Read KO E TOH TAPU KATOA TONGA KO SIOSIUA 19 Bible Online

KO SIOSIUA 19 - KO E TOH TAPU KATOA TONGA bible

KO SIOSIUA 19

¹PEA ko hono ua ‘o e talotalo na‘e tonu kia Simione, ‘a e matakali ‘o ha‘a Simione mo honau ngaahi fāmili, pea ko honau tofi‘a na‘e tō ‘i he loto tofi‘a ‘o ha‘a Siuta.

²Pea na‘a nau ma‘u moonau tofi‘a ‘a Peasipa (pe ko Sipa), mo Mōlata;

³mo Hasa-suali, mo Pala, mo ‘Āsimi:

⁴mo ‘Elitolati, mo Pētuli, mo Hoama:

⁵mo Sikilaki, mo Pete-makapoti, mo Hasa-Susa;

⁶mo Pete-lepaoti, mo Saluheni: ko e kolo ‘e hongofulu mā tolu mo honau ngaahi vilisi.

⁷Ko ‘Eni, ko Līmoni, mo ‘Ēteli, mo ‘Āsani: ko e kolo ‘e fā mo honau ngaahi vilisi.

⁸Pea mo e ngaahi vilisi kotoa pē na‘e tu‘u takatakai ki he ngaahi kolo ko ia, ‘o a‘u ki Pealati-pea, ‘a Lama-Tonga. Ko e tofi‘a ia ‘o e matakali ‘o ha‘a Simione mo honau ngaahi fāmili.

⁹Ko e tofi‘a ‘o ha‘a Simione na‘e tō mei he vahe ‘o ha‘a Siuta: he ko e ‘inasi ‘o ha‘a Siuta na‘e lahi fau kiate kinautolu: ko ia na‘e ma‘u tofi‘a ‘e ha‘a Simione ‘i he loto tofi‘a ‘o e fa‘ahinga ko ia.

¹⁰Pea ko hono tolu ‘o e talotalo na‘e tonu ki ha‘a Sepulone mo honau ngaahi fāmili: pea ko e kau‘ā ‘o honau tofi‘a na‘e ‘alu ki Sāliti:

¹¹pea a‘u hake honau kau‘ā ki lulunga, ki Mālala, ‘o ne lave ki Tapeseti ki he vai ‘oku ‘i he ‘ao ‘o Siokiniami:

¹²pea na‘e ‘alu foki mei Sāliti ki hahake mo e hopo‘anga la‘ā ki he tafafonua ‘o Kisiloti-tepoa; ‘o fou atu ki Tapelati, ‘o ‘alu hake ki Siafia:

¹³pea mole atu mei ai ki hahake ki Kati-hefeli, mo ‘Eti-kasini: Pea ‘asi ‘i Līmoni ‘a ia ‘oku afe atu ki Nea:

¹⁴pea takai ia ‘e he kau‘ā mei he tokelau ki Hanatoni, ‘o tū‘ulu ki he tele‘a ‘o Sifitaeli:

¹⁵ko Kātaki foki mo Nahalali, mo Similoni, mo ‘Ītala, mo Pētelihema: ko e kolo ‘e hongofulu mā ua mo honau ngaahi vilisi.

¹⁶Ko e tofi‘a ia ‘o ha‘a Sepulone mo honau ngaahi fāmili: ko honau ngaahi kolo ia mo honau ngaahi vilisi.

¹⁷Ko hono fā ‘o e talotalo na‘e tonu kia ‘Īsaka, ‘io, ki ha‘a ‘Īsaka mo honau ngaahi fāmili.

¹⁸Pea na‘e tu‘u ‘i honau vahe ‘a Sisilili, mo Kesuloti mo Sūnemi:

¹⁹mo Hafalaimi, mo Sioni, mo ‘Anahalati:

²⁰mo Lāpiti, mo Kisioni, mo ‘Ēpesi:

²¹mo Lēmeti, mo ‘Eni-kānimi, mo ‘Eni-hata, mo Pete-pāsisi:

²²pea lave ‘a e kau‘ā ki Tepoa, mo Sahasuma, mo Pete-semesi: pea na‘e tū‘ulu honau kau‘ā ki Soatani: ko e kolo ‘e hongofulu mā ono mo honau ngaahi vilisi.

²³Ko e tofi‘a ia ‘o e matakali ‘o ha‘a ‘Īsaka mo honau ngaahi fāmili: ko honau ngaahi kolo ia mo honau ngaahi vilisi.

²⁴Pea ko hono nima ‘o e talotalo na‘e tonu ki he matakali ‘o ha‘a ‘Āseli mo honau ngaahi fāmili.

²⁵Pea na‘e kau ki honau vahe ‘a Helekati, mo Hali, mo Pēteni, mo ‘Akisafi:

²⁶mo ‘Ālameleki, mo ‘Āmati, mo Mīsali: pea na‘e lave ki Kāmeli ‘i lulunga, pea ki Sīhoalipinati.

²⁷Pea na‘e foki fakahahake ki Pete-Tākoni, ‘o lave kia Sepulone, pea ki he tele‘a ‘o Sīfita-‘eli ki he tokelau, ki Pete-‘ēmeki mo Neieli: ‘o ne ‘alu fakato‘ohema ki Kāpuli.

