Read KO E TOH TAPU KATOA TONGA KO SIOSIUA 12 Bible Online

KO SIOSIUA 12 - KO E TOH TAPU KATOA TONGA bible

KO SIOSIUA 12

¹PEA ko eni ‘a e ngaahi tu‘i ‘o e fonua, ‘a ia na‘e taa‘i ‘e ha‘a ‘Isileli, ‘o ma‘u honau fonua ‘i he kauvai ‘o Soatani ki hahake, ‘o fai mei he tele‘a ‘o ‘Alanoni ‘o a‘u ki he mo‘unga ko Heamoni, ‘o kau ai mo e feitu‘u kotoa ‘o ‘Alapā ki hahake;

²ko Sīhoni ko e Tu‘i ‘Āmoli, ‘a ia na‘e nofo ‘i Hesiponi, ‘o fai ‘ene pule mei ‘Aloeli, ‘a ia ‘oku ‘i he kau-tele‘a ‘o ‘Alanoni, pea mei he kolo ‘i[5] he loto tele‘a, pea ai mo e vaeua ‘o Kiliati ‘o fai atu ki he vaitafe ko Siapoki, ‘a ia ko e kau‘ā fonua ‘o ha‘a ‘Āmoni;

³ko e ‘Alapā foki, hono feitu‘u ki hahake, ‘o a‘u ki he tahi ko Kineloti pea a‘u ki he tahi ‘o e ‘Alapā, ‘a e Tahi Māsima, hono feitu‘u hahake, ‘o fakapehē atu ki Pete-Sisimoti; pea ko hono potu tonga ko e talalo ‘o e ngaahi lauua ‘o Pīsika.

⁴Ko e kau‘ā fonua foki ‘o ‘Oki ko e Tu‘i Pēsani, ‘a ia na‘a ne kau ki he fa‘ahinga Lifaimi: na‘e nofo ia ‘i ‘Asiteloti mo ‘Etilei,

⁵‘o ne pule ki he mo‘unga ko Heamoni, pea ki Sālika, mo Pēsani kātoa, ‘o a‘u ki he kau‘ā fonua ‘o e kakai Kēsuli mo e kakai Maaka, pea ki he vaeua ‘o Kiliati ‘a ia ko e kau‘ā fonua ‘o Sīhoni ko e Tu‘i Hesiponi.

⁶Na‘e taa‘i kinaua ‘e Mōsese ko e Sevāniti ‘a Sihova, pea mo ha‘a ‘Isileli: pea na‘e foaki ia ‘e Mōsese ko e Sevāniti ‘a Sihova ki ha‘a Lūpeni, mo ha‘a Kata, mo e vaeua ‘o e matakali ‘o Manase, mo‘onau tofi‘a.

⁷Pea ko eni ‘a e ngaahi tu‘i ‘o e fonua, ‘a ia na‘e taa‘i ‘e Siosiua mo ha‘a ‘Isileli ‘i he kauvai ‘o Soatani ki hihifo, ‘o fai mei Peali-kata ‘i Lepanoni Vaha‘a-mo‘unga, ‘o a‘u ki Mo‘unga Molemole ‘i he hakenga ki Seia: pea na‘e foaki ‘e Siosiua ki he ngaahi matakali ‘o ‘Isileli mo‘onau tofi‘a, ‘o fakatatau ki honau ngaahi vahe.

⁸‘a e fonua mo‘unga, mo e Sēfela‘a, mo e ‘Alapā, mo e ngaahi lauua, pea mo e toafa mo e feitu‘u ko Tonga; ‘a ha‘a Heti, mo ha‘a ‘Āmoli, mo ha‘a Kēnani, mo ha‘a Pēlisi, mo ha‘a Hevi, mo ha‘a Siepusi.

⁹Ko e Tu‘i Sielikō, taha, Ko e Tui ‘Ai (‘a ia ‘oku ‘i he tafa‘aki ‘o Pēteli), taha;

¹⁰ko e Tu‘i Selusalema, taha, Ko e Tu‘i Hepeloni, taha;

¹¹ko e Tu‘i Siamuti, taha, Ko e Tu‘i Lākisi, taha;

¹²ko e Tu‘i ‘Ekeloni, taha, Ko e Tu‘i Kēseli, taha;

¹³ko e Tu‘i Tēpili, taha, Ko e Tu‘i Kēteli, taha;

¹⁴ko e Tu‘i Hoama, taha, Ko e Tu‘i ‘Ālati, taha;

¹⁵ko e Tu‘i Līpina, taha, Ko e Tu‘i ‘Atulami, taha;

¹⁶ko e Tu‘i Māketa, taha, Ko e Tu‘i Pēteli, taha;

¹⁷ko e Tu‘i Tapua, taha, Ko e Tu‘i Hēfeli, taha;

¹⁸ko e Tu‘i ‘Ēfeki, taha, Ko e Tu‘i Lasaloni, taha;

¹⁹ko e Tu‘i Mātoni, taha, Ko e Tu‘i Hasoa, taha;

²⁰ko e Tu‘i Similoni-Mēloni taha, Ko e Tu‘i ‘Akisafi, taha;

²¹ko e Tu‘i Ta‘anaka, taha, Ko e Tu‘i Mekito, taha;

²²ko e Tu‘i Kētesi, taha, Ko e Tu‘i Siokenami ‘i Kāmeli, taha;

²³ko e Tu‘i Toa (‘i he potu tafungofunga ‘o Toa), taha, Ko e Tu‘i Koimi ‘i Kilikali, taha;

²⁴ko e Tu‘i Tīlisa, taha. Ko hono kotoa ‘o e ngaahi tu‘i ko e toko tolungofulu mā toko taha.