Read Кыргыз тилиндеги Библия, 2004 Сандар 33 Bible Online

Сандар 33 - Кыргыз тилиндеги Библия, 2004 bible

Сандар 33

¹Муса менен Арундун башчылыгы астында Мисир жеринен стандары менен чыккан Ысрайыл уулдары мындай жол жүрүштү:

²Муса Теңирдин буйругу боюнча алардын стандары менен жол жүргөнүн жазып чыкты. Алар басып өткөн жерлер булар:

³Алар биринчи айдын он бешинчи күнү Раамсестен чыгышкан. Ысрайыл уулдары Пасахтын эртеси бүткүл Мисир элинин көз алдында күчтүү колдун астында чыгышты.

⁴Ошол убакта мисирликтер Теңир өлтүргөн бардык тун уулдарын көмүп жатышкан. Теңир алардын кудайларына өкүм чыгарды.

⁵Ошентип, Ысрайыл уулдары Раамсестен чыгып, Сукотко жайгашышты.

⁶Сукоттон чыгып, Эйтамга жайгашышты, ал чөлдүн четиндеги жер эле.

⁷Эйтамдан чыгып, Баал-Сыпондун жанындагы Пи-Ахиротко жөнөп, Мигдолдун жанына жайгашышты.

⁸Пи-Акироттон чыгып, деңиздин ортосу менен чөлгө өтүштү. Эйтам чөлүндө үч күн бою жол жүрүштү, анан Марага жайгашышты.

⁹Марадан чыгып, Эйлимге келишти. Эйлимде болсо он эки булак, жетимиш курма дарагы бар эле, алар ошол жерге жайгашышты.

¹⁰Эйлимден чыгып, Кызыл деңиздин жанына жайгашышты.

¹¹Кызыл деңизден чыгып, Син чөлүнө жайгашышты.

¹²Син чөлүнөн чыгып, Допкага жайгашышты.

¹³Допкадан чыгып, Алушка жайгашышты.

¹⁴Алуштан чыгып, Репидимге жайгашышты, бирок ал жерде эл ичкенге суу жок эле.

¹⁵Репидимден чыгып, Синай чөлүнө жайгашышты.

¹⁶Синай чөлүнөн чыгып, Киброт-Атаапка жайгашышты.

¹⁷Киброт-Атааптан чыгып, Хатсейротко жайгашышты.

¹⁸Хатсейроттон чыгып, Ритмага жайгашышты.

¹⁹Ритмадан чыгып, Римон-Переске жайгашышты.

²⁰Римон-Перестен чыгып, Либнага жайгашышты.

²¹Либнадан чыгып, Рисага жайгашышты.

²²Рисадан чыгып, Кейлатка жайгашышты.

²³Кейлаттан чыгып, Шепер тоосуна жайгашышты.

²⁴Шепер тоосунан чыгып, Харатка жайгашышты.

²⁵Хараттан чыгып, Макейлотко жайгашышты.

²⁶Макейлоттон чыгып, Тахатка жайгашышты.

²⁷Тахаттан чыгып, Тарахка жайгашышты.

²⁸Тарахтан чыгып, Миткага жайгашышты.

²⁹Миткадан чыгып, Хашмонго жайгашышты.

³⁰Хашмондон чыгып, Мосейротко жайгашышты.

³¹Мосейроттон чыгып, Беней-Жааканга жайгашышты.

³²Беней-Жаакандан чыгып, Хор-Агидгатка жайгашышты.

³³Хор-Агидгаттан чыгып, Жотпатка жайгашышты.

³⁴Жотпаттан чыгып, Абронго жайгашышты.

³⁵Аброндон чыгып, Этсион-Геберге жайгашышты.

³⁶Этсион-Геберден чыгып, Син чөлүнүн Кадеш деген жерине жайгашышты.

³⁷Кадештен чыгып, Эдом менен чектешкен Ор тоосуна жайгашышты.

³⁸Ошондо ыйык кызмат кылуучу Арун Теңирдин буйругу боюнча Ор тоосуна чыгып, Ысрайыл уулдарынын Мисир жеринен чыкканына кырк жыл болгондо, бешинчи айдын биринчи күнү көз жумду.

³⁹Арун жүз жыйырма үч жашка чыгып, Ор тоосунда көз жумду.

⁴⁰Канаан жеринин түштүгүндө жашаган Канаан падышасы Аратта Ысрайыл уулдарынын келе жатканын укту.

⁴¹Алар Ор тоосунан чыгып, Салмонго жайгашышты.

⁴²Салмондон чыгып, Пунонго жайгашышты.

⁴³Пунондон чыгып, Оботко жайгашышты.

⁴⁴Оботтон чыгып, Маап менен чектешкен жердеги Жей-Абаримге жайгашышты.

⁴⁵Ийимден (Жей-Абаримден) чыгып, Дибон-Гатка жайгашышты.

⁴⁶Дибон-Гаттан чыгып, Алман-Дыблатайымга жайгашышты.

⁴⁷Алман-Дыблатайымдан чыгып, Ныбонун жанындагы Абарым тоолоруна жайгашышты.

⁴⁸Абарым тоолорунан чыгып, Жерихонун маңдайындагы Иордандын боюна, Маап түздүгүнө жайгашышты.

⁴⁹Алар Иордандын жанындагы Бейт-Айешимоттон Абел-Шитимге чейин созулуп жаткан Маап түздүгүнө жайгашышты.

⁵⁰Теңир Мусага Жерихонун маңдайындагы Иордандын боюнда, Маап түздүгүндө мындай деди:

⁵¹«Ысрайыл уулдарына мындай деп айт: “Канаан жерине Иордан суусу аркылуу өткөнүңөрдө,

⁵²ал жерде жашагандардын бардыгын кууп чыгып, жасалма кудайларынын сүрөттөрүн, куюлган жасалма кудайларын, бутканаларын талкалагыла.

⁵³Ошол жерди ээлеп, ошол жерге отурукташкыла, анткени ошол жерди Мен силерге мураска бердим.

⁵⁴Жерди урууларыңарга өкчөмө таш ыргытып бөлүштүргүлө. Саны көп урууларга көбүрөөк үлүш, саны аз урууларга азыраак үлүш бергиле. Өкчөмө таш боюнча кимге кандай жер тийсе, ал ошол жерди алсын. Ар ким өз уруусу менен үлүш алсын.

⁵⁵Эгерде силер ал жерде жашагандарды кууп чыкпасаңар, анда алардан калып калгандар көзүңөргө кирген, капталыңарга сайылган тикенек болот, силер жашай турган жерде силерди кысымга ала башташат.

⁵⁶Мына ошондо Мен аларга кылайын дегенимди силерге кылам”».