Read Кыргыз тилиндеги Библия, 2004 Забур 25 Bible Online

Забур 25 - Кыргыз тилиндеги Библия, 2004 bible

Забур 25

¹Дөөттүн забуру. Оо Теңир, мага калыстык кыл, анткени мен айыпсызмын. Сага таянам, солк этпейм.

²Мени текшерип көр, сынап көр, Теңир. Менин ички дүйнөмдү, жүрөгүмдү эрит.

³Анткени Сенин ырайымың менин көз алдымда, ошондуктан мен Сенин чындыгың боюнча жүрдүм.

⁴Жалганчы адамдар менен бирге отурган жокмун, эки жүздүүлөр менен бирге жүргөн жокмун.

⁵Кара ниет адамдардын тобун жек көрөм, кудайсыздар менен бирге отурбайм.

⁶Мен өзүмдүн айыпсыздыгым менен колдорумду жууйм, Сенин курмандык чалынуучу жайыңды айланып өтүп,

⁷Сени даңктайм, Теңирим. Сенин кереметтүү иштериңди жарыя кылам.

⁸Теңирим! Мен Сенин үйүңдү жана Сенин даңкың турган жерди сүйөм.

⁹Менин жанымды күнөөкөрлөр менен бирге, өмүрүмдү кан ичкичтер менен бирге кыйратпа.

¹⁰Алардын колдорунда кыянаттык, алардын оң колу парага толгон.

¹¹Мен болсо айыпсызмын, мени куткар, мага ырайым кыл.

¹²Менин бутум түз жолдо турат. Жыйындарда Теңирди даңктайм.