Read KO E TOH TAPU KATOA TONGA ‘Apositoló 1 Bible Online

‘Apositoló 1 - KO E TOH TAPU KATOA TONGA bible

‘Apositoló 1

¹‘E TIOFILUSI, ko e ‘uluaki tohi na‘a ku fai, ko e fakamatala ki he ngaahi me‘a kehekehe na‘e fua fai mo ako‘aki ‘e Sīsū,

²‘o a‘u ki he ‘aho ko ia na‘a ne tuku ‘i he Laumālie Mā‘oni‘oni ‘ene ngaahi fekau ki he kau ‘Aposetolo kuo ne fili, pea ‘ave ai ia ki ‘olunga.

³Ko kinautolu ia foki na‘a ne fakahā ia ki ai hili hono feia: pea lahi mo mahino ‘ene ngaahi fakamo‘oni kuo ne mo‘ui: he na‘a ne hā kiate kinautolu, ‘o ‘aho fāngofulu, mo ne lea ki he ngaahi me‘a na‘e kau ki he Pule‘anga ‘o e ‘Otua.

⁴Pea na‘a ne kai mo kinautolu,[1] ‘o ne tu‘utu‘uni ai ke ‘oua te nau hiki mei Selusalema, kae talitali ki he tala‘ofa ‘a e Tamai, ‘A ia (na‘a ne me‘a mai) na‘a mou fanongo ki ai ‘iate au.

⁵He na‘e papitaiso vai pē ‘e Sione; ka ‘e papitaiso kimoutolu ‘aki ‘a e Laumālie Mā‘oni‘oni hili ‘a e ngaahi ‘aho si‘i.

⁶Ko ia, ‘i he‘enau fakataha mo ia, na‘a nau fehu‘i kiate ia, ‘o pehē, ‘Eiki, ko ho‘o toe fakaato ‘i he taimi ni ‘a e pule‘anga ma‘a ‘Isileli?

⁷Pea ne folofola kiate kinautolu, ‘Oku ‘ikai ‘amoutolu ke ‘ilo ‘a e ngaahi taimi mo e ngaahi kuonga, ‘a ia kuo ta‘ofi ‘e he Tamai ki he‘ene fa‘iteliha ‘a‘ana.

⁸Ka te mou ma‘u pē ha mālohi, ‘oka hifo ‘a e Laumālie Mā‘oni‘oni kiate kimoutolu: pea te mou hoko ko ‘eku kau fakamo‘oni, ‘o ‘ikai ‘i Selusalema pē, ka ‘i Siutea kātoa, mo Samēlia, ‘io, ‘o a‘u ki he ngata‘anga ‘o māmani.

⁹Pea ‘i he‘ene folofola pehē, Lolotonga ‘enau siofia ia, na‘e ‘ave ia ki ‘olunga; pea na‘e kilala hake ia ‘e ha ‘ao, ‘o fakapuli meiate kinautolu.

¹⁰Pea ‘i he‘enau mo‘u sio fakamama‘u ki he langi, lolotonga ‘ene hā‘ele, pea tā kuo tu‘u mai kiate kinautolu ha ongo tangata kofu hinehina.

¹¹Pea na‘a na pehē, ‘A e tu‘unga mātu‘a Kāleli, ko e hā ‘oku mou tutu‘u ai, ‘o sio pehē ki langi? Ko e Sīsū ko ia ‘a ia kuo ‘ohake meiate kimoutolu ki he langi, te ne toe ha‘u; pea ‘e hangē tofu pē hono anga pea mo ‘ene hā‘ele ki langi kuo mou mamata ki ai.

¹²Pea nau toki foki ki Selusalema, mei he mo‘unga ‘oku ui ko ‘Ōlive, ‘a ia ‘oku ofi ki Selusalema ngofua ke ‘alu ki ai ‘i he Sāpate.

