ‘atamani,[16] ke ‘oua te nau ongo‘i ‘a e lao mo e ngaahi tala na‘e fekau mai ‘e Sihova Sāpaoti ‘i hono Laumālie, ‘o fakafai ‘i he kau palōfita mu‘a: ko ia, na‘e tō mai ha houhau lahi meia Sihova Sāpaoti.

¹³Ko ia, kuo hoko ai — hangē na‘a ne ui, ka na‘e ‘ikai te nau tali; pehē te nau ui, ka ‘e ‘ikai te u tali — ko e folofola ia ‘a Sihova Sāpaoti.

¹⁴Pea te u punakaki kinautolu ‘aki ha afā ki he ngaahi pule‘anga kehekehe ‘a ia na‘e ‘ikai te nau ‘ilo ki ai. Ko ia na‘e fakalala ‘a e fonua hili ‘enau ‘alu, ‘o ‘ikai ha laka atu mo foki; ‘io, na‘a nau ngaohi ‘a e fonua mamana ko e lala.