Read KO E TOH TAPU KATOA TONGA KO E ME‘A FAKAHĀ 19 Bible Online

KO E ME‘A FAKAHĀ 19 - KO E TOH TAPU KATOA TONGA bible

KO E ME‘A FAKAHĀ 19

¹HILI ia na‘e ongo mai hangē ha fu‘u le‘o ‘o e kakai to ko lahi ‘i he langi, ‘oku nau pehē, Halelu‘ia! ‘Oku ‘a hotau ‘Otua ‘a e fakamo‘ui, Mo e kolōlia mo e mafai:

²He ‘oku mo‘oni mo totonu A ‘ene ngaahi fakamaau: He kuo ne fakamaau ‘a e fe‘auaki lahi, ‘A ia na‘a ne maumau‘i ‘a māmani ‘aki ‘ene fe‘auaki, Pea kuo ne ‘eke kiate ia ‘a e toto ‘o ‘ene kau tamaio‘eiki.

³Pea nau toe pehē, Halelu‘ia! Pea ‘oku ‘alu hake hono kohu ‘o lauikuonga, pea ta‘engata.

⁴Pea mape‘e ki lalo ‘a e mātu‘a ‘e to ko uofulu mā fā, mo e me‘a mo‘ui ‘e to ko fā, pea nau hū ki he ‘Otua ‘oku ‘afio ‘i he taloni, ‘o nau pehē, ‘Ēmeni; Halelu‘ia!

⁵Pea na‘e ongo mai ha le‘o mei he taloni na‘e pehē, Mou fakamālō ki hotau ‘Otua, ‘a e kau tamaio‘eiki kotoa pē ‘a‘ana, ‘a kimoutolu ‘oku ‘apasia kiate ia, ‘a e iiki mo e lalahi.

⁶Pea na‘e ongo mai hangē ha le‘o ‘o ha kakai to ko lahi, pea hangē ko e ‘u‘ulu ‘o ha ngaahi vai lahi, pea hangē ko e longoa‘a ‘o ha ngaahi fu‘u mana, ‘o pehē, Halelu‘ia! He ‘oku Hau ‘a e ‘Eiki ko e ‘Otua Aoniu.

⁷Tau fiefia mo hākailangitau, ‘Io, te tau tuku ‘a e kolōlia kiate ia: He kuo hokosia ‘a e ta‘ane ‘a e Lami, Pea ko hono uaifi kuo ‘osi hono teuteu.

⁸Pea na‘e tuku kiate ia ke ne kofu ‘aki ‘a e līneni mahu‘inga na‘e ngingila mo ma‘a: he ko e līneni mahu‘inga ko ia ko e ngaahi mā‘oni‘oni ‘a e kakai lotu.

⁹Pea ne pehē kiate au, Tohi, Monu‘ia ā ka ko kinautolu kuo tala ki ai ‘a e kātoanga ta‘ane ‘a e Lami. Pea ne pehē foki kiate au, Ko e ngaahi lea ni, ko e ngaahi folofola mo‘oni ‘a e ‘Otua.

¹⁰Pea u mape‘e ki lalo ‘i hono va‘e ke hū kiate ia. Pea ne pehē mai, ‘Ē, ‘oua: ‘oku ou kaungā tamaio‘eiki mo koe, pea mo ho ngaahi kāinga kuo ‘anautolu ‘a e fakamo‘oni kia Sīsū: hū ki he ‘Otua pē: he ko e fai fakamo‘oni kia Sīsū, ko e laumālie ‘o e palofisai.

¹¹Pea u vakai kuo fakaava ‘a e langi, pea tā ko ha hoosi hinehina; pea ko ia na‘e heka ai na‘e ui ko Falala‘anga mo Mo‘oni; pea ‘oku mā‘oni‘oni ‘ene fakamaau mo ‘ene faitau.

¹²Ko hono ongo fo‘i fofonga na‘e hangē ko e ulo‘i afi, pea na‘e lahi ‘a e kalauni ‘i hono ‘ulu; pea na‘e ai hono hingoa na‘e tohi, ‘a ia na‘e ‘ikai ‘ilo ki ai ‘e ha taha, ka ko ia pē.

¹³Pea kuo ne kofu ‘aki ha kofu kuo pani ta‘ata‘a: pea ko hono huafa ‘oku ui‘aki KO FOLOFOLA ‘a e ‘OTUA.

¹⁴Pea na‘e muimui atu ki ai ‘a e ngaahi matatau ‘oku ‘i he langi, ‘oku nau heka ki he fanga hoosi hinehina, pea kuo nau kofu ‘aki ‘a e līneni na‘e hinehina mo ma‘a.

¹⁵Pea na‘e ‘alu mei hono ngutu ‘a e heletā māsila ke ne taa‘i ‘aki ‘a e ngaahi kakai, pea te ne pule‘i kinautolu ‘aki ha sēpita ukamea: pea ko ia ia ‘oku malaki ‘a e tata‘onga uaine ko e houhau ‘o e tuputāmaki ‘a e ‘Otua Aoniu.

¹⁶Pea na‘e tohi ‘i hono pulupulu mo hono tenga ha hingoa,

¹⁷Pea u vakai ‘a e ‘āngelo ‘e taha ‘oku ne tu‘u ‘i he la‘ā; pea na‘a ne kalanga le‘o lahi ki he manupuna kotoa pē ‘oku puna ‘i he loto langi, Omi; mou fakataha mai ki he kātoanga lahi ‘a e ‘Otua;

¹⁸ke mou kai ‘a e kakano ‘o e ngaahi tu‘i, mo e kakano ‘o e ngaahi ‘eikitau, mo e kakano ‘o e kau to‘a, mo e kakano ‘o e fanga hoosi mo kinautolu ‘oku heka ai, mo e kakano ‘o e kakai kehekehe, ‘a e tau‘atāina mo e pōpula, ‘a e iiki mo e lalahi.

¹⁹Pea u vakai ‘a e manu fekai, mo e ngaahi tu‘i ‘o māmani, mo ‘enau ngaahi matatau, kuo nau fakataha ke fai tau mo ia ‘oku heka ‘i he hoosi, pea mo ‘ene tau ‘a‘ana.

²⁰Pea na‘e puke ‘a e manu fekai, pea mo ia na‘e kau mo ia, ‘a e palōfita loi, ‘a ia na‘a ne fai ‘a e mana ‘i he ‘ao ‘o e manu, ‘o ne kākaa‘i ai ‘a e kakai kuo ma‘u ‘a e faka‘ilonga ‘o e manu fekai, mo nau hū ki hono ‘īmisi, Na‘e lī mo‘ui kinaua ki he anoafi, ‘a ia ‘oku ulo sūlifa.

²¹Pea ko hono toe na‘e tāmate‘i ‘aki ‘a e heletā ‘a‘ana na‘e heka ki he hoosi, ‘a e heletā ‘oku ‘alu atu mei hono ngutu: pea na‘e mākona ‘a e manupuna kotoa pē ‘i honau kakano.