Read KO E TOH TAPU KATOA TONGA KO SIOSIUA 21 Bible Online

KO SIOSIUA 21 - KO E TOH TAPU KATOA TONGA bible

KO SIOSIUA 21

¹PEA ‘unu‘unu mai ‘a e hou‘eiki ‘ulumotu‘a ‘o ha‘a Līvai kia ‘Eliesa ko e taula‘eiki, pea kia Siosiua ko e foha ‘o Nuni, mo e hou‘eiki ‘ulumotu‘a ‘o e ngaahi matakali ‘o ha‘a ‘Isileli;

²pea nau lea kiate kinautolu ‘i Sailo, ‘i he fonua ko Kēnani, ‘o pehē, Na‘e tu‘utu‘uni ‘e he ‘Eiki ‘ia Mōsese, ke ‘omi hamau ngaahi kolo nofo‘anga, mo e ngaahi ‘api takai ma‘a ‘emau monumanu.

³Ko ia na‘e foaki ‘e ha‘a ‘Isileli ki he kau Līvai mei honau ngaahi tofi‘a ‘a e ngaahi kolo ko eni, mo e ngaahi ‘api takatakai, ‘o hangē koe folofola ‘a Sihova.

⁴Pea fai ‘a e talotalo ma‘a e ngaahi fāmili ‘o ha‘a Kōhate; pea na‘e tō ki he hako ‘o ‘Ēlone ko e taula‘eiki ‘a ia ko e fa‘ahinga Līvai, ‘a e kolo ‘e hongofulu mā tolu mei he matakali ‘o Siuta, mo e matakali ‘o Simione, mo e matakali ‘o Penisimani.

⁵Pea na‘e tō ki hono toe ‘o ha‘a Kōhate ha kolo ‘e hongofulu mei he ngaahi fāmili ‘o e matakali ‘o ‘Ifalemi, mo e matakali ‘o Tani, mo e vaeua ‘o e matakali ‘o Manase.

⁶Pea na‘e tō ki ha‘a Kēsoni ha kolo ‘e hongofulu mā tolu mei he ngaahi vahe ‘o e matakali ‘o ‘Īsaka, mo ‘Āseli, mo Nafitalai, mo e vaeua ‘o e matakali ‘o Manase ‘i Pēsani.

⁷Na‘e tō ki ha‘a Mēlali mo honau ngaahi fāmili ha kolo ‘e hongofulu mā ua mei he matakali ‘o Lūpeni mo Kata, mo Sepulone.

⁸Pea na‘e foaki ‘e ha‘a ‘Isileli ki he kau Līvai ‘a e ngaahi kolo ko eni, mo e ngaahi ‘api takatakai, ‘o hangē ko e tu‘utu‘uni ‘a Sihova kia Mōsese. Na‘a nau talotalo[11] ki ai.

⁹Pea na‘a nau foaki mei he matakali ‘o ha‘a Siuta mo ha‘a Simione ‘a e ngaahi kolo ‘oku tu‘u heni honau hingoa:

¹⁰pea na‘e tō ki ha‘a ‘Ēlone, ko e taha ‘i he ngaahi fāmili ‘o ha‘a Kōhate ‘i he hako ‘o Līvai (he na‘e ‘anautolu ‘a e ‘uluaki talotalo) —

¹¹‘Io, na‘a nau foaki kiate kinautolu ‘a e kolo ‘a ‘Ā‘apa, ko e tupu‘anga ‘o ‘Ānaki (ko Hepeloni ia ‘i he fonua mo‘unga ‘o Siuta), pea mo e ‘api takatakai ki ai.

¹²Ka ko e tuku‘uta ‘o e kolo mo hono ngaahi vilisi, na‘a nau tuku kia Kēlepi ko e foha ‘o Sīfune moono tofi‘a.

¹³‘Io, na‘a nau tuku ki he hako ‘o ‘Ēlone ko e taula‘eiki ‘a e kolo hūfanga ‘o e tangata tāmate, ‘a Hepeloni mo hono ‘api takai, mo Līpina foki mo hono ‘api takai,

¹⁴ko Siatili foki mo hono ‘api takai, mo ‘Esitemoa foki mo hono ‘api takai;

¹⁵mo Hōloni mo hono ‘api takai, mo Tēpili mo hono ‘api takai;

¹⁶mo ‘Eni mo hono ‘api takai, mo Siuta mo hono ‘api takai, ko Pete-sēmesi mo hono ‘api takai; ko e kolo ‘e hiva mei he ongo matakali ko ia.

¹⁷Pea mei he matakali ‘o Penisimani, ko Kipione mo hono ‘api takai, ‘a Kepa mo hono ‘api takai;

¹⁸‘a ‘Anatoti mo hono ‘api takai, mo ‘Alamoni mo hono ‘api takai: ko e kolo ‘e fā.

¹⁹Ko e lau ‘o e ngaahi kolo ‘o e kau taula‘eiki ko e hako ‘o ‘Ēlone, ko e kolo ‘e hongofulu mā tolu mo honau ngaahi ‘api takatakai.

²⁰Pea ki he ngaahi fāmili ‘o ha‘a Kōhate ko e kau Līvai, ‘io, ki hono toe ‘o e hako ‘o Kaha (e, na‘e tō honau ngaahi kolo mei he matakali ‘a ‘Ifalemi.

