Read KO E TOH TAPU KATOA TONGA KO E ME‘A FAKAHĀ 22 Bible Online

KO E ME‘A FAKAHĀ 22 - KO E TOH TAPU KATOA TONGA bible

KO E ME‘A FAKAHĀ 22

¹PEA ne fakahā kiate au ha vaitafe ‘o e Vaiola, na‘e ngingila ‘o hangē ko e kilisitala, ‘oku tafe mai mei he taloni ‘o e ‘Otua mo e Lami.

²‘I he vaha‘a ‘o e hala ‘o e kolo pea mo e vaitafe, ‘i he kauvai ‘e taha, na‘e tu‘u ai ‘a e ‘akau ‘o e mo‘ui, pea pehē mo e kauvai ‘e taha. Na‘e hongofulu mā ua hono fa‘ahinga fua, ‘o takitaha ‘a e māhina hono fua: pea ko e lou‘akau ‘oku ‘aonga ki he faito‘o ‘o e ngaahi kakai.

³Pea ‘ilonga ha me‘a fakamala‘ia ‘e ‘ikai toe ‘iloa: pea ko e taloni ‘o e ‘Otua mo e Lami ‘oku tu‘u ai, pea ‘oku tauhi ki He‘ene ‘Afio ‘e he‘ene kau tamaio‘eiki.

⁴Pea te nau mamata ki hono fofonga; pea ‘e tu‘u hono huafa ‘i honau la‘e.

⁵Pea ‘e ‘ikai ‘i ai ha pō pea ‘e ‘ikai te nau fie ma‘u ha maama pe ko e la‘ā; he ko ‘Ene ‘afio ‘a e ‘Otua te ne hulu‘ia kinautolu: pea te nau Hau ‘o lauikuonga.

⁶Pea ne pehē kiate au, Ko e ngaahi lea ko eni ‘oku ala falala ki ai, pea ko e mo‘oni ‘o e mo‘oni: pea ko e ‘Afio ‘a e ‘Otua ‘o e ngaahi laumālie ‘o e kau palōfita kuo ne fekau ‘ene ‘āngelo ke fakahā ki he kau tamaio‘eiki ‘a ‘Ene ‘Afio ‘a e ngaahi me‘a kuo pau ke ho ko leva.

⁷Pea ko eni, ‘oku vave ‘eku ‘alu atu, Monu‘ia ā ka ko ia ‘oku ne tauhi ‘a e ngaahi lea ‘o e palofisai ‘o e tohi ni.

⁸Pea ko au Sione ia na‘e fanongo mo mamata ki he ngaahi me‘a ni, pea ‘i he‘eku fanongo leva mo mamata, na‘a ku mape‘e ai ki lalo ke hū ‘i he va‘e ‘o e ‘āngelo na‘e fakahā mai ‘a e ngaahi me‘a ko ia.

⁹Ka ka pehē mai ‘e ia, ‘Ē, ‘oua: ‘oku ou kaungā tamaio‘eiki mo koe, pea mo ho ngaahi tokoua ‘a e kau palōfita, pea mo e kakai ‘oku tauhi ‘a e ngaahi lea ‘o e tohi ni. Hū ki he ‘Otua pē.

¹⁰Pea ne pehē mai, ‘Oua te ke sila‘i ‘a e ngaahi lea ‘o e palofisai ‘o e tohi ni, he kuo panaki hono taimi.

¹¹Ko ia ‘oku ne ta‘eangatonu ke ne fai ta‘etotonu ai pē: pea ko ia ‘oku ‘uli, ke ne fai ai pē hono ‘uli‘i: pea ko ia ‘oku angatonu ke ne faitotonu ai pē: pea ko ia ‘oku mā‘oni‘oni ke ne fai ai pē hono fakamā‘oni‘oni‘i.

¹²Vakai, ‘oku vave ‘eku ‘alu atu, pea ‘oku ‘alu mo au ‘eku totongi ke ‘atu ki he tangata takitaha ‘o fakatatau ki he‘ene ngāue.

¹³Ko au ko e ‘Ālifa mo e ‘Ōmeka, ko e ‘Uluaki mo e kimui, ko e Kamata‘anga mo e Ngata‘anga.

¹⁴Monū‘ia ā ka ko kinautolu ‘oku fō honau kofu, koe‘uhi ke nau fa‘iteliha ki he ‘Akau ‘o e Mo‘ui, pea ke nau hū ‘i he ngaahi matapā ki he kolo.

¹⁵‘Oku ‘i he tu‘a ‘ā ‘a e fanga kulī, mo e kau fai fakalou‘akau, mo e kau fe‘auaki, mo e kau fakapō, mo e kau tauhi ‘aitoli, mo ia kotoa pē ‘oku ‘ofa ki he loi mo fai ia.

¹⁶Ko au Sīsū kuo u fekau ‘eku ‘āngelo ke fakapapau kiate kimoutolu ‘a e ngaahi me‘a ni ‘i he ngaahi siasi. Ko au ko e Huli mo e Ha ko ‘o Tēvita, ko e Fetu‘u Ngingila, ko e Fetu‘u Pongipongi.

¹⁷Pea ko e Laumālie mo e Ta‘ahine ‘oku na pehē, Ha‘u. Pea ko ia ‘oku ne fanongo ke ne pehē, Ha‘u. Pea ko ia ‘oku fieinu, ke ne ha‘u. Pea ko ia ‘oku ne loto ki ai, ke ne to‘o ta‘etotongi ‘a e Vaiola.

¹⁸‘Oku ou fakapapau atu kiate ia kotoa pē te ne fanongo ki he ngaahi lea ‘o e palofisai ‘o e tohi ni, ka ai ha taha te ne fakalahi ki ai, ‘e fakalahi ‘e he ‘Otua kiate ia ‘a e ngaahi tautea kuo tohi ‘i he tohi ni.

¹⁹Pea ka ai ha taha te ne to‘o ha me‘a mei he ngaahi lea ‘o e tohi palofisai ni, ‘e to‘o ‘e he ‘Otua hono ‘inasi ‘i he ‘Akau ‘o e Mo‘ui, pea ‘i he Kolo Tapu, ‘a e ngaahi me‘a kuo tohi ‘i he tohi ni.

²⁰Ko ia ‘oku ne fakapapau ‘a e ngaahi me‘a ni, ‘oku ne pehē, ‘Io, ‘oku vave ‘eku ‘alu atu. ‘Ēmeni. ‘Eiki Sīsū, ke ke hā‘ele mai.

²¹Ko e kelesi ‘a e ‘Eiki ko Sīsū Kalaisi, ‘ofa ke ‘i he kakai lotu[10] ia.