Read Кыргыз тилиндеги Библия, 2004 Забур 63 Bible Online

Забур 63 - Кыргыз тилиндеги Библия, 2004 bible

Забур 63

¹Ырчылар тобунун башчысына. Дөөттүн забуру.

²Кудай, сыйынуумду ук, өмүрүмдү душмандын коркутуусунан сакта!

³Мени бузукулардын арам ойлорунан, зулумдардын козголоңунан жашыр.

⁴Алар тилдерин кылычтай курчутуп, заар сөздөрүн жебедей тартып турушат.

⁵Күнөөсүздү жашыруун атып өлтүрүшөт, аны күтүлбөгөн жерден атышат, коркуп да коюшпайт.

⁶Алар арам ойлорун ишке ашыруу үчүн бекем турушат, жашыруун тузак салууну кеңешишет. «Ким көрмөк эле?» – дешет.

⁷Жалган нерселерди ойлоп таап, талдоо артынан талдоо жүргүзүп, атүгүл, адамдын ички дүйнөсүнө чейин, жүрөгүнүн түпкүрүнө чейин изилдешет.

⁸Бирок Кудай аларды жебе менен кыйратат. Алар күтүлбөгөн жерден өлүшөт.

⁹Алар өздөрүнүн тили менен өздөрүн кыйратышат. Аларды көргөндөрдүн баары качып кетишет.

¹⁰Адамдардын баары коркуп, Кудайдын иштерин жарыя кылышат, бул Анын иши экенин түшүнүшөт.

¹¹Ал эми адил адам Теңирден кубаныч алат, Андан баш калкалар жай табат. Жүрөгү тазалардын баары Аны менен мактанышат.