Read Кыргыз тилиндеги Библия, 2004 Забур 2 Bible Online

Забур 2 - Кыргыз тилиндеги Библия, 2004 bible

Забур 2

¹Дөөттүн забуру. Элдер эмне үчүн дүрбөлөңгө түшүп жатышат, уруулар эмне үчүн ишке ашпай турган нерсени ойлонуштуруп жатышат?

²Жер жүзүнүн падышалары каршы чыгып жатышат, төрөлөр чогулуп, Теңирге жана Анын Майланганына каршы кеңешип жатышат.

³Алар: «Алардын чынжырларын үзүп таштайбыз, алардын бизге салган кишендерин алып ыргытабыз», – деп жатышат.

⁴Аларга Асманда Жашоочу күлөт, аларды Теңир уят кылат.

⁵Ошондо Ал аларга ачуусу келип турганда айтат, Өзүнүн жаалы менен аларды дүрбөлөңгө түшүрөт.

⁶«Анткени Мен Өзүмдүн Падышамды ыйык тоом Сиондун үстүнөн койгом.

⁷Өзүмдүн эркимди алдын ала кабарлайм: Теңир Мага мындай деди: “Сен Менин Уулумсуң. Мен бүгүн Сенин атаң болдум.

⁸Менден сура, ошондо Мен Сага элдерди мураска берем, бүт жерди энчиңе берем.

⁹Сен аларды темир таяк менен талкалайсың, аларды карапачынын идишиндей сындырасың”».

¹⁰Ошондуктан, падышалар, акылыңарга келгиле. Жер жүзүнүн башкаруучулары, сабак алгыла!

¹¹Теңирге коркунуч менен кызмат кылгыла, титирөө менен кубангыла.

¹²Уулун сыйлагыла, болбосо Ал каарданат, бара жаткан жолуңарда өлүп каласыңар, анткени жакында Анын каары кайнайт. Ага таянгандардын баары бактылуу.