Read Кыргыз тилиндеги Библия, 2004 Башталыш 36 Bible Online

Башталыш 36 - Кыргыз тилиндеги Библия, 2004 bible

Башталыш 36

¹Эйсаптын, башкача айтканда, Эдомдун санжырасы мындай:

²Эйсап Канаан кыздарынан аял алды. Ал хеттик Эйлон кызы Аданы, хибилик Сибон уулу Ананын кызы Олибаманы жана

³Ысмайыл кызы, Ныбайоттун карындашы Басыматты алды.

⁴Ада Эйсапка Элипазды төрөп берди. Басымат Ребуелди төрөдү.

⁵Олибама Жейушту, Жаломду жана Коракты төрөдү. Эйсаптын бул уулдары Канаан жеринде төрөлүштү.

⁶Эйсап аялдарын, уулдарын, кыздарын, үйүндөгү бардык адамдарын, үйүр-үйүр малын, Канаан жеринде тапкан бардык мал-мүлкүн алып, бир тууганы Жакыптан бөлүнүп, башка жерге кетти.

⁷Анткени алардын мал-мүлкү аябай көп болгондуктан, бирге жашай албай калышкан эле. Малынын көптүгүнөн аларга жашаган жери тардык кылды.

⁸Эйсап Сеир тоосуна жайланышты. Эйсап – бул Эдом.

⁹Сеир тоосундагы эдомдуктардын атасы Эйсаптын санжырасы мындай:

¹⁰Эйсаптын уулдарынын аттары: Эйсаптын аялы Аданын уулу Элипаз жана Эйсаптын аялы Басыматтын уулу Ребуел.

¹¹Элипаздын уулдары: Тейман, Омар, Сепо, Гатам жана Кеназ.

¹²Тимна Эйсаптын уулу Элипаздын күңү болгон. Ал Элипазга Амалыкты төрөп берген. Эйсаптын аялы Аданын уулдары ушулар.

¹³Ребуелдин уулдары: Нахат менен Зерах, Шама менен Миза. Булар – Эйсаптын аялы Басыматтын уулдары.

¹⁴Эйсаптын аялы, Сибондун уулу Ананын кызы Олибама Эйсапка Жейушту, Жаломду жана Коракты төрөп берген.

¹⁵Мына булар Эйсаптын уулдарынын башчылары: Эйсаптын тун уулу Элипаздын уулдары: Тейман башчы, Омар башчы, Сепо башчы, Кеназ башчы.

¹⁶Корак башчы, Гатам башчы, Амалык башчы. Булар – Эдом жериндеги Элипаздын башчы уулдары. Булар – Аданын уулдары.

¹⁷Эйсаптын уулу Ребуелдин уулдары булар: Нахат башчы, Зерах башчы, Шама башчы, Миза башчы. Булар – Эдом жериндеги Ребуелдин башчы уулдары. Булар – Эйсаптын аялы Басыматтын уулдары.

¹⁸Эйсаптын аялы Олибаманын уулдары булар: Жейуш башчы, Жалом башчы, Корак башчы. Булар – Эйсаптын аялы, Ананын кызы Олибаманын башчы уулдары.

¹⁹Булар – Эйсаптын уулдары жана алардын башчылары. Бул – Эдом өзү.

²⁰Бул жерде жашаган хорилик Сеирдин уулдары булар: Лотан, Шобал, Сибон, Ана,

²¹Дишан, Эйсер жана Дишон. Булар – Эдом жериндеги Сеирдин уулдары хориликтердин башчылары.

²²Лотандын уулдары Хори менен Эймам болгон. Ал эми Лотандын карындашы – Тимна.

²³Шобалдын уулдары булар: Албан, Манахат, Эйбал, Шепо жана Онам.

²⁴Сибондун уулдары булар: Айа менен Ана. Атасы Сибондун эшектерин кайтарып жүрүп, чөлдөгү жылуу сууну тапкан Ана ушул.

²⁵Ананын балдары булар: Дишон жана Ананын кызы Олибама.

²⁶Дишондун уулдары булар: Хемдан, Эшпан, Итран жана Керан.

²⁷Эйсердин уулдары булар: Билан, Заабан жана Акан.

²⁸Дишандын уулдары булар: Ус жана Аран.

²⁹Хориликтердин башчылары булар: Лотан башчы, Шобал башчы, Сибон башчы, Ана башчы,

³⁰Дишон башчы, Эйсер башчы, Дишан башчы. Ушулар – Сеир жериндеги хориликтердин башчылары.

³¹Ысрайыл уулдарынын падышачылык кылуусунан мурда Эдом жеринде падышачылык кылган падышалар булар:

³²Эдомдо Бейордун уулу Бела падышачылык кылган. Анын шаарынын аты – Динаба.

³³Бела өлгөндөн кийин, анын ордуна ботсралык Зерахтын уулу Жобап падыша болду.

³⁴Жобап өлүп, анын ордуна теймандыктардын жеринен Хушам падыша болду.

³⁵Хушам да өлүп, анын ордуна Маап талаасында мидиандыктарды жеңген Быдаттын уулу Адат падыша болду. Анын шаарынын аты – Абыт.

³⁶Адат да өлүп, анын ордуна Масрейкадан чыккан Самла падыша болду.

³⁷Самла да өлүп, анын ордуна дарыя жээгиндеги Рехоботтон чыккан Шабул падыша болду.

³⁸Шабул да өлүп, анын ордуна Акбардын уулу Баал-Канан падыша болду.

³⁹Акбардын уулу Баал-Канан да өлүп, анын ордуна Хадар падыша болду. Анын шаарынын аты – Пабу. Аялынын аты – Мейтабел, ал – Мей-Зааптын уулу Матрейданын кызы.

⁴⁰Уруулары боюнча, жерлери боюнча, аттары боюнча Эйсаптын башчы уулдарынын аттары булар: Тимна башчы, Алба башчы, Жетейт башчы,

⁴¹Олибама башчы, Эйла башчы, Пинон башчы,

⁴²Кеназ башчы, Тейман башчы, Мипсар башчы,

⁴³Магдиел башчы, Ирам башчы. Булар – Эдом башчылары, өздөрү ээлик кылган жердеги айыл-кыштактардын башчылары. Эдомдуктардын атасы – Эйсап.