Read KO E TOH TAPU KATOA TONGA KO MALAKAI 4 Bible Online

KO MALAKAI 4 - KO E TOH TAPU KATOA TONGA bible

KO MALAKAI 4

¹He vakai, ‘oku hoko mai ‘a e ‘aho ko ē ‘oku ne ulo hangē ha ngoto‘umu; pea ‘iloange ko e kau pau‘u, mo e kau nofo ke faikovi, te nau hoko ko e veve, pea tutu kinautolu ‘e he ‘aho ‘oku ha‘u — ko e folofola ia ‘a Sihova Sāpaoti. Seuke, ‘e ‘ikai te ne tuku kiate kinautolu ha aka, pe ha va‘a.

²Ka ‘e hopo ‘a e La‘ā ‘o e Totonu kiate kimoutolu ‘oku ‘apasia ki hoku hingoa, pea ‘oku ai ha faito‘o ‘i hono ngaahi huelo:[9] toki ‘alu atu kimoutolu, ‘o hopo fano, ‘o hangē ko e fanga pulu mui mei he ‘ā fafanga.

³Pea te mou malaki ‘a e kau angahala: seuke, te nau hoko ko e efuefu pe ‘i homou lalo va‘e, ‘i he ‘aho ‘oku ou kotofa — ko e folofola ia ‘a Sihova Sāpaoti.

⁴Manatu ki he Lao ‘a Mōsese ko ‘eku Sevāniti ‘a ia na‘a ku tu‘utu‘uni kiate ia ‘i Hōlepi, ke hilifaki ki ‘Isileli kātoa, ‘a e ngaahi fekau mo e ngaahi kupu‘i konisitūtone.

⁵Ko au eni ‘oku ou te u fekau atu ‘a e palōfita ko ‘Ilaisiā ‘i he te‘eki ke hoko ‘a e ‘Aho ‘o Sihova, ‘a e ‘aho lahi mo fakalilifu.

⁶Pea te ne fakafoki mai ‘a e loto ‘o e mātu‘a ki he fānau, mo e loto ‘o e fānau ki he‘enau mātu‘a; na‘a ‘iloange te u ha‘u, ‘o taa‘i ‘a e fonua ‘aki ‘a e mala.