Read KO E TOH TAPU KATOA TONGA KO E ME‘A FAKAHĀ 7 Bible Online

KO E ME‘A FAKAHĀ 7 - KO E TOH TAPU KATOA TONGA bible

KO E ME‘A FAKAHĀ 7

¹HILI ‘a e me‘a ko ia, na‘a ku vakai ha ‘āngelo ‘e to ko fā, na‘a nau ‘alu ‘o tu‘u ‘i he tuliki ‘e fā ‘o māmani, ‘o nau puke ‘a e matangi ‘e fā ‘o māmani, ke ‘oua na‘a angi ha matangi ki he fonua, pe ki he tahi, pe ki he ‘akau.

²Pea na‘a ku vakai ‘a e ‘āngelo ‘e taha ‘oku ne ‘alu hake mei he hopo‘anga la‘ā, ‘oku ‘iate ia ‘a e sila ‘a e ‘Otua Mo‘ui: pea na‘a ne kalanga le‘o lahi ki he ‘āngelo ‘e to ko fā, ‘a ia kuo tuku kiate kinautolu ke maumau‘i ‘a e fonua mo e tahi,

³‘o ne pehē, ‘Oua te mou momo‘i maumau‘i ‘a e fonua, pe ko e tahi, pe ko e ngaahi ‘akau, kae‘oua ke ‘osi ‘emau sila‘i ‘a e kau tamaio‘eiki ‘a hotau ‘Otua ‘i honau la‘e.

⁴Pea u fanongo ki he lau ‘o e kakai na‘e sila‘i, ko e to ko taha kilu mā to ko fā mano mā to ko fā afe na‘e sila‘i mei he matakali fuli pē ‘o ha‘a ‘Isileli,

⁵Ne sila meia Siuta ha to ko taha mano mā to ko ua afe, Meia Lūpeni, ha to ko taha mano mā to ko ua afe, Meia Kata, ha to ko taha mano mā to ko ua afe,

⁶Meia ‘Āseli, ha to ko taha mano mā to ko ua afe, Meia Nafitalai, ha to ko taha mano mā to ko ua afe, Meia Manase, ha to ko taha mano mā toka ua afe,

⁷Meia Simione, ha to ko taha mano mā to ko ua afe, Meia Līvai, ha to ko taha mano mā to ko ua afe, Meia ‘Īsaka, ha to ko taha mano mā to ko ua afe,

⁸Meia Sepulone, ha to ko taha mano mā to ko ua afe, Meia Siosifa, ha to ko taha mano mā to ko ua afe, Ne sila‘i meia Penisimani ha to ko taha mano mā to ko ua afe.

⁹Hili ia na‘a ku vakai, pea tā ko e fu‘u kakai lahi, ‘a ia ‘e ‘ikai lava ‘e ha taha hono lau, ko ha kakai mei he pule‘anga kotoa pē, mo e ngaahi matakali, mo e ngaahi fa‘ahinga, mo e ngaahi lea, na‘a nau tutu‘u ‘i he ‘ao ‘o e taloni pea ‘i he ‘ao ‘o e Lami, kuo nau kofu ‘aki ‘a e ngaahi kofu hinehina tōtōlofa, pea ‘oku nau to‘o ‘a e ngaahi va‘a paame;

¹⁰pea na‘a nau kalanga le‘o lahi, ‘o pehē, Ko hotau fakamo‘ui ‘Oku mei hotau ‘Otua, ‘A ia ‘oku ‘afio ‘i he taloni, Pea mei he Lami.

¹¹Pea ko e kau ‘āngelo kotoa pē na‘a nau tu‘u takatakai ki he taloni, pea ki he kau mātu‘a, pea ki he me‘a mo‘ui ‘e fā; pea ne nau tō fo‘ohifo leva ‘i he ‘ao ‘o e taloni, pea nau hū ki he ‘Otua, ‘o pehē,

¹²‘Ēmeni: Ko e tāpuaki, mo e kolōlia, mo e poto, Mo e fakafeta‘i, mo e faka‘apa‘apa, Mo e mafai, mo e mālohi, ‘E lau ia ki hotau ‘Otua, ‘O lauikuonga pea ta‘engata. ‘Ēmeni.

¹³Pea na‘e tali ‘e ha taha ‘o e kau mātu‘a, ‘o ne pehē mai, Ko hai ‘a kinautolu na ‘oku kofu hinehina? pea ko ‘enau ha‘u mei fē?

¹⁴Pea u pehē kiate ia, ‘Eku ‘Eiki, ko koe pē ‘oku mea‘i. Pea ne me‘a mai, Ko eni ia ‘a kinautolu ‘oku ha‘u mei he mamahi lahi, pea na‘a nau fō honau kofu, ‘o fakahinehina ‘i he ta‘ata‘a ‘o e Lami.

¹⁵Ko hono ‘uhinga ia ‘oku nau ‘i he ‘ao ‘o e taloni ‘o e ‘Otua, pea ‘oku nau tauhi kiate ia ‘i hono temipale ‘i he ‘aho mo e pō: pea ko Ia ‘oku ne ‘afio ‘i he taloni te ne folahi ‘a e Tāpanekale ‘o hono Sikaina ‘iate kinautolu.

¹⁶‘E ‘ikai te nau toe fiekaia, ‘uma‘ā ha‘anau toe fieinua, ‘uma‘ā ha momo‘i lave kiate kinautolu ‘a e la‘ā, pe ko e ngaahi me‘a fakavelehia.

¹⁷He ko e Lami ‘oku ‘i he loto taloni, te ne tauhi kinautolu ‘o hangē ha fanga sipi, pea te ne tataki kinautolu ki he ngaahi matavai ‘o e Vaiola: pea ‘e holoholo ‘e he ‘Otua ‘a e lo‘imata kotoa pē mei honau mata.