Read KO E TOH TAPU KATOA TONGA KO TEUTALŌNOME 2 Bible Online

KO TEUTALŌNOME 2 - KO E TOH TAPU KATOA TONGA bible

KO TEUTALŌNOME 2

¹PEA na‘a tau tafoki ‘o fononga ‘i he Toafa, ‘i he hala ‘o e tahi Kulokula, ‘o hangē ko e folofola ‘a Sihova kiate au: pea na‘a tau taka ofi ki Mo‘unga Seia ‘o fuoloa.

²Pea folofola ‘a Sihova kiate au, ‘o pehē,

³Kuo fuoloa fau ho‘omou taka he mo‘unga ni: mou hanga ‘o fai ki he tokelau.

⁴Pea ke kouna ki he kakai, ‘o pehē, Ko ho‘omou laka atu eni ‘i he kau‘āfonua ‘o homou kāinga ko ha‘a ‘Īsoa, ‘a ia ‘oku nofo ‘i Seia; pea te nau manavahē kiate kimoutolu; ko ia mou lamasi ‘aupito kiate kimoutolu:

⁵‘oua te mou fakafepaki kiate kinautolu; he ‘e ‘ikai te u ‘atu ha kihi‘i konga ‘o honau kelekele, ‘io, ke fe‘unga mo homou ‘aofiva‘e; he kuo u ‘atu ‘a Mo‘unga Seia kia ‘Īsoa moono tofi‘a.

⁶Te mou fakatau me‘akai meiate kinautolu ‘aki ha pa‘anga ma‘amou kai; mo e vai foki, te mou ‘atu ha pa‘anga kiate kinautolu ke ngofua ho‘omou keli ke ma‘u homou inu.

⁷He ko Sihova ko homou ‘Otua kuo ne fakamonū‘ia koe ‘i he ngaahi ngāue kehekehe kuo fai ‘e ho nima: kuo ne ‘ilo ho‘o ‘alu ‘i he toafa lahi ni, ko e ta‘u eni ‘e fāngofulu mo e ‘iate koe ‘a Sihova ko ho ‘Otua; kuo ‘ikai te ke masiva ‘i ha me‘a.

⁸Ko ia na‘a tau afe mei hotau kāinga ko ha‘a ‘Īsoa ‘oku nofo ‘i Seia, ‘o tau hala ‘i ‘Alapā, mo ‘Ēlati, mo ‘Esioni-kepa.

⁹Pea tau hanga ai ‘o fou ‘i he Toafa ‘o Moape. Pea folofola ‘a Sihova kiate au, ‘Oua ‘e fakamamahi ‘a Moape, pea ‘oua ‘e fakalanga tau mo kinautolu; ‘e ‘ikai te u tuku ke mou ma‘u ha konga ‘o hono fonua; he kuo u foaki ki ha‘a Lote ‘a ‘Ala moonau tofi‘a.

¹⁰(Tokua na‘e nofo ai ‘i mu‘a ‘a ha‘a ‘Emi, ko e kakai kaukaua mo tokolahi mo lōloa hangē ko e kau ‘Ānaki:

¹¹ko kinautolu foki na‘e lau ki ha‘a Lifaimi, ‘o hangē ko e kau ‘Ānaki: ka ‘oku ui kinautolu ‘e he kau Moape ko e ha‘a ‘Emi.

¹²Na‘e nofo foki ‘i Seia ‘a ha‘a Holi ‘i mu‘a, ka na‘e fetongi kinautolu ‘e ha‘a ‘Īsoa; pea nau faka‘auha atu kinautolu, pea nau nofo ‘i honau fonua, ‘o hangē ko e fai ‘e ‘Isileli ki he fonua kuo ne ma‘u, ‘a ia na‘e foaki kiate kinautolu ‘e Sihova.)

¹³Ko ia mou tu‘u, pea fai ho‘omou a‘a ‘i Vai Sēleti. Pea na‘a tau a‘a ‘i he vai ko Sēleti.

¹⁴Pea ko e fuoloa ‘o ‘etau ‘alu mei Kētesi-panea ‘o a‘u ki he‘etau a‘a ‘i Vai Sēleti, ko e ta‘u ‘e tolungofulu mā valu; ko ‘ene ‘osi ai ‘a e to‘utangata tau mei he ‘apitanga, ‘o hangē ko e fuakava ‘a Sihova kiate kinautolu.

¹⁵Kae‘uma‘ā ko e nima ‘o Sihova na‘e tu‘u ko honau fili ke nau mokulu ai mei he ‘apitanga, kae‘oua ke nau ‘osi.

¹⁶Pea ‘i he fafai pea ‘osi mei he ‘apitanga ‘a e kau tau kotoa he‘enau pekia,

¹⁷pea folofola ‘a Sihova kiate au, ‘o pehē,

¹⁸Ko ho‘o laka he ‘aho ni ‘i he kau‘ā ‘o Moape, ‘a ‘Ala:

¹⁹pea ka mou ka ofi ki he hāngai ‘o ha‘a ‘Āmoni, ‘oua ‘e fakamamahi‘i kinautolu, pea ‘oua ‘e fakafepaki kiate kinautolu: he ‘e ‘ikai te u ‘atu ha konga fonua ‘o ‘Āmoni ke mou ma‘u, he kuo u tuku ia ki ha‘a Lote moonau tofi‘a.

