Read KO E TOH TAPU KATOA TONGA Mātiú 8 Bible Online

Mātiú 8 - KO E TOH TAPU KATOA TONGA bible

Mātiú 8

¹PEA ‘i he‘ene ‘alu hifo mei he mo‘unga, na‘e muimui kiate ia ha ngaahi fu‘u kakai.

²Pea ‘iloange na‘e ha‘u ha kilia ‘o ne hū kiate ia, ‘o ne pehē, ‘Eiki, ka ne ke loto ke fai, te ke lava ke fakama‘a au.[6]

³Pea mafao atu ‘e ia hono nima ‘o ala ki he tangata, ‘o ne pehē, ‘oku ou loto pē: ke ke ma‘a koe. Pea na‘e fakama‘a leva hono kilia.

⁴Pea pehē ‘e Sīsū kiate ia, Tokanga ke ‘oua na‘a ke tala ha me‘a ki ha taha; ka ke mole pē ‘o fakahā koe ki he taula‘eiki, pea ‘ange ‘a e me‘a‘ofa na‘e tu‘utu‘uni ‘e Mōsese, kōno fakamo‘oni kiate kinautolu.

⁵Pea ‘i he‘ene a‘u ki Kāpaneume, na‘e ha‘u kiate ia ha senituliō, ‘o kole kiate ia, ‘o pehē,

⁶‘Eiki, ko si‘eku tamaio‘eiki ‘oku fokoutua ‘i ‘api, kuo puke ‘i he mamatea, pea fakamanavahē ‘ene mamahi.

⁷Pea pehē ‘e ia ki ai, Te u ‘alu atu ‘e au, ‘o faito‘o ia.

⁸Ka ka tali ‘e he senituliō, ‘o ne pehē, ‘Eiki, ‘oku ‘ikai te u taau ke ke hū mai ki hoku poko‘i fale, ka ke fai pē ha fo‘i folofola, pea ‘e mo‘ui ai ‘eku tamaio‘eiki.

⁹He ko au foki ko e tangata pule‘ia, pea ‘oku ai ha kau sōtia ‘oku fakaongo kiate au: pea u pehē ki ha taha, ‘Alu, pea ‘alu ia, pea ki ha taha, Ha‘u, pea ne ha‘u; pea u pehē ki he‘eku pōpula, Fai ē, pea ‘oku ne fai.

¹⁰Pea ‘i he fanongo ki ai ‘a Sīsū na‘a ne ofo; ‘o ne pehē kiate kinautolu na‘e muimui mai, ko au ē, ‘oku ou tala atu, Na‘e‘ikai te u ‘ilo mei ha taha ‘i ‘Isileli ha tui ‘oku pehē fau.

¹¹Pea‘oku ou tala atu, ‘E ha‘u ha tokolahi mei Hangahake mo Hangahifo, ‘o nau nonofo mo ‘Epalahame mo ‘Aisake mo Sēkope, ‘i he Pule‘anga ‘o Hēvani:

¹²ka ko e fānau totonu ‘o e Pule‘anga ‘e kapusi ki he po‘uli ‘o tua‘ā. Ko e potu ia ‘e toki hoko ai ‘a e tangi mo e fengai‘itaki ‘o e nifo.

¹³Pea pehē ‘e Sīsū ki he senituliō, ‘Alu pē ā: ‘e fai kiate koe ‘o hangē ko ho‘o tui. Pea na‘e mo‘ui ‘a e tamaio‘eiki ‘i he taimi pē ko ia.

¹⁴Pea ‘i he hū ‘a Sīsū ki he fale ‘o Pita, na‘a ne ‘ilo ‘a e fa‘ē ‘a hono uaifi, ‘oku tokoto kuo puke‘i he mofi.

¹⁵Pea ne ala ki hono nima, pea mahu‘i ‘a e mofi mei he fefine, pea ne tu‘u ‘o tauhi kia Sīsū.

¹⁶Pea kuo efiafi, na‘a nau ‘oange kiate ia ‘a e tokolahi na‘e ‘āvea; ‘o ne kapusi ‘a e ngaahi fa‘ahikehe ‘aki ha lea pē, pea ne fakamo‘ui mo kinautolu kotoa pē na‘e puke:

¹⁷koe‘uhi ke fakamo‘oni ki he me‘a na‘e folofola‘aki ‘ia ‘Aisea ko e palōfita, ‘o pehē, Na‘a ne to‘o ‘e ia ‘etau ngaahi vaivai, Mo ne fua ‘etau ngaahi mahaki.

