Read Кыргыз тилиндеги Библия, 2004 1 Жылнаама 7 Bible Online

1 Жылнаама 7 - Кыргыз тилиндеги Библия, 2004 bible

1 Жылнаама 7

¹Исахардын уулдары: Пуя, Тола, Жашуп жана Шимрон – төртөө.

²Толанын уулдары: Узи, Репая, Жериел, Жахмай, Жипсам жана Шемуел. Алар Толанын уруу башчылары болушкан. Алардын урууларындагы адамдар жоокерлер эле. Алардын саны Дөөттүн убагында жыйырма эки миң алты жүзгө жеткен.

³Узинин уулу – Жизрахия. Ал эми Жизрахиянын уулдары: Михаел, Обадия, Жоел жана Жишия – бешөө. Булардын бардыгы башчылар болгон.

⁴Алардын урууларында согушка даяр турган отуз алты миң жоокери болгон. Анткени алар көп аял алгандыктан, уулдары көп болгон.

⁵Алардын бир туугандары болгон Исахардын урууларындагы жоокер адамдардын санжырага киргендеринин саны сексен жети миң.

⁶Бенжеминдин уулдары: Бела, Бехер жана Жедийаел – үчөө.

⁷Беланын уулдары: Эспон, Узи, Узиел, Жеримот жана Ири – бешөө. Уруу башчылары жоокер адамдар болгон. Алардын санжырага киргендеринин саны жыйырма эки миң отуз төрт.

⁸Бехердин уулдары: Земира, Жааш, Элиезер, Элийойнай, Омри, Жереймот, Абия, Анатот жана Алемет. Булардын баары – Бехердин уулдары.

⁹Санжырасында алардын уруулары боюнча, урууларга башчылык кылган жоокер адамдары жыйырма миң эки жүз болуп катталган.

¹⁰Жедийаелдин уулу – Билан. Биландын уулдары: Жейуш, Бенжемин, Эйут, Кенаана, Зейтан, Таршыш жана Акишакар.

¹¹Жедийаелдин ушул уулдары уруулардын башында турган жоокер адамдар болгон. Согушка чыга тургандары он жети миң эки жүз эле.

¹²Шупим жана Хупим – Ирдин уулдары. Хушим – Ахейирдин уулу.

¹³Напталынын уулдары: Жахсиел, Гуни, Жетсер жана Шалум. Булар – Биладан төрөлгөн уулдары.

¹⁴Менашенин уулдары: Асриел жана Гилаттын атасы Махир. Буларды рамдык күң аялы төрөгөн.

¹⁵Махир Хупим менен Шупимдин карындашына үйлөнгөн, алардын карындашынын ысымы – Мааха. Дагы башка уулунун ысымы – Салапат. Салапаттын кыздары гана болгон.

¹⁶Махирдин аялы Мааха уул төрөп, ысымын Переш койду, анын бир тууганынын ысымы – Шереш. Анын уулдары: Улам менен Рекем.

¹⁷Уламдын уулу – Бедан. Булар – Гилаттын уулдары. Гилат – Махирдин уулу, Махир – Менашенин уулу.

¹⁸Анын карындашы Амолехет Ишоданы, Абиезерди жана Махланы төрөгөн.

¹⁹Шемиттин уулдары: Ахийан, Шехем, Лики жана Аниям.

²⁰Эпрайымдын уулдары: Шуталах, Беред, Тахат, Элат, Тахат, Забат,

²¹Шутелах, Эзер жана Элат. Эпрайымдын уулдарын Гаттын тургундары өлтүрүп салышкан, анткени алар гаттыктардын малын тартып алганы барышкан.

²²Алардын атасы Эпрайым уулдарын жоктоп, көп күн аза күттү. Бир туугандары аны соороткону келишти.

²³Анан ал өз аялына жакындады. Анын боюна бүтүп, уул төрөдү. Атасы баланын ысымын Берия койду, анткени анын үйүнө мүшкүл түшкөн эле.

²⁴Анын Шейера деген кызы болгон. Ал кыз төмөнкү жана жогорку Бейт-Корон менен Узейин-Шейераны курду.

²⁵Эпрайымдын уулу – Репай, Репайдын уулу – Решеп, Решептин уулу – Телах, Телахтын уулу – Тахан,

²⁶Тахандын уулу – Ладан, Ладандын уулу – Амийут, Амийуттун уулу – Элишама,

²⁷Элишаманын уулу – Нун, Нундун уулу – Жашыя.

²⁸Алар ээлеген, алар турган жерлер: Бейтел жана анын карамагындагы шаарлар; чыгыш жактагы Нааран, батыш жактагы Гезер жана анын карамагындагы шаарлар; Шекем жана анын карамагындагы шаарлар, Аза жана анын карамагындагы шаарлар.

²⁹Ал эми Менашенин уулдары Бейт-Шейанды жана анын карамагындагы шаарларды, Таанахты жана анын карамагындагы шаарларды, Мегидону жана анын карамагындагы шаарларды, Дорду жана анын карамагындагы шаарларды ээлешкен. Ал шаарларда Ысрайыл уулу Жусуптун уулдары жашап турушкан.

³⁰Ашырдын уулдары: Имна, Жишпа, Жишпи менен Берия, булардын карындашы Серак болгон.

³¹Бериянын уулдары: Хебер менен Малкиел. Малкиел – Бирзайиттин атасы.

³²Хеберден Жаплет, Шомер, Хотам жана алардын карындашы Шуя төрөлдү.

³³Жаплеттин уулдары: Пасах, Бимал жана Ашбат. Булар – Жаплеттин уулдары.

³⁴Шемердин уулдары: Аки, Рага, Хуба жана Рам.

³⁵Анын бир тууганы Эйлемдин уулдары: Сопах, Имна, Шейлеш жана Амал.

³⁶Сопахтын уулдары: Субах, Харнепер, Шубал, Бейри, Жимра,

³⁷Бетсер, От, Шама, Шилша, Житран жана Бейра.

³⁸Жетердин уулдары: Жепун, Писпа жана Ара.

³⁹Уланын уулдары: Арах, Ханиел жана Ритсия.

⁴⁰Булардын баары – Ашырдын уулдары, уруу башчылары, тандалган жоокер адамдары, башкы жетекчилери. Алардын санжырасына кирген, согушка даяр жоокерлердин саны жыйырма алты миң.