Read KO E TOH TAPU KATOA TONGA KO 1 SĀMIUELA 11 Bible Online

KO 1 SĀMIUELA 11 - KO E TOH TAPU KATOA TONGA bible

KO 1 SĀMIUELA 11

¹PEA ‘alu hake ‘a Nā‘asi ko e ‘eiki ‘Āmoni, ‘o ne fokotu‘u tēniti ke tau‘i ‘a Siepesi-kiliati. Pea lea ‘a e kau tangata kotoa ‘o Siepesi kia Nā‘asi, ‘o pehē, Ta fai talite mu‘a, pea te mau nofo kiate koe.

²Pea tali ‘e Nā‘asi ko e ‘eiki ‘Āmoni, Ko e me‘a ni pē te u loto ai ke talite mo kimoutolu, ‘a e kape‘i homou mata to‘omata‘u kotoa pē; ka u fakamaa‘i ai ‘a ‘Isileli kātoa.

³Pea tali ki ai ‘e he mātu‘a Siopesi, Tuku hamau ‘aho fitu, ke ‘alu ‘emau fekau ki he ngaahi feitu‘u ‘o ‘Isileli: pea ka ‘ikai leva ha taha ke haofaki‘i kimautolu, pea te mau ‘alu atu kia koe.

⁴Pea a‘u ‘a e kau talafekau ki Kipea ‘o Saula, ‘o nau ongoongo ‘a e me‘a ki he kakai: pea ofa‘aki ‘e he kakai kotoa ‘enau fākafoa.

⁵Pea ‘iloange na‘e ha‘u ‘a Saula ‘oku ne fakateka ‘a e fanga pulu mei he vao; pea ne pehē, Ko e hā ‘a e kakai ‘oku nau tangi ai? Pea nau ‘a‘au kiate ia ‘a e lea ‘a e kau tangata Siepesi.

⁶Pea ‘ohofia ‘a Saula ‘e he Laumālie ‘o e ‘Otua ‘i he‘ene fanongo ki he lea ko ia, pea langa‘i ai hono fu‘u tuputāmaki.

⁷Pea ne to‘o ha taulua‘i pulu, ‘o ne tafa, ‘o ne tuku atu ki he kau talafekau ke ‘ave ki he ngaahi feitu‘u kotoa ‘o ‘Isileli, ‘o fanongonongo, ‘Ilonga ‘a ia ‘e ‘ikai tu‘u mai ‘o tali ‘a e angi ‘a Saula mo Sāmiuela, ‘e fai pehē ki he‘ene fanga pulu ‘a‘ana. Pea tō ‘a e ngeia ‘o Sihova ki he kakai, pea nau fakatefua mai ki ai.

⁸Pea ne lau kinautolu ‘i Pīseki; pea ko ha‘a ‘Isileli na‘e toko tolu kilu, pea toko tolu mano ‘a e kau tangata Siuta.

⁹Pea nau fakahā ki he kau talafekau na‘e ha‘u, Ko ‘eni ho‘omou lea ki he tangata Siepesi kiliati, Ho‘atā ‘apongipongi ‘e ai hamou tokoni. Pea omi ‘a e kau talafekau, ‘o tala ki he kau tangata Siepesi; pea nau fiefia.

¹⁰Ko ia, na‘e tali ‘e he kau tangata Siepesi, Te mau ‘alu atu kiate kimoutolu ‘apongipongi, ka mou fa‘iteliha kiate kimautolu.

¹¹Pea pongipongi hake, pea vahevahe ‘e Saula ‘a e kakai ko e vāhenga ‘e tolu; pea nau hū ki he loto ‘apitanga lototonga ‘a e uasi pongipongi, pea nau taa‘i ‘a ‘Āmoni ‘o a‘u ki he ho‘atā; pea na‘e faifai pea vetekina ‘a e toe, ‘o takitaha ma‘ana.

¹²Pea pehē ‘a e kakai kia Sāmiuela, Ko hai ia na‘e lau, ‘A Saula koā ke tu‘i kiate kitautolu? ‘Ē, ‘omi ‘a e kakai ko ia ka tau tāmate‘i.

¹³Ka ka pehē ‘e Saula, ‘E ‘ikai mate ha tangata he ‘aho ni: he ko e ‘aho e kuo fai ‘e Sihova ha fakamo‘ui mo‘o ‘Isileli.

¹⁴Pea pehē ‘e Sāmiuela ki he kakai, Ha‘u ke tau ō ki Kilikali, ‘o fokotu‘u fo‘ou ‘a e pule‘anga ‘i he potu ko ia.

¹⁵Pea ‘alu ‘a e kakai kotoa ki Kilikali; pea nau fakanofo ai ‘a Saula ke tu‘i ‘i he ‘ao ‘o Sihova ‘i Kilikali; pea nau feia ai ‘ani feilaulau-‘ofa ‘i he ‘ao ‘o Sihova; pea fu‘u fefiefia‘i lahi ai ‘a Saula mo e kau tangata ‘Isileli kātoa.