Read Кыргыз тилиндеги Библия, 2004 Забур 13 Bible Online

Забур 13 - Кыргыз тилиндеги Библия, 2004 bible

Забур 13

¹Ырчылар тобунун башчысына. Дөөттүн забуру. Акылсыз адам жүрөгүндө: «Кудай жок», – дейт. Алар бузулуп, жийиркеничтүү иштерди жасашты. Жакшылык кылган бир да адам жок.

²Акылдуу, Кудайды издеген адам бар бекен деп, Теңир асмандан адам баласын карады.

³Бардыгы жолдон чыгып, бардыгы бирдей жараксыз болуп калышты. Жакшылык кылган адам жок, бирөө да жок.

⁴Мыйзамсыз иш кылгандар, менин элимди нандай жегендер, Теңирди чакырбагандар, чын эле, акылына келишпейби?

⁵Ал жерде аларды коркунуч басат, анткени Кудай адил адамдар менен.

⁶Жакырдын: «Теңир менин коргоочум», – деп ойлогонуна силер күлгөн элеңер.

⁷Сион тоосунан Ысрайылга куткаруу келсин! Теңир Өз элин туткундан өз жерине кайра алып келгенде, Жакып кубанат, Ысрайыл шаттанат.