Read KO E TOH TAPU KATOA TONGA KO LUTE 2 Bible Online

KO LUTE 2 - KO E TOH TAPU KATOA TONGA bible

KO LUTE 2

¹PEA na‘e ai ha kāinga ‘o Neomai ‘i hono husepāniti, ko e matāpule koloa‘ia lahi, ‘o kau ki he fāmili ‘o ‘Elimeleki; pea ko hono hingoa ka Poasi.

²Pea pehē ‘e he fefine Moape ko Lute kia Neomai, Ka u ‘alu ki he vao, ‘o tufi koane ‘i ha taha te ne loto lelei kiate au. Pea pehē ‘e he finemotu‘a, ‘Alu pē, nga‘ata.

³Pea ne ‘alu, ‘o ne a‘u ki he ngoue‘anga, ‘o ne muimui ‘i he kau tu‘usi, ‘o tufi: pea ‘i he‘ene fāinoa na‘a ne ve‘e tonu ki he konga vao ‘o Poasi, ‘a ia na‘a ne kau ki he fāmili ‘o ‘Elimeleki.

⁴Pea ‘iloange na‘e ha‘u ‘a Poasi mei Pētelihema, pea ne pehē ki he kau tu‘usi, Ke ‘iate kimoutolu ‘a e ‘Eiki! Pea nau tali, ke tāpuaki‘i ‘e he ‘Eiki ‘a koe!

⁵Pea pehē ‘e Poasi ki he‘ene tama ngāue na‘e pule ki he kau tu‘usi, Ko e ta‘ahine ‘a hai eni?

⁶Pea tali ‘a e tama na‘e pule ki he kau tu‘usi, ‘o pehē, Ko e ta‘ahine Moape ia na‘e foki mo Neomai mei he tuku‘uta ‘o Moape:

⁷pea ne poaki mai, ‘o pehē, Fakamolemole mu‘a, ka u tufi heni, ‘o fakaeve ‘a e moveve ‘o e ‘ū koane ofi ki he kau tu‘usi. Ko ia na‘a ne ha‘u, pea kuo ne nofo‘aki fai mei he ‘anehengihengi ‘o a‘u ki he taimi ni; ngata pē ha‘ane ki‘i mālōlō pe ‘i he fale.

⁸Pea lea ‘a Poasi kia Lute, ‘Ikai ‘oku ke ongo‘i, nga‘ata? ‘Oua te ke ‘alu ki ha ‘api kehe, pea ‘oua foki ‘e hiki mei heni, ka ke nofo ai pē mo ‘eku tu‘unga fafine ni.

⁹Sio ma‘u pē ki he konga vao ‘oku tu‘usi ‘e he kau tama na, pea ke muimui ki he kau ta‘ahine ni: ‘ikai kuo u kouna ‘a e kau tama ke ‘oua te nau ala kiate koe? Pea ka ke ka fie inua, ‘alu ki he ngaahi ‘angavai, ‘o inu mei he me‘a kuo ‘utu ‘e he kau tama.

¹⁰Pea fakafo‘ohifo ‘e he fefine, ‘o punou ki he kelekele, ‘o ne pehē kiate ia, Ko e hā kuo u ta‘imālie pehē ai ho‘o ‘ofa, ‘o ke tokanga‘i au; ‘osi, ko e kehe au?

¹¹Pea tali ‘e Poasi, ‘o ne pehē ki he fefine, Kuo ‘osi fakahā kiate au ‘a e fu‘u me‘a na‘a ke fai ki he fa‘ē ‘a ho husepāniti talu ‘a e pekia ‘a ho hoa; pea mo ho‘o li‘aki ho‘o tamai mo ho‘o fa‘ē, mo e fonua na‘a ke tupu ai, ka ke ha‘u ki ha kakai na‘e ‘ikai te ke ‘ilo ki ai ‘i mu‘a.