¹⁸Pea ‘i he vakai ‘e Sīsū ki he ‘ālopaki ha fu‘u kakai lahi, na‘a ne tu‘utu‘uni ke ‘alu mei ai ki he kauvai.

¹⁹Pea na‘e ‘unu‘unu mai kiate ia ha toko taha, ko ha sikalaipe, ‘o ne pehē ki ai, Tangata‘eiki, te u muimui kiate koe, neongo pe ko e fē ha potu te ke me‘a ki ai.

²⁰Pea lea ‘a Sīsū kiate ia, ‘o pehē, Ko e fanga fōkisi ‘oku ai hanau tafu, mo e fanga manupuna ‘o e ‘atā hanau pununga; ka ko e Fanautama ‘a Tangata ‘oku ‘ikai si‘a potu ke ‘olunga ki ai hono ‘ulu.

²¹Pea toki lea mo ha taha kehe ‘o e kau ako, ‘o ne pehē ki ai, ‘Eiki, tuku mai au ke u lele mu‘a ‘o tanu si‘eku motu‘a.

²²Ka ka tali ‘e Sīsū, Muimui koe kiate au, pea tuku ki he kau mate ke nau tanu ‘a e mate ‘anautolu.

²³Pea kuo heka ia ki he vaka, pea toki heka mo ‘ene kau ako.

²⁴Pea ‘iloange na‘e hoko ha hou lahi, pea fakapūlou ‘a e vaka ‘e he ngaahi peau: ka ka mohe pē ia.

²⁵Pea ‘unu‘unu atu ‘a e kau ako, ‘o nau fafangu ia, he‘enau pehē, ‘Eiki! Tokoni mai! ‘Oku tau tu‘utāmaki!

²⁶Pea pehē ‘e ia kiate kinautolu, ‘a e kau tui vaivai, ko e hā ‘oku mou lotosi‘i ai? Pea ne toki tu‘u ‘o lolomi ‘a e matangi mo e tahi, pea na‘e hoko ha tofu lahi.

²⁷Pea ofo ‘a e kau tangata ‘o nau pehē, Ko e tangata hā ‘eni! He na‘a mo e matangi mo e tahi, ‘oku na fakaongo kiate ia!

²⁸Pea ‘i he‘ene a‘u ki he kauvai, ki he fonua ‘o e ha‘a Katala, na‘e fakafetaulaki mai kiate ia ha ongo tangata na‘e ‘āvea, ko ‘ena fehuufi mei he ‘aaki fonualoto; ko e ongo me‘a ngaohingata‘a ‘aupito, ko ia na‘e ‘ikai ‘uhia ‘a e hala ko ia.

²⁹Pea ‘iloange na‘a na kalanga ‘o pehē, Ko ho hā kimautolu, ‘e ‘Alo ‘o e ‘Otua? Kuo ke ha‘u ke fakamamahi‘i leva kimautolu, ka ‘oku kei tuai hono taimi?

³⁰Pea na‘e ai ha fu‘u fanga puaka na‘e huhua mei he mama‘o;

³¹pea kole kiate ia ‘e he kau tēvolo, ‘o pehē, Ka ko ho‘o kapusi kimautolu, tuku ke mau hū ki he fanga puaka na.

³²Pea pehē ‘e ia kiate kinautolu, ‘Alu pē. Pea nau hū mai kitu‘a, ‘o ‘alu atu, ‘o hū ki he fanga puaka: pea fakafokifā na‘e ‘oho kotoa ‘a e fanga manu ‘i he tahifohifo ki loto tahi, ‘o nau melemo ai.

³³Pea hola ‘a e kakai na‘e tauhi kinautolu, ‘o nau ‘alu mei ai ki he kolo, ‘o ongoongoa kotoa pē, kae‘uma‘ā ‘a e ngaahi me‘a na‘e kau ki he ongo ‘āvea.

³⁴Pea vakai, na‘e ‘aukau mai ‘a e kolo kitu‘a ke fakafetaulaki kia Sīsū: pea ‘i he‘enau ‘ilo ia, na‘a nau kole ke ne hiki mei honau feitu‘u.