Read KO E TOH TAPU KATOA TONGA ‘Apositoló 3 Bible Online

‘Apositoló 3 - KO E TOH TAPU KATOA TONGA bible

‘Apositoló 3

¹PEA na‘e ‘alu hake ‘a Pita mo Sione ki he Temipale, ki he feinga lotu hū ‘oku fai ‘i hono hiva ‘o e houa.

²Pea tā na‘e fata ange ha motu‘a heke, ‘a ia kuo ne pehē mei hono fanau‘i; pea ko e ‘aho kotoa pē na‘a nau tuku ia ki he matapā ‘o e Temipale, ‘a ia ‘oku ui ko Masanisani, koe‘uhi ke ne fai ‘ene kole pa‘anga ki he kakai ‘oku hū ki he Temipale.

³Pea ‘i he‘ene vakai kia Pita mo Sione ‘oku fai ke na hū ki he Temipale, na‘a ne kole ha‘ane pa‘anga.

⁴Pea sio fakamama‘u ‘a Pita kiate ia, fakataha mo Sione, ‘o ne pehē,

⁵Hanga mai kiate kimaua. Pea na‘a ne fakatokanga atu, he‘ene ‘amanaki te ne ma‘u ha me‘a meiate kinaua.

⁶Pea pehē ‘e Pita, Ko e siliva mo e koula ‘oku ‘ikai te u ma‘u; ka ko e me‘a ‘oku ou ma‘u teu ‘atu ni ia: ‘I he huafa ‘O Sīsū Kalaisi mei Nāsaleti, tu‘u pea hā‘ele.

⁷Pea hanga ia ‘o ne puke ‘a e tangata ‘i hono nima to‘omata‘u, ‘o fusi hake: pea mo‘ui leva hono va‘e mo e tunga‘i va‘e.

⁸Pea ‘ai ‘e ia ‘ene fu‘u hopo, ‘o ne tu‘u ‘o ha‘ele, ‘o ne hū mo kinaua ki he Temipale, ‘oku ne ha‘ele, mo hopohopo, mo tuku Kolōlia ki he ‘Otua.

⁹Pea na‘e mamata kiate ia ‘e he kakai kotoa, ‘oku ne ha‘ele mo tuku kolōlia ki he ‘Otua:

¹⁰pea nau ‘ilo ko e siana ia na‘e nofo kole pa‘anga ‘i he matapā Masanisani ‘o e Temipale: pea nau fu‘u ofo mo fakatumutumu ‘i he me‘a kuo hoko kiate ia.

¹¹Pea ‘i he‘ene kei puke ‘a Pita mo Sione, na‘e felelei mai ‘a e kakai kotoa kiate kinautolu, ki he falehala ‘oku hingoa kia Solomone, ‘oku nau ofo lahi.

¹²Pea ‘i he sio ki ai ‘a Pita, na‘a ne lea ange ki he kakai, ‘a e tu‘unga Mātu‘a ‘Isileli, ko e hā ‘oku mou ofongi ai ‘a e tangata ni? Pea ko e hā ‘oku mou sio fakamama‘u ai kiate kimaua, ‘o hangē ko kimaua kuo ngaohi ia ke ha‘ele ‘i ha‘ama mafai ‘amaua, pe lotu mo‘oni?

¹³Ko e ‘Otua pē ‘o ‘Epalahame mo ‘Aisake mo Sēkope, ‘io, ko e ‘Otua ‘o ‘etau ngaahi kui, kuo ne fakalāngilangi‘i ‘ene sevāniti ko Sīsū — ‘a e toko taha ko ia na‘a mou tuku ange, pea fakafisinga, mo tulikekina ‘i he ‘ao ‘o Pailato, lolotonga kuo tu‘utu‘uni ‘e ia ke vete ange:

¹⁴kae fakafisinga ‘e kimoutolu ‘a e Tokotaha Mā‘oni‘oni mo Angatonu, ‘o mou kole ke me‘a‘ofa‘aki mai kiate kimoutolu ha tangata fakapō:

¹⁵ka ko e Mo‘ui‘anga na‘a mou tāmate‘i; ‘a ia na‘e fokotu‘u ‘e he ‘Otua mei he pekia: pea ko kimautolu ko e fakamo‘oni ki ai.

¹⁶Pea ko e me‘a ‘i he‘ema tui ki he huafa ‘o‘ona, ko ia kuo fakamo‘ui ai ‘e hono huafa ‘a e tangata ni, ‘a ia ‘oku mou siofia mo lāu‘ilo ki ai: ‘io, ko e tui ‘oku meiate ia kuo tuku ai ki he tangata ni ‘a e mo‘ui haohaoa ni ‘i he ‘ao ‘omoutolu kotoa pē.

¹⁷Pea neongo ia, kāinga, ka ‘oku ou ‘ilo na‘a mou fai ia ‘i he ta‘e‘ilo, pehē foki mo ho‘omou kau pule.

¹⁸Ka kuo fakaai ai ‘e he ‘Otua ‘a e ngaahi me‘a na‘a ne sinaki fakahā ‘i he fofonga ‘o ‘ene kau palōfita kotoa pē, ‘o pehē, ‘E feia ‘ene Mīsaia.

¹⁹Ko ia mou fei mo fakatomala, pea tafoki, koe‘uhi ke tāmate‘i ho‘omou ngaahi angahala; kae toki hoko mei he fofonga ‘o e ‘Eiki ‘a e ngaahi kuonga fakamānava hake.

²⁰Mo ne fekau mai ‘a e Toko Taha na‘e sinaki tu‘utu‘uni mo‘omou Mīsaia, ‘a Sīsū:

²¹‘a ia kuo pau ke ma‘u ‘e he langi, kae‘oua ke hoko ‘a e taimi ‘o e Fakafo‘ou mai ‘o e me‘a kotoa pē, ‘a e ngaahi taimi kuo folofola ki ai ‘a e ‘Eiki ‘i he fofonga ‘o ‘ene kau palōfita tapu, talu mei mu‘a.

²²‘Io, na‘e lea ‘a Mōsese, ‘o pehē, Ko e ‘Eiki ko homau ‘Otua, te ne fokotu‘u ma‘amoutolu mei homou kāinga ha palōfita ‘oku hangē ko au;[3] te mou tokanga ki he toko taha ko ia ‘i he me‘a kotoa pē te ne folofola‘aki kiate kimoutolu.

²³Pea ‘e hoko ‘o pehē, ‘Ilonga ha laumālie ‘e ‘ikai te ne tokanga ki he palōfita ko ia, ‘e motuhi faka‘āufuli ia mei he kakai.

²⁴Pea ko e kau palōfita kotoa pē, fai meia Sāmiuela mo kinautolu na‘e hoko, ‘ilonga ‘a kinautolu na‘e lea na‘a nau fakamatala foki ki he ngaahi ‘aho ni.

²⁵Ko kimoutolu ko e fānau ‘oku ‘amoutolu ‘a e kau palōfita, mo e fuakava na‘e fai ‘e he ‘Otua mo ‘etau ngaahi kui, he‘ene folofola kia ‘Epalahame, Pea ko ho hako ‘e fakamonū‘ia mei ai ‘a e ngaahi fa‘ahinga ‘o māmani.

²⁶Pea ko e ‘Otua, ‘i he‘ene fokotu‘u leva ‘ene Sevāniti, na‘a ne fuofua fekau ia kiate kimoutolu, ke ne fakamonū‘ia kimoutolu ‘i he fakatafoki kimoutolu takitaha mei he‘ene faikovi.