¹²‘Ofa ke fakaai ho‘o ngāue ‘e he ‘Eiki, pea ke ma‘u kakato ho‘o totongi meia Sihova ko e ‘Otua ‘o ‘Isileli, ‘a ia kuo ke ha‘u ke hūfanga ‘i hono lalo kapakau.

¹³Pea tali ‘e he fefine, Tangata‘eiki, ‘ofa ke fai ai pē ho‘o āfeitaulalo mai,[5] he kuo ke fakanonga au, pea kuo ke lea fakafiemālie ki ho‘o kaunanga; ka tala‘ehai ko e taha au ‘oku taau ke lau mo ho‘o tu‘unga kau kaunanga.

¹⁴Pea ‘i he taimi ‘o e kai na‘e pehē ‘e Poasi ki he fefine, Ha‘u ki heni, ‘o tokoni mei he me‘akai ni, ‘o unu ho‘o me‘a ki he vinika. Pea ne nofo ‘i he tafa‘aki ‘o e kau tu‘usi: pea ne takai ha ‘ū koane tunu ma‘a e fefine, pea ne kai, ‘o ne fiu, kae toe pē.

¹⁵Pea ‘i he‘ene tu‘u hake ke tufi, na‘e tu‘utu‘uni ‘e Poasi ki he‘ene kau tama, ‘o pehē, Tuku ke ne tufi foki ‘i he fokotu‘unga ‘ū koane, ‘o ‘oua ‘e fakamaa‘i.

¹⁶‘Io, pea mou mātu‘aki fakamanimo mai ma‘ana mei he ngaahi ‘uuni koane, ‘o tuku ke ne ha‘u ‘o tufi, ‘o ‘oua ‘e faka‘itangi.

¹⁷Ko ia, na‘a ne fai ‘ene tufi ‘i he ngoue na, ‘o a‘u ki he efiafi; pea ne toki hahahaha ‘a e me‘a kuo ne tufi, pea na‘e fe‘unga nai mo ha efa pa‘ale.

¹⁸Pea ne fafa, ‘o ‘ave ki he kolo; pea hili ‘a e vakai ‘ene fa‘ē ki he me‘a, na‘a ne to‘o mai ‘ene toenga kai, ‘o ‘ange kiate ia.

¹⁹Pea pehē ‘e he‘ene fa‘ē kiate ia, Na‘a ke tufi ‘i fē he ‘aho ni? pea ke ngāue ki fē? ‘Ofa ke fai tāpuekina ‘a ia na‘a ne tokanga‘i koe! Pea ne fakahā ki he‘ene fa‘ē ‘a e toko taha kuo ne ngāue ai, ‘o ne pehē, Ko e hingoa ‘o e matāpule, ‘a ia na‘a ku ngāue ai he ‘aho ni, ko Poasi.

²⁰Pea pehē ‘e Neomai ki he‘ene ta‘ahine, ‘Ofa ke ne fai tāpuekina mei he ‘Eiki, ‘a ia kuo ‘ikai tūkua ‘ene fai ‘ofa ki he mo‘ui, pe ki he pekia! Pea pehē ‘e Neomai ki he fefine, Ko hota kāinga ofi ‘a e tangata, ko e taha ‘i hota koeli.

²¹Pea pehē ‘e Lute Moape, Kae‘uma‘ā foki na‘a ne pehē mai, Te ke taka ofi ki he‘eku kau tama ni, kae‘oua ke ‘osi‘osingamālie ‘enau tu‘usi hoku ta‘u.

²²Pea tali ‘e Neomai kia Lute, Ko hono lelei, nga‘ata, ke ke ‘alu atu mo ‘ene kau ta‘ahine, ‘o ‘ikai te nau lave‘i kiate koe ‘i ha vao kehe.

²³Ko ia, na‘a ne pīkitai ki he kau ta‘ahine ‘a Poasi ‘i he‘ene tufi, kae‘oua ke ‘osi ‘a e tutu‘u ‘o e ta‘u pa‘ale mo e ta‘u uite: ka ne nofo pē mo ‘ene fa‘ē.