Read Кыргыз тилиндеги Библия, 2004 Сандар 26 Bible Online

Сандар 26 - Кыргыз тилиндеги Библия, 2004 bible

Сандар 26

¹Ошол кыйроодон кийин Теңир Мусага жана ыйык кызмат кылуучу Арундун уулу Элазарга мындай деди:

²«Ысрайыл уулдарынын бүт жамаатындагы жыйырма жана андан жогорку жаштагы согушка жарактууларын уруусу боюнча санап чыккыла».

³Жерихонун маңдайындагы Иордандын боюнда, Маап түздүгүндө Муса менен ыйык кызмат кылуучу Элазар аларга мындай дешти:

⁴«Теңир Мусага буйругандай, Мисир жеринен чыккан Ысрайыл уулдарынын жыйырма жана андан жогорку жаштагыларынын бардыгын санап чыккыла.

⁵Ысрайылдын туну – Рубейин. Рубейиндин уулдарынан тараган уруулар: Ханохтон тараган Ханох уруусу, Палудан тараган Палу уруусу,

⁶Хесрондон тараган Хесрон уруусу, Кармиден тараган Карми уруусу.

⁷Мына ушулар – Рубейиндин уруулары. Булардын саны кырк үч миң жети жүз отуз болду.

⁸Палунун уулу – Элийап.

⁹Элийаптын уулдары: Немуел, Датан жана Абырам. Теңирге каршы чыккан Корактын таламдаштарына кошулуп, Муса менен Арунга каршы чыккан Датан менен Абырам ушул.

¹⁰Ошондо жер араанын ачып, аларды жана Коракты жутуп алган. От эки жүз элүү кишини өрттөп кеткенде, алар менен бирге таламдаштары да өлүшкөн. Бул аларга эскертүү болуп калган.

¹¹Бирок Корактын уулдары өлгөн эмес.

¹²Шымондун уулдарынан тараган уруулар: Немуелден тараган Немуел уруусу, Жаминден тараган Жамин уруусу, Жахинден тараган Жахин уруусу,

¹³Зерактан тараган Зерак уруусу, Шабулдан тараган Шабул уруусу.

¹⁴Мына ушулар – Шымондун уруулары, алардын саны – жыйырма эки миң эки жүз.

¹⁵Гат уулдарынан тараган уруулар: Сепондон тараган Сепон уруусу, Хагиден тараган Хаги уруусу, Шуниден тараган Шуни уруусу,

¹⁶Озниден тараган Озни уруусу, Эйриден тараган Эйри уруусу,

¹⁷Ароттон тараган Арот уруусу, Арейлиден тараган Арейли уруусу.

¹⁸Мына ушулар – Гат уруулары, алардын саны – кырк миң беш жүз.

¹⁹Жүйүттүн уулдары: Эйир жана Онан. Бирок Эйир менен Онан Канаан жеринде өлүшкөн.

²⁰Жүйүттүн уулдарынан тараган уруулар: Шейладан тараган Шейла уруусу, Перестен тараган Перес уруусу, Зерактан тараган Зерак уруусу.

²¹Перестин уруулары: Кесрондон тараган Кесрон уруусу, Хамулдан тараган Хамул уруусу.

²²Мына ушулар – Жүйүт уруулары, алардын саны – жетимиш алты миң беш жүз.

²³Исахар уулдарынан тараган уруулар: Толадан тараган Тола уруусу, Пубадан тараган Пуба уруусу,

²⁴Жашуптан тараган Жашуп уруусу, Шимрондон тараган Шимрон уруусу.

²⁵Мына ушулар – Исахар уруулары, алардын саны – алтымыш төрт миң үч жүз.

²⁶Забулун уулдарынан тараган уруулар: Сереттен тараган Серет уруусу, Эйлондон тараган Эйлон уруусу, Жахлиелден тараган Жахлиел уруусу.

²⁷Мына ушулар – Забулун уруулары, алардын саны – алтымыш миң беш жүз.

²⁸Жусуптун уулдарынан тараган уруулар: Менаше менен Эпрайым.

²⁹Менашенин уулдары: Махирден тараган Махир уруусу. Махирден Гилат туулган, Гилаттан Гилат уруусу тараган.

³⁰Гилаттын уулдары булар: Жезерден тараган Жезер уруусу, Хейлектен тараган Хейлек уруусу,

³¹Асриелден тараган Асриел уруусу, Шехемден тараган Шехем уруусу,

³²Шемиттен тараган Шемит уруусу, Хейперден тараган Хейпер уруусу.

³³Хейпер уулу Салапаттын эркек балдары болгон эмес, кыздары гана болгон. Салапаттын кыздарынын аттары: Махла, Ноя, Хогла, Милка жана Тирса.

³⁴Мына ушулар – Менаше уруулары, алардын саны – элүү эки миң жети жүз.

