Read KO E TOH TAPU KATOA TONGA KO TEUTALŌNOME 17 Bible Online

KO TEUTALŌNOME 17 - KO E TOH TAPU KATOA TONGA bible

KO TEUTALŌNOME 17

¹‘E ‘ikai te ke feilaulau ‘aki kia Sihova ko ho ‘Otua ha pulu pe ha sipi ‘oku ‘i ai hano ‘ila, ha me‘a pē ‘oku kovi: he ko e me‘a fakalielia ia kia Sihova ko ho ‘Otua.

²Kapau ‘e ‘ilo ‘i ho lotolotonga, ‘i ha taha ‘o e ngaahi kolo ‘oku ‘atu kiate koe ‘e Sihova ko ho ‘Otua, ha tangata pe fefine ‘oku ne fai ‘a e me‘a ‘oku kovi ‘i he ‘ao ‘o Sihova ko ho ‘Otua, he‘ene maumau‘i ‘ene fuakava.

³‘O ‘alu ‘o tauhi ‘otua kehe, ‘o punou ki ai, pe ki he la‘ā, pe ki he māhina, pe ki he hōsitē kotoa ‘o langi, ‘a ia ko e me‘a na‘e ‘ikai te u tu‘utu‘uni;

⁴pea ‘e fakapā kiate koe, pea ke fanongo ki ai, pea te ke ‘eke ke mahu‘ingamālie, pea ka ‘iloange ‘oku mo‘oni, pea pau ‘a e me‘a, ‘a e fai ‘a e fakalielia ko ia ‘i ‘Isileli:

⁵pea te ke ‘omi ‘a e tangata ko ia, pe ko e fefine ko ia kuo ne fai ‘a e kovi ko ē, ‘io, te ke ‘omi ‘a e tangata pe ko e fefine ki ho‘o matanikolo; pea te ke tolomaka kinautolu ke nau pekia.

⁶‘I he fakamo‘oni ‘a ha toko ua pe toko tolu ‘e mate ‘a ia ‘e tāmate‘i; ‘e ‘ikai tāmate‘i ‘i he fakamo‘oni ‘a ha toko taha pē.

⁷Ko e nima ‘o e kau fakamo‘oni ‘e fuofua ala kiate ia, pea hili ia ‘e ala ‘a e kakai kotoa. Ko ia te ke ‘ave ai ‘a e kovi mei ho lotolotonga.

⁸Ka hoko ha me‘a ‘oku faingata‘a fau kiate koe hano fakamāu‘i, ha fakapō, ko e fakamaau ha tangi, ko e fakamaau ha tā, ko e alā me‘a ‘oku ‘eke ‘i ho‘o ngaahi matanikolo; pea te ke tu‘u ‘o ‘alu hake ki he potu ‘e fili ki ai ‘e Sihova ko ho ‘Otua;

⁹pea te ke hoko ki he kau Līvai taula‘eiki, mo e fakamaau ‘oku nofo ‘i he taimi ko ia; pea te ke huhū ki ai; pea te nau fakahā ‘a e lea ‘o e fakamaau.

¹⁰Pea te ke fai ‘o fakatatau ki he me‘a te nau fakahā kiate koe mei he potu kuo fili ki ai ‘e Sihova; pea te ke tokanga ke fai ‘o tatau mātē mo e me‘a te nau ako kiate koe:

¹¹te ke fai ‘o fakatatau ki he lao te nau ako atu, mo e fakamaau te nau tala: ‘e ‘ikai te ke afe mei he tu‘utu‘uni te nau fakahā kiate koe, ki he to‘omata‘u pe ki he to‘ohema.

¹²Pea ko e tangata ‘oku fai fielahi, ‘o ‘ikai te ne fakaongo ki he taula‘eiki ‘oku tu‘u hena ke tauhi kia Sihova ko ho ‘Otua, pe ki he fakamaau, ‘e mate ‘a e tangata ko ia: pea te ke ‘ave ‘a e kovi mei ‘Isileli,

¹³pea ‘e fanongo ki ai ‘a e kakai kotoa, pea te nau manavahē, ‘o ‘ikai te nau toe fielahi.

¹⁴Ka kuo ke ha‘u ki he fonua ‘oku foaki kiate koe ‘e Sihova ko ho ‘Otua, ‘o ke ma‘u ia, mo nofo ai; pea ke pehē, Ka u fokotu‘u haku tu‘i, ‘o hangē ko e ngaahi kakai ‘oku nofo takatakai;

¹⁵kaekehe ko e Toko Taha te ke fokotu‘u ‘a ia ‘e fili ki ai ‘e Sihova ko ho ‘Otua: ko e taha mei ho kāinga te ke fokotu‘u ke tu‘i kiate koe: ‘e ‘ikai ngofua ha‘o tuku ke pule kiate koe ha fa‘ahinga kehe, ‘a ia ‘oku ‘ikai ko ho kāinga.

¹⁶Ka ko ‘eni pē, ‘e ‘ikai te ne fakalahi ‘ene fanga hoosi, pea ‘e ‘ikai te ne fakafoki ‘a e kakai ki ‘Isipite koe‘uhi ke tokolahi ‘ene fanga hoosi:[15] he kuo folofola ‘a e ‘Eiki kiate kimoutolu, ‘E ‘ikai te mou toe foki ‘i he hala ko ē.

¹⁷Pea ‘e ‘ikai te ne ma‘u ‘unoho tokolahi, ke ‘oua na‘a afe hono loto: pea ‘e ‘ikai te ne ha‘aki fakalahi ‘ene siliva mo koula.

¹⁸Pea ka faifai pea ne nofo ‘i he taloni ‘o hono pule‘anga, te ne hiki ‘a e tatau ‘o e lao ni mei he tohi ‘oku ‘i he ‘ao ‘o e kau Līvai taula‘eiki:

¹⁹pea te ne fe‘ao mo ia, pea te ne lau ai ‘i he ngaahi ‘aho kotoa ‘o ‘ene mo‘ui: koe‘uhi ke ne ako ke ‘apasia kia Sihova ko hono ‘Otua, ke tauhi ‘a e ngaahi lea kotoa ‘o e lao ni mo konisitūtone ke fai ki ai:

²⁰ke ‘oua na‘a hiki hono loto, ‘o ne ta‘etoka‘i hono kāinga, pea ke ‘oua te ne afe mei he tu‘utu‘uni ki to‘omata‘u pe to‘ohema; koe‘uhiā ke ne fakalahi hono ngaahi ‘aho ‘i hono pule‘anga, ‘e ia mo ‘ene fānau, ‘i he lotolotonga ‘o ‘Isileli,