Read KO E TOH TAPU KATOA TONGA KO 1 SĀMIUELA 15 Bible Online

KO 1 SĀMIUELA 15 - KO E TOH TAPU KATOA TONGA bible

KO 1 SĀMIUELA 15

¹PEA pehē ‘e Sāmiuela kia Saula, Na‘e fekau au ‘e Sihova ke pani koe ke tu‘i ki hono kakai, ‘a ‘Isileli, pea ko eni, fanongo mai ki he le‘o ‘o e folofola ‘a Sihova.

²Ko e folofola eni ‘a Sihova Sāpaoti, Kuo u fakamanatu ‘a e me‘a na‘e fai ‘e ‘Amaleki ki ‘Isileli, ‘a ‘ene tu‘u ki ai ‘i he hala, ‘i he‘ene ‘alu hake mei ‘Isipite.

³Ko ia, ke ke ‘alu ‘o taa‘i ‘a ‘Amaleki, pea ke mōifua ‘a e me‘a kotoa ‘oku ne ma‘u, ‘o ‘oua te ke mamae ki ai; ka ke tāmate‘i ‘a e tangata mo e fefine, ‘a e tamaiki mo e fefine, ‘a e tamaiki mo e kei huhu, ‘a e pulu mo e sipi, ‘a e kāmeli mo e ‘asi.

⁴Pea fanongonongo ‘e Saula ke ha‘u ‘a e kakai, ‘o ne lau kinautolu ‘i Telaimi, ko e toko ua kilu ‘a e tau hā‘ele, pea taha mano ‘a e kau Siuta.

⁵Pea a‘u ‘a Saula ki he kolo ‘Amaleki, ‘o ne fakatoka ha malumu ‘i he talalo.

⁶Pea me‘a ‘a Saula ki ha‘a Keini, Mou ‘alu, hiki, ‘alu hifo mei he lotolotonga ‘o ha‘a ‘Amaleki, na‘a ku faka‘osi koe fakataha mo ia: ka na‘a ke fai ‘ofa ki ha‘a ‘Isileli kotoa ‘i he‘enau ‘alu hake mei ‘Isipite. Ko ia na‘e hiki ‘e ha‘a Keini mei he lotolotonga ‘o ha‘a ‘Amaleki.

⁷Pea taa‘i ‘e Saula ‘a ‘Amaleki, mei Havila ‘o fakapehē ki Sua, ‘a ia ‘oku ‘i he matāfonua ‘o ‘Isipite.

⁸Pea ne puke mo‘ui ‘a ‘Ēkaki ko e Tu‘i ‘Amaleki, ka ko hono kotoa ‘o e kakai na‘a ne mōifua ‘aki ‘a e mata ‘o e heletā.

⁹Ka na‘e ma‘ema‘ekina ‘e Saula mo e kakai ‘a ‘Ēkaki, pea mo e lelei ‘o e sipi mo e pulu, kae‘uma‘ā ‘a e ‘oloua, mo e fanga lami,[47] ‘io, ‘a ia kotoa pē na‘e lelei, ‘o ‘ikai te nau tāmate‘i mōifua kinautolu: ka ko e kotoa kotoa na‘e feifei‘avale mo tutue,[48] na‘a nau mōifua ia.

¹⁰Pea hoko mai ‘a e folofola ‘a e ‘Eiki kia Sāmiuela, ‘o pehē,

¹¹‘Oku ou fakatomala ‘i he‘eku fokotu‘u ‘a Saula ke tu‘i: he kuo ne tuku ‘ene muimui kiate au, pea kuo ‘ikai te ne fakaai ‘eku ngaahi lea. Pea na‘e ‘ita ‘a Sāmiuela; pea ne tangi kia Sihova ‘i he pō ko ia ‘o ‘aho.

¹²Pea tu‘u hengihengi hake ‘a Sāmiuela ke fakafetaulaki kia Saula; pea na‘e fakapā kia Sāmiuela, ‘o pehē, Na‘e ha‘u ‘a Saula ki Kāmeli, pea tā kuo ne fokotu‘u hano fakamanatu, pea kuo ne tafoki ‘o laka ange, ‘o ‘alu hifo ki Kilikali.

¹³Pea a‘u ‘a Sāmiuela kia Saula: pea me‘a ki ai ‘a Saula, ke monū‘ia koe meia Sihova: kuo u fakaai ‘a e folofola ‘a e ‘Eiki.

¹⁴Pea pehē ange ‘e Sāmiuela, Pea ko e hā ai ‘a e lea ‘a e fanga sipi ‘oku ongoonga‘a mai, mo e tangi ‘a e fanga pulu ‘oku ou fanongoa?

¹⁵Pea tali ‘e Saula, Kuo nau ‘omi mei ha‘a ‘Amaleki; he na‘e mamae‘i ‘e he kakai ‘a e lelei ‘o e monumanu koe‘uhiā ke feilaulau ‘aki kia Sihova ko ho ‘Otua; ka ko hono toe kuo mau mōifua.[49]

¹⁶Pea pehē ‘e Sāmiuela kia Saula, Tatali, ka u fakahā kiate koe ‘a e me‘a na‘e folofola‘aki mai ‘e Sihova ‘anepō.