²⁸Pea ki ‘Epeloni, mo Lēhopi, mo Hāmoni, mo Kana, ‘o a‘u ki Fu‘u Saitoni:

²⁹pea afe mai ‘a e kau‘ā ki Lama, pea ki he kolo ko e talitau‘anga ‘o Taia: pea afe ‘a e kau‘ā ki Hosa, ‘o tū‘ulu ki tahi fe‘unga mo e laine ‘o ‘Akisipi:

³⁰ko ‘Uma foki mo ‘Ēfeki mo Lēhopi: ko e kolo ‘e uofulu mā ua mo honau ngaahi vilisi.

³¹Ko e tofi‘a ia ‘o e matakali ‘o ha‘a ‘Āseli, mo honau ngaahi fāmili, ko honau ngaahi kolo ia mo honau ngaahi vilisi.

³²Pea ko hono ono ‘o e talotalo na‘e tonu ki ha‘a Nafitalai, ‘io, ki ha‘a Nafitalai mo honau ngaahi fāmili.

³³Pea ko honau vahe na‘e kamata mei Hēlefi mo e ‘oke ‘i Sa‘ananimi, pea kau ai ‘a ‘Ataminekepi, mo Siapinili, ‘o fai atu ki Lākumi; pea na‘e tū‘ulu ki Soatani.

³⁴Pea afe ‘a e kau‘ā ki lulunga ki ‘Asenoti-Tepoa, ‘o ‘alu atu mei ai ki Hūkoki: pea ne lave ki Sepulone mei he tonga, pea ki ‘Āseli mei lulunga pea ki Siuta-Soatani mei hahake.

³⁵Pea ko e ngaahi kolo ‘aa‘i ko Sītimi, Sieli, mo Hāmati, ‘a Lākati mo Kineleti:

³⁶mo ‘Ātama, mo Lama, mo Hasoa:

³⁷mo Kētesi, mo ‘Etilei, mo ‘Enihasoa;

³⁸mo ‘Īloni, mo Mikitali-‘ela, ‘a Hōlemi mo Pete-‘ānati, mo Pete-semesi: ko e kolo ‘e hongofulu mā hiva mo honau ngaahi vilisi.

³⁹Ko e tofi‘a ia ‘o e matakali ‘o ha‘a Nafitalai mo honau ngaahi fāmili; ko honau ngaahi kolo mo honau ngaahi vilisi.

⁴⁰Ko hono fitu ‘o e talotalo na‘e tonu ki he matakali ‘o ha‘a Tani mo honau ngaahi fāmili.

⁴¹Pea ko e kau‘ā ‘o honau tofi‘a ‘a Sola, mo ‘Esitaoli, mo ‘Ili-semesi;

⁴²mo Sa‘ala-pini, mo ‘Esialoni, mo ‘Ītela;

⁴³mo ‘Eiloni, mo Tīmina, mo ‘Ekiloni;

⁴⁴mo ‘Eliteke, mo Kipetoni, mo Pealati;

⁴⁵mo Sīhuti, mo Pene-pēlaka, pea mo Kati-limoni;

⁴⁶mo Me-siakoni, mo Lākoni, mo e tafafonua ‘oku fehangahangai mo Siopa.

⁴⁷Ka ko e vahe ‘o ha‘a Tani na‘e ‘ikai ke ngata ai, ka na‘e ‘alu atu ‘a ha‘a Tani, ‘o tau mo Lēsemi, ‘o nau hamu ia, ‘o taa‘i ‘aki ‘a e mata ‘o e heletā, ‘o nau ma‘u ia ‘o nofo ai, ‘o nau fakahingoa ‘a Lēsemi ko Tani, ‘o tatau mo e hingoa ‘o honau tupu‘anga ko Tani.

⁴⁸Ko e tofi‘a ia ‘o e matakali ‘o ha‘a Tani mo honau ngaahi fāmili; ko honau ngaahi kolo ia mo honau ngaahi vilisi.

⁴⁹Pea ‘osi ai ‘enau vahe fonua mo tu‘utu‘uni kau‘ā; pea na‘e foaki ‘e ha‘a ‘Isileli ha tofi‘a kia Siosiua ko e foha ‘o Nuni ‘i honau lotolotonga:

⁵⁰‘o hangē ko e fekau ‘a e ‘Eiki na‘a nau tuku kiate ia ‘a e kolo na‘a ne kole ki ai, ‘a Tīminati-sela ‘i he fonua mo‘unga ‘o ‘Ifalemi: pea na‘a ne langa ‘a e kolo ‘o nofo ai.

⁵¹Ko e ngaahi tofi‘a eni na‘e vahe ‘e ‘Eliesa ko e taula‘eiki, mo Siosiua ko e foha ‘o Nuni mo e hou‘eiki ‘ulumotu‘a ‘i he ngaahi matakali ‘a ha‘a ‘Isileli, ‘o nau fai talotalo ki ai ‘i Sailo, ‘i he ‘ao ‘o e ‘Eiki ‘i he mata Tēniti Fe‘iloaki‘anga. Pea ‘osi ai ‘enau vahe fonua.