Read Кыргыз тилиндеги Библия, 2004 Аюб 35 Bible Online

Аюб 35 - Кыргыз тилиндеги Библия, 2004 bible

Аюб 35

¹Элийу сөзүн мындай деп улантты:

²«Сен: “Мен Кудайдан да адилмин”, – деген сөзүңдү туура деп эсептейсиңби?

³Сен: “Мага эмне пайда? Мен күнөө кылбаган күндө да, андан кандай киреше алмакмын?” – дедиң.

⁴Мен сага жана сенин досторуңа жооп берейин:

⁵Асманга көз чаптырып кара. Булуттарды кара, алар сенден бийик турат.

⁶Эгер сен күнөө кылсаң, Ага эмне кыла аласың? Эгер сенин кылмышың көбөйүп кетсе, Ага кандай зыян келтире аласың?

⁷Эгерде сен адилет болсоң, анда Ага эмне бересиң? Же Ал сенин колуңдан эмне алмак?

⁸Сенин адилетсиздигиң сага окшогон адамга тиешелүү, сенин адилеттигиң адам баласына тиешелүү.

⁹Эзүүчүлөр көп болсо, эзилгендер онтошот, күчтүүлөрдүн колунан ыйлашат.

¹⁰Бирок бир да киши: “Менин Кудайым, Жаратуучум кайда, түнкүсүн ыр берген Теңир кайда?

¹¹Жер үстүндөгү айбандарга караганда бизге көбүрөөк үйрөткөн, асмандагы куштарга караганда бизге көбүрөөк акыл-эс берген Теңир кайда?” – деп айтпайт.

¹²Ал жерде алар боздоп жатышат, бирок Ал жаман кишилердин текебердүүлүгүнөн аларга жооп бербей жатат.

¹³Бирок Кудай укпайт, кудуреттүү Кудай муну көрбөйт деген туура эмес.

¹⁴Аны көрбөй жатамын десең да, Анын алдында сот болот, ошон үчүн аны күт.

¹⁵Бирок азыр ага Кудайдын каары тие элек, ошондуктан ал аны толук биле элек.

¹⁶Ошондуктан Аюб жеңил ойлуулук менен сүйлөп жатат, сөзүн текке кетирип жатат».