Read Кыргыз тилиндеги Библия, 2004 Эзра 2 Bible Online

Эзра 2 - Кыргыз тилиндеги Библия, 2004 bible

Эзра 2

¹Бабыл падышасы Небухаданасар Бабылга туткундап кеткен туткундардын ичинен Иерусалимге жана Жүйүт аймагына, өз жерине кайтып келген бул өлкөнүн уулдары булар:

²Зоробабыл менен, Жешуя менен, Некемия менен, Серая менен, Рейлай менен, Мордохай менен, Билшан менен, Миспар менен, Бикбай менен, Рехум менен, Баан менен келген Ысрайыл элинин саны:

³Парош уулдары эки миң бир жүз жетимиш эки;

⁴Шепатия уулдары үч жүз жетимиш эки;

⁵Арах уулдары жети жүз жетимиш беш;

⁶Жашыя менен Жойап уулдарынан Пахат-Мааптын уулдары эки миң сегиз жүз он эки;

⁷Эйламдын уулдары бир миң эки жүз элүү төрт;

⁸Затунун уулдары тогуз жүз кырк беш;

⁹Закайдын уулдары жети жүз алтымыш;

¹⁰Банинин уулдары алты жүз кырк эки;

¹¹Бейбайдын уулдары алты жүз жыйырма үч;

¹²Азгаттын уулдары бир миң эки жүз жыйырма эки;

¹³Адонукамдын уулдары алты жүз алтымыш алты;

¹⁴Бикбайдын уулдары эки миң элүү алты;

¹⁵Адындын уулдары төрт жүз элүү төрт;

¹⁶Жехискиянын үй-бүлөсүнөн Атейирдин уулдары токсон сегиз;

¹⁷Бейтсайдын уулдары үч жүз жыйырма үч;

¹⁸Жоранын уулдары бир жүз он эки;

¹⁹Хашумдун уулдары эки жүз жыйырма үч;

²⁰Гибардын уулдары токсон беш;

²¹Бейт-Лехемде туулгандар бир жүз жыйырма үч;

²²Нетопада жашагандар элүү алты;

²³Анатотто жашагандар бир жүз жыйырма сегиз;

²⁴Азмабетте туулгандар кырк эки;

²⁵Кирийат-Жейаримде, Кепирада жана Бейротто туулгандар жети жүз кырк үч;

²⁶Рамада жана Гебада туулгандар алты жүз жыйырма бир;

²⁷Мукмаста жашагандар бир жүз жыйырма эки;

²⁸Бейтелде жана Айда жашагандар эки жүз жыйырма үч;

²⁹Небодо туулгандар элүү эки;

³⁰Магбиште туулгандар бир жүз элүү алты;

³¹Башка Эйламдын уулдары бир миң эки жүз элүү төрт;

³²Харимдин уулдары үч жүз жыйырма;

³³Лоддо, Хадитте жана Онодо туулгандар жети жүз жыйырма беш;

³⁴Жериходо туулгандар үч жүз кырк беш;

³⁵Сенаада туулгандар үч миң алты жүз отуз.

³⁶Ыйык кызмат кылуучулар: Жешуянын үй-бүлөсүнөн Жедая уулдары тогуз жүз жетимиш үч;

³⁷Имердин уулдары бир миң элүү эки;

³⁸Пашкурдун уулдары бир миң эки жүз кырк жети;

³⁹Харимдин уулдары бир миң он жети.

⁴⁰Лебилер: Одабия уулдарынан Жешуя менен Кадмиелдин уулдары жетимиш төрт;

⁴¹Ырчылар: Асаптын уулдары бир жүз жыйырма сегиз;

⁴²Дарбазачылардын уулдары: Шалумдун уулдары, Атейирдин уулдары, Талмондун уулдары, Акуптун уулдары, Хатитанын уулдары, Шобайдын уулдары, бардыгы болуп бир жүз отуз тогуз.

⁴³Нетиндер: Зиханын уулдары, Хасупанын уулдары, Табаотанын уулдары.

⁴⁴Кейростун уулдары, Сиянын уулдары, Падондун уулдары,

⁴⁵Лебандын уулдары, Хагаптын уулдары, Акуптун уулдары,

⁴⁶Хагаптын уулдары, Самлайдын уулдары, Ханандын уулдары,

⁴⁷Гиделдин уулдары, Гахардын уулдары, Рейайдын уулдары,

⁴⁸Ретсиндин уулдары, Некоданын уулдары, Газамдын уулдары,

⁴⁹Узанын уулдары, Пасейахтын уулдары, Бейсайдын уулдары,

⁵⁰Аснанын уулдары, Мейунимдин уулдары, Непусимдин уулдары,

⁵¹Бакбуктун уулдары, Хакупанын уулдары, Хархурдун уулдары,

⁵²Батсулуттун уулдары, Мехиданын уулдары, Харшанын уулдары,

⁵³Баркостун уулдары, Сисранын уулдары, Тамахтын уулдары,

⁵⁴Нетсиахтын уулдары, Хатипанын уулдары.

⁵⁵Сулаймандын кулдарынын уулдары: Сотайдын уулдары, Сопереттин уулдары, Перуданын уулдары,

⁵⁶Жааланын уулдары, Даркондун уулдары, Гиделдин уулдары,

⁵⁷Шепатиянын уулдары, Хатилдин уулдары, Похерет-Себайымдын уулдары, Аминин уулдары,

⁵⁸бардыгы болуп нетиндер менен Сулаймандын кулдары үч жүз токсон эки.

⁵⁹Ысрайылданбы, кайсы уруудан экенин көрсөтө албаган Тейил-Мелахтан, Тейил-Харшадан, Керуп, Адан, Имейерден чыккандар мына булар:

⁶⁰Делаянын уулдары, Тобиянын уулдары, Некоданын уулдары алты жүз элүү эки адам.

⁶¹Ыйык кызмат кылуучулардын уулдарынан: Хабаянын уулдары, Акостун уулдары жана гилаттык Барзелайдын кызына үйлөнүп, ошолордун аты менен аталып калган Барзелайдын уулдары.

⁶²Алар өздөрүнүн санжырасын издешкен, бирок ал табылган жок. Ошондуктан алар ыйык кызматтан чыгарылган.

⁶³Тиршапа аларга урим менен тумим аркылуу Кудайдын эркин сураган ыйык кызмат кылуучу чыкмайынча, ыйык тамактан жебеш керектигин айтты.

⁶⁴Бардык жамаат биригип кырк эки миң үч жүз алтымыш адам болду.

⁶⁵Алардын жети миң үч жүз отуз жети кулу менен күңүнөн тышкары, дагы эки жүз ырчы кыз-жигити болгон.

⁶⁶Алардын жети жүз отуз алты аты, эки жүз кырк беш качыры,

⁶⁷төрт жүз отуз беш төөсү, алты миң жети жүз жыйырма эшеги болгон.

⁶⁸Иерусалимдеги Теңирдин үйүнө келген уруу башчылардын кээ бирөөлөрү Теңир үйүн өзүнүн мурунку турган жерине кайра тургузуш үчүн, өз каалоосу менен курмандык кылышты.

⁶⁹Байлыктарына жараша, алар курулуш иштери үчүн, анын казынасына алтымыш бир миң драхма алтын, беш миң мина күмүш жана ыйык кызмат кылуучулар кие турган жүз кийим беришти.

⁷⁰Ошентип, ыйык кызмат кылуучулар да, лебилер да, эл да, ырчылар да, дарбазачылар да, нетиндер да өз шаарларында жашап калышты, ошондой эле бүт ысрайылдыктар да өз шаарларында жашап калышты.