Read Кыргыз тилиндеги Библия, 2004 Некемия 7 Bible Online

Некемия 7 - Кыргыз тилиндеги Библия, 2004 bible

Некемия 7

¹Дубал курулуп, эшиктери салынып, кызмат кыла турган дарбазачылар, ырчылар жана лебилер өз кызматтарына коюлуп бүткөн соң,

²мен бир тууганым Хананиге жана Иерусалим чебинин башчысы Хананияга буйрук бердим. Анткени ал башкаларга караганда Кудайдан корккон, ишенимдүү адам эле.

³Анан мен аларга мындай дедим: «Дарбазачылар күн жылыганча Иерусалим дарбазаларын ачышпасын, эшиктерди күн бата электе жаап, бекитип салышсын». Ошентип, Иерусалим тургундарын күзөткө койдум, ар бирин өз ордунда, өз үйүнүн маңдайында сакчы кылып койдум.

⁴Бирок шаар кенен, чоң эле, анда жашаган эл болсо аз болчу, жаңы үйлөр курулуп бүтө элек эле.

⁵Элди каттоодон өткөрүш үчүн, атактуулар менен эл башчыларын чогултууну Кудайым жүрөгүмө салды. Бул жакка биринчи келгендердин санжырасын таап алдым, анда мындай деп жазылган экен:

⁶Бабыл падышасы Небухаданасар туткундап кеткен туткундардын ичинен Иерусалимге, Жүйүт аймагына, ар бири өз шаарына келген тургундар булар:

⁷Зоробабыл, Жешуя, Некемия, Азария, Раамия, Нахмани, Мордохай, Билшан, Мисперет, Бикбай, Нехум, Баана жана алар менен кошо келгендер. Ысрайыл элинин саны:

⁸Пароштун уулдары эки миң бир жүз жетимиш эки.

⁹Шепатиянын уулдары үч жүз жетимиш эки.

¹⁰Арахтын уулдары алты жүз элүү эки.

¹¹Жашыя менен Жойаптын уулдарынан Пахат-Мааптын уулдары эки миң сегиз жүз он сегиз.

¹²Эйламдын уулдары бир миң эки жүз элүү төрт.

¹³Затунун уулдары сегиз жүз кырк беш.

¹⁴Закайдын уулдары жети жүз алтымыш.

¹⁵Бинуйдун уулдары алты жүз кырк сегиз.

¹⁶Бейбайдын уулдары алты жүз жыйырма сегиз.

¹⁷Азгаттын уулдары эки миң үч жүз жыйырма эки.

¹⁸Адонукамдын уулдары алты жүз алтымыш жети.

¹⁹Бикбайдын уулдары эки миң алты жүз жети.

²⁰Адиндин уулдары алты жүз элүү беш.

²¹Хиския тукумунан Атейирдин уулдары токсон сегиз.

²²Хашумдун уулдары үч жүз жыйырма сегиз.

²³Бейтсайдын уулдары үч жүз жыйырма төрт.

²⁴Хариптин уулдары жүз он эки.

²⁵Гибондо туулгандар токсон беш.

²⁶Бейт-Лехем менен Нетопанын тургундары жүз сексен сегиз.

²⁷Анатоттун тургундары жүз жыйырма сегиз.

²⁸Бейт-Азмабеттин тургундары кырк эки.

²⁹Кирийат-Жейаримдин, Кепиранын жана Бейроттун тургундары жети жүз кырк үч.

³⁰Рама менен Гебанын тургундары алты жүз жыйырма бир.

³¹Мукмастын тургундары жүз жыйырма эки.

³²Бейтел менен Айдын тургундары жүз жыйырма үч.

³³Башка Небонун тургундары элүү эки.

³⁴Башка Эйламдын уулдары бир миң эки жүз элүү төрт.

³⁵Харимдин уулдары үч жүз жыйырма.

³⁶Жериходо туулгандар үч жүз кырк беш.

³⁷Лоддо, Хадитте жана Онодо туулгандар жети жүз жыйырма бир.

³⁸Сенаада туулгандар үч миң тогуз жүз отуз.

³⁹Ыйык кызмат кылуучулар: Жешуянын тукумунан Жедаянын уулдары тогуз жүз жетимиш үч.

