Read Кыргыз тилиндеги Библия, 2004 Забур 28 Bible Online

Забур 28 - Кыргыз тилиндеги Библия, 2004 bible

Забур 28

¹Дөөттүн забуру. Кудайдын уулдары, Теңирди даңазалагыла, Аны даңктагыла, Ага урмат көрсөткүлө.

²Теңирдин атын даңктагыла. Теңирге Анын даңкынын улуулугу үчүн таазим кылгыла.

³Теңирдин үнү суулар үстүндө. Даңктуу Кудай күркүрөдү, Теңир көп суулардын үстүндө.

⁴Теңирдин үнү күчтүү, Теңирдин үнү улуу.

⁵Теңирдин үнү кедр жыгачтарын талкалап жатат, Теңир Лебанон кедрлерин кыйратып жатат.

⁶Теңир аларды букачардай секиртүүдө, ал эми Лебанон менен Сирион тоолорун жаш өгүздөй секиртүүдө.

⁷Теңирдин үнү чагылганды чагып чыгарып жатат.

⁸Теңирдин үнү чөлдү титиретип жатат. Теңир Кадеш чөлүн титиретип жатат.

⁹Теңирдин үнү жейрендерди боюнан бошотуп, токойлорду жылаңачтап жатат. Анын ийбадатканасында бардыгы Анын атак-даңкын даңазалап жатат.

¹⁰Теңир топон суунун үстүндө, Өз тактысында отурду, Теңир түбөлүк падыша болуп тактыга отурат.

¹¹Теңир Өз элине күч берет. Теңир Өз элине тынчтык берип, батасын берет.