²⁰(Na‘e lau mo ia foki ko ha fonua Lifaimi; na‘e nofo ai ‘i mu‘a ‘a e kau Lifaimi; ‘oku ui kinautolu ‘e ha‘a ‘Āmoni ka e Samisumi:

²¹ko e fa‘ahinga kaukaua mo tokolahi mo lōloa ‘o hangē ko e kau ‘Ānaki; ka kuo faka‘auha kinautolu ‘e Sihova ‘i he ‘ao ‘o e fa‘ahinga ko ē, pea na‘a nau fetongi kinautolu ‘o nofo ‘i honau fonua:

²²‘o hangē ko ‘ene fai ma‘a ha‘a ‘Īsoa ‘oku nofo ‘i Seia, he‘ene faka‘auha ‘a ha‘a Holi ‘i he ‘alu atu ‘a ē; pea na‘a nau fetongi kinautolu, pea ‘oku nau nofo ‘i honau fonua, ‘o a‘u ki he ‘aho ni;

²³ko ha‘a ‘Avi foki na‘e nofo hani vilisi ‘o a‘u ki Kesa — na‘e faka‘auha kinautolu ‘e he kau Kafitoli na‘e ‘alu atu mei Kafitoli, ‘o nau nofo ‘i honau fonua.)

²⁴Mou tu‘u: hiki ‘o laka ‘i he vai ko ‘Alanoni: vakai kuo u tuku ki ho nima ‘a Sīhoni ko e Tu‘i Hesiponi, ko e ‘eiki ‘Āmoli, pea mo hono fonua: kamata ke ma‘u ia, mo fakalanga tau ki ai.

²⁵Ko e ‘aho ni te u kamata ke tuku homou ngeia mo homou manavahē‘ia ki he ngaahi kakai ‘oku ‘i he lalo langi kotoa, ‘a ia te nau fanongo ki ho ongoongo, pea te nau tetetete mo hokitu‘u koe‘uhi ko koe.

²⁶Pea na‘a ku tuku atu ha kau talafekau mei he Toafa ‘o Ketemoti kia Sīhoni ko e Tu‘i Hesiponi, mo e tala melino, ‘o pehē,

²⁷Ka u laka atu mu‘a ‘i ho fonua: te u ‘alu ai pē ‘i hala, ‘e ‘ikai te u afe ki to‘omata‘u pe ki to‘ohema.

²⁸Te ke fakatau pa‘anga mai ha me‘akai ke u kai, pea te ke ‘omi pa‘anga mai ha vai ke inu: ‘a e va‘e ni pē ‘e laka atu.

²⁹‘O hangē ko e fai kiate au ‘e ha‘a ‘Īsoa ‘oku nofo ‘i Seia, mo ha‘a Moape ‘oku nofo ‘i ‘Ala; kae‘oua ke u laka ‘i Soatani ki he fonua ‘oku foaki mai ‘e Sihova ko homau ‘Otua.

³⁰Ka ka ‘ikai loto ‘a Sīhoni ko e Tu‘i Hesiponi ke tau laka atu ‘i ai: he na‘e fakafefeka hono laumālie ‘e Sihova ko ho ‘Otua, mo ne fakamofuta hono loto, koe‘uhi ke ne tuku ia ki ho nima, ‘o hangē ko ia ‘oku tau sio ki ai he ‘aho ni.

³¹Pea folofola ‘a Sihova kiate au; Vakai, kuo u kamata ke tuku atu ‘a Sīhoni mo hono fonua ‘i homou ‘ao: kamata ke puke, ke mou ma‘u hono fonua mo‘omoutolu.

³²Toki hū kitu‘a ‘a Sīhoni ke fakafetaulaki mai, ‘a ia mo hono kakai kotoa ke fakahoko ‘a e tau ‘i Siahasa.

³³Pea ko Sihova ko hotau ‘Otua na‘a ne tuku mai ia ‘i hotau ‘ao; pea na‘a tau taa‘i ia mo hono hako mo hono kakai kotoa.

³⁴Pea na‘a tau hamu hono ngaahi kolo ‘i he taimi ko ia, pea na‘a tau mōifua ki he ‘Eiki ‘a e kolo kakai kotoa, mo e kau fefine, mo e tamaiki; na‘e ‘ikai te tau fakatoe ha toenga.

³⁵Ngata pē ‘i he monumanu na‘a tau ta‘ofi ma‘atautolu, mo e vete ‘o e ngaahi kolo na‘a tau hamu.

³⁶Mei ‘Aloeli, ‘a ia ‘oku ‘i he kau tele‘a ‘o ‘Alanoni, mo e kolo ‘oku ‘i he tele‘a, ‘o a‘u ki Kiliati, na‘e ‘ikai ha kolo na‘e mā‘olunga fau kiate kitautolu; ko Sihova ko hotau ‘Otua na‘a ne tuku mai kotoa ‘i hotau ‘ao:

³⁷ngata pē ‘i he fonua ‘o ha‘a ‘Āmoni na‘e ‘ikai te ke ofi ki ai — ‘a e tafa‘aki kotoa ‘o e vaitafe ko Siapoki, mo e ngaahi kolo mo‘unga, mo e hā fua na‘e ta‘ofi kitautolu mei ai ‘e Sihova ko hotau ‘Otua.