Read Кыргыз тилиндеги Библия, 2004 Жашыя 12 Bible Online

Жашыя 12 - Кыргыз тилиндеги Библия, 2004 bible

Жашыя 12

¹Ысрайыл уулдары Иордандын ары жагындагы күн чыгыш тараптагы Арнон дарыясынан Хермон тоосуна чейинки жерлерди, чыгышты карай кеткен бүт түздүктү басып алып, ал жерлердин падышаларын кырып салышты. Ал падышалар булар:

²Кешпондо жашаган аморлуктардын падышасы Сихон. Ал Арнон дарыясынын жээгиндеги Аройерден тартып, дарыянын ортосунан тартып, амондуктардын чек арасы болгон Жабок дарыясына чейин, Гилаттын жарымын,

³чыгыштагы Кинерет деңизине чейинки түздүктү, чыгыштагы Бейт-Айешимотко карай кеткен жолдогу Туздуу деңиз деп аталган түздүк деңизин, ал эми түштүктө Пизги тоосунун этегинде жаткан жерлерди ээлечү.

⁴Башан падышасы Ог. Ал Аштарот менен Эдрейде жашаган репалыктардын акыркы тукуму эле.

⁵Ал Хермон менен Салха тоолорун жана Гешур менен Мааха чегине чейинки бүткүл Башан аймагын, Кешпон падышасы Сихондун чегине чейинки Гилаттын жарымын ээлечү.

⁶Теңирдин кулу Муса менен Ысрайыл уулдары аларды кырып салышты. Теңирдин кулу Муса ал жерлерди Рубейин, Гат урууларына жана Менашенин жарым уруусуна берди.

⁷Жашыя менен Ысрайыл уулдары Иордандын берки бети болгон батыш жагындагы, Лебанон өрөөнүндөгү Баал-Гаттан Сеирге чейин созулуп жаткан Халак тоолоруна чейинки жерлердин падышаларын кыйратышты.

⁸Тоолордо, ойдуң жерлерде, түздүктөрдө, тоо этектеринде, чөлдө, түштүктө жашаган хеттиктердин, аморлуктардын, канаандыктардын, периздиктердин, хибиликтердин жана жебустуктардын жерлерин Жашыя Ысрайыл урууларына бөлүнүшү боюнча мурас кылып бөлүп берген. Жашыя менен Ысрайыл уулдары кыйраткан падышалар булар:

⁹Жерихонун падышасы, Бейтелдин жанындагы Айдын падышасы,

¹⁰Иерусалимдин падышасы, Хеброндун падышасы,

¹¹Жармуттун падышасы, Лакиштин падышасы,

¹²Эглондун падышасы, Гезердин падышасы,

¹³Дебирдин падышасы, Гедердин падышасы,

¹⁴Хорманын падышасы, Араттын падышасы,

¹⁵Либнанын падышасы, Адуламдын падышасы,

¹⁶Макеттин падышасы, Бейтелдин падышасы,

¹⁷Тапуахтын падышасы, Хейпердин падышасы,

¹⁸Апейиктин падышасы, Шарондун падышасы,

¹⁹Мадондун падышасы, Хатсордун падышасы,

²⁰Шимрон-Мерондун падышасы, Акшаптын падышасы,

²¹Таанахтын падышасы, Мегидонун падышасы,

²²Кедештин падышасы, Кармелдин жанындагы Жокнеямдын падышасы,

²³Напат-Дордун жанындагы Доранын падышасы, Гилгалдагы Гоимдин падышасы,

²⁴Тирсанын падышасы. Бардыгы отуз бир падыша.