¹³Pea kuo nau hū ki kolo, na‘a nau ‘alu hake ki he loki ‘i ‘olunga ‘a ia na‘a nau ma‘unganofo ki ai — ‘a Pita mo Sione mo Sēmisi mo ‘Anitelū, ‘a Filipe mo Tōmasi, ‘a Pātolomiu mo Mātiu, ‘a Sēmisi ko e foha ‘o ‘Alefiusi, mo Saimone ‘o e kautaha Mamahi‘ifonua, pea mo Siutasi ko e foha ‘o Sēmisi.

¹⁴Ko kinautolu ni kotoa pē na‘a nau faka‘utumauku ‘enau lotu ‘o loto taha; pea ai mo ha kau fefine, kae‘uma‘ā ‘a Mele ko e fa‘ē ‘a Sīsū, pea mo hono ngaahi tokoua.

¹⁵Pea lolotonga ‘i he ngaahi ‘aho ko ia na‘e tu‘u hake ‘a Pita ‘i he ha‘oha‘onga ‘o e kāinga: (na‘e ‘i ai mo e ngaahi hingoa tokolahi, ko e kakai kuo fakataha ki he potu ko ia, fe‘unga nai mo e toko teau mo e toko uofulu): pea pehē ‘e ia,

¹⁶‘E Kāinga, na‘e pau ke hoko ‘a e folofola, ‘a ia ne sinaki folofola‘aki ‘e he Laumālie Mā‘oni‘oni ‘i he fofonga ‘o Tēvita, ‘o kau kia Siutasi, ‘a e toko taha na‘a ne hoko ko e takihala ki he kakai na‘e puke ‘a Sīsū.

¹⁷He ne ‘osi lau ia mo kitautolu, pea ne tō kiate ia ‘a e lakanga ni.

¹⁸(Pea ko e siana ko ia na‘a ne ma‘u ha ‘api ‘aki ‘a e totongi ‘o ‘ene kākā; ‘o ne tō ‘o pāfua, pea mafahi hono fatu, pea fu‘u malingi kitu‘a hono to‘oto‘onga.

¹⁹Pea na‘e faifai pea ‘ilo ki ai ‘a e kakai kotoa pē na‘e nofo ‘i Selusalema; ko ia na‘e hingoa ai ‘a e ‘api ko ia ‘i he‘enau lea ko ‘Akeletama, ‘a ia ‘oku tatau mo e ‘Api-‘o-fakapō.)

²⁰He kuo tohi ‘i he tohi Saame, Ke lala ‘ene loto‘ā, pea ke mole ‘a ia na‘e nofo ki ai, pea ke ma‘u ‘e ha taha kehe ‘ene lakanga le‘o.

²¹Ko ia, ‘oku totonu ke fokotu‘u ha taha ‘i he kau tangata kuo kau mo kitautolu, lolotonga ‘a e felemofafo ‘a e ‘Eiki Ko Sīsū ‘iate kitautolu,

²²‘o fai mei he Papitaiso ‘a Sione[2] ‘o a‘u ki he ‘aho ‘o hono ‘ohake meiate kitautolu — ‘io, ke ai ha toko taha ‘i he kakai ni ke ne hoko ko e fakamo‘oni ‘o ‘ene toetu‘u, fakataha mo kimautolu.

²³Pea nau tu‘utu‘uni ha toko ua; ko Siosifa na‘e ui ko Pāsapa, ‘a ia na‘e fakahingoa foki ko Siusitasa, pea mo Mataiasi.

²⁴Pea nau hū ‘o pehē, ‘Eiki, ko koe ia ‘oku tokaima‘ananga ki ai ‘a e loto ‘o e kakai fuli pē; ke ke fakahā pe ko e fē ha taha ‘i he ongo me‘a ni kuo ke fili,

²⁵ke ma‘u ‘a e potungāue faka‘aposetolo ni ‘a ia ne laka mei ai ‘a Siutasi ke ‘alu ki hono potu ‘o‘ona.

²⁶Pea nau talotalo ma‘anaua; pea tonu kia Mataiasi: pea na‘e fakahoko ia ‘e he fakataha ki he kau hongofulu-mā-taha ‘aposetolo.