Read Кыргыз тилиндеги Библия, 2004 1 Жылнаама 24 Bible Online

1 Жылнаама 24 - Кыргыз тилиндеги Библия, 2004 bible

1 Жылнаама 24

¹Арундун уулдары мындай бөлүндү: Арундун уулдары: Надап, Абыйут, Элазар жана Итамар.

²Надап менен Абыйут атасынан мурун каза болушту, алардын уулдары болгон эмес. Ошондуктан Элазар менен Итамар ыйык кызмат кылышты.

³Дөөт аларды кызматка бөлүштүрдү – Элазардын уулдарынан Садокту, Итамардын уулдарынан Акимелекти кызматы боюнча бөлдү.

⁴Итамардын уулдарына караганда Элазардын уулдарынын башчылары көбүрөөк болуп чыкты. Ошондуктан ал буларды мындай бөлдү: Элазар уулдарынан он алты уруу башчы, Итамар уулдарынан сегиз уруу башчы.

⁵Аларды өкчөмө таш ыргытып бөлдү, анткени Элазардын уулдарынан да, Итамардын уулдарынан да ыйык жайда жана Кудайдын алдында башчы болуп турушту.

⁶Аларды лебилерден катчы болгон Натанаелдин уулу Шемая падыша менен төрөлөрдүн алдында, ыйык кызмат кылуучу Садоктун алдында жана Абыйатардын уулу Акимелектин алдында, лебилер менен ыйык кызмат кылуучулар тукумунун башчыларынын алдында тизмеге жазды. Өкчөмө таш ыргытканда, Элазар уруусунан бир үй-бүлөнү, Итамар уруусунан бир үй-бүлөнү алышты.

⁷Биринчи өкчөмө таш Жейойарипке, экинчи таш Жедаяга түштү.

⁸Yчүнчүсү Харимге, төртүнчүсү Сейоримге,

⁹бешинчиси Малкияга, алтынчысы Мияминге,

¹⁰жетинчиси Акоско, сегизинчиси Абияга,

¹¹тогузунчусу Жейшуяга, онунчусу Шеханияга,

¹²он биринчиси Элийашипке, он экинчиси Жакимге,

¹³он үчүнчүсү Хупага, он төртүнчүсү Жешебапка,

¹⁴он бешинчиси Билгага, он алтынчысы Имерге,

¹⁵он жетинчиси Хейзирге, он сегизинчиси Апитсеске,

¹⁶он тогузунчусу Петахияга, жыйырманчысы Хискияга,

¹⁷жыйырма биринчиси Жахинге, жыйырма экинчиси Гамулга,

¹⁸жыйырма үчүнчүсү Делаяга, жыйырма төртүнчүсү Мазияга түштү.

¹⁹Ысрайылдын Кудай-Теңиринин алардын атасы Арунга берген буйругу боюнча алардын Теңирдин үйүнө келип кызмат кылуу кезеги ушундай.

²⁰Лебинин башка уулдарынын бөлүнүшү: Амрам уулдарынан: Шубаел. Шубаел уулдарынан: Жехдея.

²¹Рехабиядан: Жишия. Ал Рехабиянын тун уулу болчу.

²²Житсардан: Шеломот. Шеломот уулдарынан: Жахат.

²³Хеброндун уулдарынан: биринчи Жерия, экинчи Амария, үчүнчү Жахазиел, төртүнчү Жекамам.

²⁴Узиелдин уулдарынан: Миха. Миханын уулдарынан: Шамир.

²⁵Миханын бир тууганы Жишия. Жишиянын уулдарынан: Захария.

²⁶Мераринин уулдары: Махли менен Муши. Жаазиянын уулдарынан: Бено.

²⁷Мераринин уулдарынын ичинен Жаазиядан: Бено менен Шоям, Закур жана Ибри.

²⁸Махлиден Элазар, Элазардын уулдары болгон эмес.

²⁹Киш тукумунан, Киштин уулдарынан: Жерахмейел.

³⁰Мушинин уулдары: Махли, Эйдер жана Жеримот. Уруулары боюнча лебилердин уулдары ушулар.

³¹Алар да өз бир тууганы Арундун уулдары менен кошо Дөөт падышанын, Садоктун, Акимелектин жана ыйык кызмат кылуучулар менен леби урууларынын башчыларынын алдында өкчөмө таш ыргытышты. Уруу башчылары кенже бир туугандары менен бирдей укукта болду.