Read Кыргыз тилиндеги Библия, 2004 Забур 48 Bible Online

Забур 48 - Кыргыз тилиндеги Библия, 2004 bible

Забур 48

¹Ырчылар тобунун башчысына. Корактын уулдарыныкы. Забур.

²Бардык элдер, муну уккула. Бүт ааламда жашап жаткандар, буга кулак салгыла.

³Карапайымдар да, атактуулар да, байлар да, жакырлар да – баарыңар уккула.

⁴Менин оозум акылдуу сөздөрдү сүйлөйт, жүрөгүмдүн ойлогону – билим.

⁵Кулагымды накыл сөзгө бурам. Гусли чертип, табышмагымды ачам:

⁶«Башыма кыйынчылык түшкөн күндөрү, душмандарымдын мыйзамсыздыгы мени курчап алганда, эмне үчүн коркушум керек?»

⁷Өз күчүнө ишенгендер жана көп байлыгы менен мактангандар!

⁸Адам өз бир тууганын эч куткара албайт, аны куткарып алуу үчүн, Кудайга кун төлөй албайт.

⁹Алардын жанын куткарып алуу баасы өтө кымбат. Адам түбөлүк жашаш үчүн жана мүрзөнү көрбөш үчүн, эч качан эч кандай кун төлөй албайт.

¹¹Акылдуу адамдар акылсыз адамдар сыяктуу эле өлүп жатышканы, эси жоктор өлүп, дүнүйөлөрүн башкаларга калтырып жатышканы ар бир эле адамга айкын.

¹²Алардын ою боюнча үйлөрү түбөлүк турат, үй-жайлары укумдан-тукумга калат, ошондуктан жерлерин өздөрүнүн ысымдары менен аташат.

¹³Бирок адамдын атак-даңкы түбөлүктүү эмес, анткени адам өлө турган жаныбарларга эле окшош.

¹⁴Алардын бул жолу – акылсыздык, аларды жолдогондор болсо алардын ойлорун туура көрүшөт.

¹⁵Аларды койлор сыяктуу өлгөндөр жаткан жайга камашат. Аларды өлүм кайтарат, эртең менен адил адамдар алардын үстүнөн бийлик жүргүзүшөт. Алардын күчү жок болот, алардын турагы – мүрзө.

¹⁶Бирок Кудай мени кабыл алып, жанымды өлгөндөр жаткан жайдын бийлигинен куткарат.

¹⁷Адам байый баштаганда, анын үйүнүн атак-даңкы арта баштаганда, коркпо.

¹⁸Анткени ал өлүп бара жатканда, эч нерсени ала кетпейт. Атак-даңкы артынан кетпейт.

¹⁹Ал тирүү кезинде өз жанын кадырлап-кастарласа да, өзүн өзү камсыз кылганы үчүн адамдар аны макташса да,

²⁰ал өзүнүн ата-бабаларынын артынан барат, алар эч убакта жарыкты көрүшпөйт.

²¹Атак-даңктуу, бирок акылсыз адам өлө турган жаныбарларга эле окшош.