Read Кыргыз тилиндеги Библия, 2004 Забур 123 Bible Online

Забур 123 - Кыргыз тилиндеги Библия, 2004 bible

Забур 123

¹Табынуу үчүн бара жаткандагы ыр. Дөөттүкү. «Теңир биз менен болбогондо, – деп айтсын Ысрайыл, –

²адамдар бизге каршы чыкканда, Кудай биз менен болбогондо,

³алар бизге жаалданганда, бизди тирүүлөй жутуп коюшмак.

⁴Бизди суулар басып калмак, ташкындаган суулар жаныбыздын үстүнөн өтмөк.

⁵Биздин жаныбыздын үстүнөн шаркыраган суулар өтмөк».

⁶Теңирге даңк! Ал бизди алардын тиштерине жем кылган жок.

⁷Биздин жаныбыз кушчунун торунан кутулган канаттуудай кутулду. Тор айрылып, биз кутулдук.

⁸Биздин жардамыбыз асман менен жерди жараткан Теңирдин ысымында.