²¹Pea na‘e tuku kiate kinautolu ‘a e kolo hūfanga ‘o e tangata tāmate, ‘a Sikemi mo hono ‘api takai ‘i he fonua mo‘unga ‘o ‘Ifalemi, pea mo Kēseli mo hono ‘api takai;

²²mo Kipisaimi mo hono ‘api takai, mo Pete-hōloni mo hono ‘api takai:

²³ko e kolo ‘e fā. Pea mei he matakali ‘o Tani ko ‘Eleteki mo hono ‘api takai, ko Kipetoni mo hono ‘ani takai:

²⁴ko ‘Esialoni mo hono ‘api takai, ko Kati-līmoni mo hono ‘api takai: ko e kolo ‘e fā.

²⁵Pea mei he vaeua ‘o e matakali ‘o Manase, ‘a Ta‘anaka mo hono ‘api takai, mo Kati-līmoni mo hono ‘api takai:

²⁶ko e kolo ‘e ua. Pea ko e lau ‘a e ngaahi kolo na‘e tō ki hono toe ‘o e ngaahi fāmili ‘o ha‘a Kōhate ko e kolo ‘e hongofulu mo honau ngaahi ‘api takatakai.

²⁷Pea ko ha‘a Kēsoni, ko e taha ‘i he ngaahi fa‘ahinga Līvai, na‘e tō ki ai mei he vaeua ‘o e matakali ‘o Manase, ‘a e kolo hūfanga ‘o e tangata-tāmate, ko Kōlani ‘i Pēsani, mo hono ‘api takai; mo Pē-‘esitela mo hono ‘api takai: ko e kolo ‘e ua.

²⁸Pea mei he matakali ‘o ‘Īsaka, ko Kisioni mo hono ‘api takai, ko Tapelati mo hono ‘api takai;

²⁹ko Siamuti mo hono ‘ani takai, ko ‘Eni-kānimi mo hono ‘api takai:

³⁰ko e kolo ‘e fā. Pea mei he matakali ‘o ‘Āseli, ko Mīsali mo hono ‘api takai, ko ‘Apitoni mo hono ‘api takai;

³¹ko Helikati mo hono ‘api takai, mo Lēhopi mo hono ‘api takai: ko e kolo ‘e fā.

³²Pea mei he matakali ‘o Nafitalai, ‘a e kolo hūfanga ‘o e tangata-tāmate ko Kētesi ‘i Kāleli, mo hono ‘api takai, pea mo Hāmoti-toa mo hono ‘api takai, mo Kaletani mo hono ‘api takai: ko e kolo ‘e tolu.

³³Ko e lau ‘o e ngaahi kolo ‘o ha‘a Kēsoni mo honau ngaahi fāmili, ko e kolo ‘e hongofulu mā tolu mo honau ngaahi ‘api takatakai.

³⁴Pea ko e ngaahi fāmili ‘o ha‘a Mēlali (ko hono toe ia ‘o e fa‘ahinga Līvai) na‘e tō kiate kinautolu mei he matakali ‘o Sepulone, ‘a Siokenami mo hono ‘api takai ‘a Kāleta mo hono ‘api takai;

³⁵‘a Tīmena mo hono ‘api takai, ‘a Nahalali mo hono ‘api takai: ko e kolo ‘e fā.

³⁶Pea mei he matakali ‘o Lūpeni, ko Pēseli mo hono ‘api takai, mo Siahasi mo hono ‘api takai,

³⁷ko Ketemoti mo hono ‘api takai, mo Mefaati mo hono ‘api takai:

³⁸ko e kolo ‘e fā. Pea mei he matakali ‘o Kata, ‘a e kolo hūfanga ‘o e tangata tāmate ko Lemoti-Kiliati mo hono ‘api takai, mo Mehanemi mo hono ‘api takai;

³⁹‘a Hesiponi mo hono ‘api takai, mo Siasea mo hono ‘api takai: ko hono kotoa ko e kolo ‘e fā.

⁴⁰Ko e ngaahi kolo ia na‘e tō ki ha‘a Mēlali mo honau ngaahi fāmili; ko e toe ia ‘o e ngaahi fāmili ‘o Līvai; pea ko honau ‘inasi na‘e tō ko e kolo ‘e hongofulu mā ua.

⁴¹Ko e lau kātoa ‘o e ngaahi kolo ‘o e kau Līvai ‘i he loto tofi‘a ‘o ha‘a ‘Isileli, ko e kolo ‘e fāngofulu mā valu, mo honau ngaahi ‘api takatakai.

⁴²Na‘e takitaha ‘a e kolo ‘a e ngaahi ‘api na‘e takatakai ki ai: ko e anga ia ‘o e ngaahi kolo kotoa ko ia.

⁴³Ko ia na‘e tuku ‘e Sihova ki ‘Isileli ‘a hono kotoa ‘o e fonua na‘a ne fuakava ke foaki ki honau tupu‘anga; pea na‘a nau ma‘u ia, ‘o nofo ai.

⁴⁴Pea na‘e fakanonga‘i ‘e Sihova kinautolu mei he potu fua pē, ‘o hangē ko ia kotoa na‘a ne fuakava‘aki ki honau tupu‘anga: pea na‘e ‘ikai ha taha ‘i honau ngaahi fili ‘e tu‘u ‘i honau ‘ao; na‘e tuku ‘e Sihova ki honau nima honau ngaahi fili kotoa pē.

⁴⁵Na‘e ‘ikai ke tō kelekele ha momo‘i me‘a ‘e taha ‘i he ngaahi lelei na‘a ne tala‘ofa ki ha‘a ‘Isileli; na‘e hoko hono kotoa.