³⁵Эпрайымдын уулдарынан тараган уруулар: Шутелахтан тараган Шутелах уруусу, Бехерден тараган Бехер уруусу, Тахандан тараган Тахан уруусу.

³⁶Шутелахтын уулдары булар: Эйрондон тараган Эйрон уруусу.

³⁷Мына ушулар – Эпрайым уулдарынан тараган уруулар, алардын саны – отуз эки миң беш жүз. Өз-өз уруулары боюнча Жусуптун уулдары ушулар.

³⁸Бенжеминдин уулдарынан тараган уруулар мына булар: Беладан тараган Бела уруусу, Ашбелден тараган Ашбел уруусу, Акирамдан тараган Акирам уруусу,

³⁹Шепупамдан тараган Шепупам уруусу, Хупамдан тараган Хупам уруусу.

⁴⁰Беланын уулдары: Арт менен Нааман. Арттан Арт уруусу, Наамандан Нааман уруусу тараган.

⁴¹Бенжеминдин уулдарынан тараган уруулар ушулар, алардын саны – кырк беш миң алты жүз.

⁴²Дандын уулдарынан тараган уруулар мына булар: Шухамдан тараган Шухам уруусу. Дандын уулдарынан тараган уруулар ушулар.

⁴³Шухамдын урууларын санап чыкканда, алтымыш төрт миң төрт жүз болду.

⁴⁴Ашырдын уулдарынан тараган уруулар булар: Имнадан тараган Имна уруусу, Ишпадан тараган Ишпа уруусу, Бириядан тараган Бирия уруусу.

⁴⁵Бириянын уулдары: Хеберден тараган Хебер уруусу, Малкиелден тараган Малкиел уруусу.

⁴⁶Ашырдын кызынын аты Сара эле.

⁴⁷Ашырдын уулдарынан тараган урууларды санап чыкканда, элүү үч миң төрт жүз болду.

⁴⁸Напталынын уулдарынан тараган уруулар булар: Жахсиелден тараган Жахсиел уруусу, Гуниден тараган Гуни уруусу,

⁴⁹Жетсерден тараган Жетсер уруусу, Шилемден тараган Шилем уруусу.

⁵⁰Напталынын уулдарынан тараган урууларды санап чыкканда, кырк беш миң төрт жүз болду.

⁵¹Ысрайыл уулдарынын жалпы саны алты жүз бир миң жети жүз отуз болду.

⁵²Анан Теңир Мусага мындай деди:

⁵³«Жер адам санына жараша бөлүнсүн.

⁵⁴Кайсы уруунун саны көп болсо, ага көбүрөөк жер бер. Кайсы уруунун саны азыраак болсо, ага азыраак жер бер. Жерди ар бир уруунун санына жараша бөлүштүр.

⁵⁵Жер өкчөмө таш менен бөлүштүрүлсүн, алар ата-бабаларынын урууларынын аттарына жараша үлүш алышсын.

⁵⁶Жер саны көп урууга да, саны аз урууга да өкчөмө таш менен бөлүштүрүлсүн».

⁵⁷Өз-өз уруулары боюнча эсепке кирген Леби уруулары булар: Гейиршондон тараган Гейиршон уруусу, Кааттан тараган Каат уруусу, Мерариден тараган Мерари уруусу.

⁵⁸Лебиден тараган уруулар булар: Либни уруусу, Хеброн уруусу, Махли уруусу, Муши уруусу, Корак уруусу. Кааттан Амрам төрөлгөн.

⁵⁹Амрамдын аялынын аты – Жохебет, ал – Лебинин кызы. Аны Лебинин аялы Мисирде төрөгөн. Ал Амрамга Арун менен Мусаны жана алардын карындашы Мириямды төрөп берген.

⁶⁰Арундан Надап менен Абыйут, Элазар менен Итамар төрөлгөн.

⁶¹Бирок Надап менен Абыйут Теңирдин алдына башка от алып келгени үчүн өлүшкөн.

⁶²Ошентип, бир айлык жана андан жогорку жаштагы эркек аттуулардын саны жыйырма үч миң болду. Алар Ысрайыл уулдары менен чогуу эсептелген жок, анткени Ысрайыл уулдарынын арасынан аларга жер бөлүнгөн эмес.

⁶³Жерихонун маңдайындагы Иордандын боюнда, Маап түздүгүндө Муса менен ыйык кызмат кылуучу Элазар санап чыккан Ысрайыл уулдарынын эсепке киргендери ушулар.

⁶⁴Булардын эсебине Муса менен ыйык кызмат кылуучу Арун Синай чөлүндө санап чыккан Ысрайыл уулдарынан бир да киши кирген жок.

⁶⁵Анткени Теңир алар жөнүндө: «Алар чөлдө өлүшөт», – деп айткан. Жепундун уулу Калеп менен Нундун уулу Жашыядан башка алардан эч ким калган жок.