⁴⁰Имердин уулдары бир миң элүү эки.

⁴¹Пашкурдун уулдары бир миң эки жүз кырк жети.

⁴²Харимдин уулдары бир миң он жети.

⁴³Лебилер: Кадмиел тукумунан Жешуянын уулдары, Адея тукумунан жетимиш төрт.

⁴⁴Ырчылар: Асаптын уулдары жүз кырк сегиз.

⁴⁵Дарбазачылар: Шалумдун уулдары, Атейирдин уулдары, Талмондун уулдары, Акуптун уулдары, Хатитанын уулдары, Шобайдын уулдары жүз отуз сегиз.

⁴⁶Нетиндер: Зиханын, Хасупанын, Табаотанын,

⁴⁷Кейростун, Сиянын, Падондун,

⁴⁸Лебандын, Хагаптын, Салмайдын,

⁴⁹Ханандын, Гиделдин, Гахардын,

⁵⁰Рейайдын, Ретсиндин, Некоданын,

⁵¹Газамдын, Узанын, Пасейахтын,

⁵²Бейсайдын, Мейунимдин, Непишсимдин,

⁵³Бакбуктун, Хакупанын, Хархурдун,

⁵⁴Батсилиттин, Мехиданын, Харшанын,

⁵⁵Баркостун, Сисранын, Тамахтын,

⁵⁶Нетсиахтын, Хатипанын уулдары.

⁵⁷Сулаймандын кулдарынын уулдары: Сотайдын, Сопереттин, Периданын,

⁵⁸Жааланын, Даркондун, Гиделдин,

⁵⁹Шепатиянын, Хатилдин, Похерет-Атсебайымдын, Амондун уулдары.

⁶⁰Бардык нетиндер менен Сулаймандын кулдарынын уулдары үч жүз токсон эки.

⁶¹Тейил-Мелахтан, Тейил-Харшадан, Керуп-Адондон жана Имерден чыккандар ушулар. Бирок алар өз тукумдарынын, өз урууларынын Ысрайылдан чыкканын көрсөтүп бере алышкан жок.

⁶²Делаянын, Тобиянын, Некоданын уулдары алты жүз кырк эки.

⁶³Ыйык кызмат кылуучулардан: Хабаянын уулдары, Акостун уулдары, Барзелайдын уулдары бар. Ал гилаттык Барзелайдын кызын алып, ошонун аты менен аталып калган.

⁶⁴Булар өз санжырасынын тизмесин таба алышпай, ыйык кызмат кылуучулардын тизмесинен чийилип калышкан.

⁶⁵Тиршапа аларга: «Урим менен тумим аркылуу Кудайдан сураган ыйык кызмат кылуучу чыкмайынча, ыйык тамактан жебегиле», – деди.

⁶⁶Бардык жамаат биригип, кырк эки миң үч жүз алтымыш адам болду.

⁶⁷Булар – жети миң үч жүз отуз жети кулдары менен күңдөрүнөн тышкары санакка киргендер. Алардын дагы эки жүз кырк беш ырчы кыз-жигиттери бар эле.

⁶⁸Булардын жети жүз отуз алты жылкысы, эки жүз кырк беш куланы,

⁶⁹төрт жүз отуз беш төөсү, алты миң жети жүз жыйырма эшеги болгон.

⁷⁰Кээ бир уруу башчылар ишти жүргүзүш үчүн каражат беришти. Тиршапа казынага миң алтын драхма, элүү чөйчөк, ыйык кызмат кылуучулар үчүн беш жүз отуз кийим берди.

⁷¹Кээ бир уруу башчылар жумуштарды жүргүзүш үчүн, казынага жыйырма миң алтын драхма, эки миң эки жүз мина күмүш беришти.

⁷²Калган эл жыйырма миң алтын драхма, эки миң мина күмүш, ыйык кызмат кылуучулар үчүн алтымыш жети кийим беришти.

⁷³Ошентип, ыйык кызмат кылуучулар да, лебилер да, дарбазачылар да, ырчылар да, нетиндер да, жалпы эл да, бүткүл Ысрайыл эли да өз шаарларында жашап калышты.