¹⁷Pea ne tali, Lea pē. Pea pehē ‘e Sāmiuela, Lolotonga na‘a ke si‘i ‘i ho‘o vakai ‘a‘au, ‘ikai na‘a ke hoko ko e ‘ulu ‘o e ngaahi matakali ‘Isileli? Pea na‘e pani koe ‘e Sihova ke Tu‘i ‘Isileli,

¹⁸pea fekau atu koe ‘e Sihova hao fononga, ‘o ne folofola mai, ‘Alu, ‘o mōifua ‘a e kau angahala na ko e kau ‘Amaleki, ‘o tau‘i kinautolu kae‘oua ke nau ‘osi.

¹⁹Pea ko e hā na‘e ‘ikai te ke talangofua ai ki he folofola ‘a Sihova, ka kuo ke ‘oho ki he vete, ‘o ke fai ‘a e me‘a na‘e kovi kia Sihova?

²⁰Pea tali ‘a Saula kia Sāmiuela, ‘Ā, kuo u fai talangofua ki he folofola ‘a Sihova, pea kuo u fai ‘a e fononga kuo ne fekau ai au, pea kuo u ‘omi ‘a ‘Ēkaki, ‘a e Tu‘i ‘Āmoli, ka ko ‘Amaleki kuo u mōifua.

²¹Ka na‘e to‘o ‘e he kakai mei he vete ha sipi mo ha pulu, ‘a e lelei ‘o e me‘a na‘e mōifua, ke fai feilaulau ‘aki kia Sihova ko ho ‘Otua ‘i Kilikali.

²²Pea pehē ‘e Sāmiuela, He ‘oku manako ‘e Sihova ki he ngaahi feilaulaumōifua mo e ngaahi feilaulau kehe ‘i he fai talangofua ki he‘ene folofola? Ko eni, ‘oku lelei ‘a e talangofua ‘i he fai feilaulau, pea ko e fakaongo ‘i he ngako‘i sipi tangata.

²³He ko e angahala fakafiemana ‘a e angatu‘u, pea ko e talangata‘a ko e fakahīteni tofu pē mo e tauhi ‘aitoli. Na‘a ke li‘aki ‘a e folofola ‘a Sihova, pea kuo ne li‘aki koe mei ho‘o tu‘i.

²⁴Pea pehē ‘e Saula kia Sāmiuela, Kuo u hia; he kuo u hiki mei he fekau tonu ‘a Sihova, mo ho‘o ngaahi lea foki: he na‘a ku manavahē ki he kakai, ‘o u fakaongo ki honau le‘o.

²⁵Ka ko eni, fakamolemole mu‘a ‘eku angahala, pea foki mo au kau fai ‘eku lotu kia Sihova.

²⁶Pea pehē ‘e Sāmiuela kia Saula, ‘E ‘ikai te u foki mo koe; he kuo ke li‘aki ‘a e folofola ‘a Sihova, pea kuo li‘aki koe ‘e Sihova mei ho‘o Tu‘i ‘Isileli.

²⁷Pea ‘i he tafoki ‘a Sāmiuela ke ‘alu, na‘a ne puke ki he kapa ‘o hono kofu tōtōlofa, pea ne mahae.

²⁸Pea pehē ‘e Sāmiuela kiate ia, Kuo hae ‘e Sihova ‘a e pule‘anga ‘o ‘Isileli meiate koe he ‘aho ni, pea kuo ne foaki ki hao kaungā‘api, ha taha ‘oku lelei hake ‘iate koe.

²⁹Kae‘uma‘ā foki ko e Mālohinga ‘o ‘Isileli ‘e ‘ikai loi, pea ‘e ‘ikai fakatomala: he ‘oku ‘ikai ko e tangata ia ke ne fakatomala.

³⁰Pea ne pehē, Kuo u hia; ka ‘oku ou kole ke ke fakalāngilangi‘i au ‘i he ‘ao ‘o e mātu‘a ‘o hoku kakai, pea ‘i he ‘ao ‘o ‘Isileli, pea tafoki mo au ke fai ‘a e lotu kia Sihova ko ho ‘Otua.

³¹Ko ia na‘e foki ‘a Sāmiuela ‘o muimui kia Saula; pea fai ‘e Saula ‘ene lotu kia Sihova.

³²Pea toki pehē ‘e Sāmiuela, ‘Omi kiate au ‘a ‘Ēkaki koe Tu‘i ‘Amaleki. Pea hā‘ele fiemālie mai ‘a ‘Ēkaki. He ne pehē ‘e ‘Ēkaki, Kuo pau kuo mahili ‘a e kona ‘o e mate.[50]

³³Pea pehē ‘e Sāmiuela, Hangē kuo faka-ta‘e-ha-fānau ‘e ho‘o heletā ‘ani fafine, pehē ‘e nofo ta‘eha fānau ‘e ho‘o fa‘ē ‘i he lotolotonga ‘o e kau fefine. Pea na‘e have‘i ‘e Sāmiuela ‘a ‘Ēkaki ‘i he ‘ao ‘o e ‘eiki ‘i Kilikali.

³⁴Pea ‘alu ‘a Sāmiuela ki Lama; pea ‘alu hake ‘a Saula ki hono fale ki Kipea-Saula.

³⁵Pea na‘e ‘ikai toe ‘a‘ahi ‘a Sāmiuela kia Saula, ‘o a‘u ki he ‘aho ‘o ‘ene pekia; ka ka fakamamahi ‘a Sāmiuela koe‘uhi ko Saula: pea fakatomala ‘e he ‘Eiki ‘i he‘ene fakanofo ‘a Saula ke Tu‘i ‘Isileli,