Read Кыргыз тилиндеги Библия, 2004 Жашыя 15 Bible Online

Жашыя 15 - Кыргыз тилиндеги Библия, 2004 bible

Жашыя 15

¹Өкчөмө таш ыргытканда, Жүйүт уруусуна үй-бүлөлөрүнө жараша төмөнкүдөй үлүш тийди: түштүктү карай созулуп жаткан, аягы Тейманга жеткен Эдом менен чектеш Син чөлү.

²Алардын түштүк чек арасы Туздуу деңиздин түштүк булуңунун чет жакасынан башталып,

³түштүккө, Акрабым дөңсөөсүнө кетет, Зинди аралап өтүп, түштүк тараптан Кадеш-Барнейиге чыгып, Хесрондон өтүп, Адарга көтөрүлүп, Акаркага бурулат.

⁴Анан Асмондон өтүп, Мисир дарыясына кетет, анын чек арасынын аягы деңизге такалат. Силердин түштүктөгү чек араңар мына ушул болот.

⁵Чыгыш чек арасы болсо – Туздуу деңиз, Иордан дарыясынын куйган жерине чейин; түндүк чек арасы деңиздин түндүк булуңунан, Иордан дарыясынын куйган жеринен башталат.

⁶Бул жерден чек ара Бейт-Каглага көтөрүлөт да, түндүк тараптан Бейт-Арабаны аралап өтөт, анан чек ара жогору карай, Рубейин уулунун Боан ташына чейин барат.

⁷Анан чек ара Акор өрөөнүндөгү Дебирге чыгат да, түндүк тараптан Адумум дөңсөөсүнүн каршысындагы, дарыянын түштүк тарабындагы Гилгалга бурулат. Бул жерден чек ара Эйин-Шемеш сууларын бойлоп өтөт да, Эйин-Рогелден бүтөт.

⁸Бул жерден чек ара Жебустун (Иерусалимдин) түштүк тарабы менен жогору карай Ином уулунун өрөөнүнө кетет, андан ары батыш тараптагы Ином өрөөнүнүн каршысында, түндүк тараптагы репалыктардын өрөөнүнүн четинде жаткан тоонун чокусуна чыгат.

⁹Тоонун чокусунан чек ара Нептоах сууларынын башатына бурулуп, Эпрон тоосунун жанындагы шаарларга кетет да, Баалга (Кирийат-Жейаримге) бурулат.

¹⁰Анан чек ара Баалдан деңизге, Сеир тоосуна бурулат да, Жейарим (Кесалон) тоосунун түндүк тарабы менен кетет, анан Бейт-Шемешке түшүп, Тимна аркылуу өтөт.

¹¹Ал жерден чек ара Экрондун түндүк тарабы менен кетет да, Шикронго бурулат, Баал тоосунун жанынан өтүп, Жапнейелге жетет. Чек ара деңиздин жанынан бүтөт. Батыш чек ара – улуу деңиз.

¹²Жүйүт уруусунун төрт тарабындагы чек аралары мына ушулар.

¹³Теңир Жашыяга буйругандай, Жашыя Жүйүт уулдарынын үлүшүнөн Жепундун уулу Калепке Анактын атасына таандык Кирийат-Арбаны, башкача айтканда, Хебронду бөлүп берди.

¹⁴Калеп ал жерден Анактын уулдары: Шейшайды, Акиманды жана Талмайды, Анактын ушул үч уулун кууп чыкты.

¹⁵Андан ары Дебирдин тургундарына каршы жөнөдү (Дебирдин мурдагы аты Кирийат-Сейпер болгон).

¹⁶Анан Калеп мындай деди: «Ким Кирийат-Сейперге кол салып, басып алса, ага кызым Аксаны аялдыкка берем».

¹⁷Аны Калептин бир тууганы Кеназдын баласы Отниел басып алды. Ошондо ал ага кызы Аксаны аялдыкка берди.

¹⁸Акса жолго чыгарда, ага атаңан жер сура деп үйрөтүштү. Ал эшектен түшкөндө, Калеп андан: «Сага эмне керек?» – деп сурады.

¹⁹Кызы ага: «Батаңды бер, ата. Мага түштүк жерин бердиң, суу булактарын да кошо бер», – деди. Атасы кызына жогорку булактарды да, төмөнкү булактарды да берди.

²⁰Жүйүт уруусуна үй-бүлөлөрүнө жараша бөлүнгөн үлүш бул:

²¹Түштүктө эдомдуктар менен чектеш жаткан Жүйүт уулдарынын шаарлары мына булар: Капсейел, Эйдер жана Жагур,

²²Кина, Дымана жана Адада,

²³Кедеш, Хатсор жана Итнан,

²⁴Зуп, Телем жана Балот,

²⁵Хатсор-Хадат, Кериот, Хесрон, башкача айтканда, Хатсор,

²⁶Аймам, Шема жана Молада,

²⁷Хатсар-Гата, Хешмон жана Бейт-Палет,

²⁸Хатсар-Шуал, Бейер-Шаба жана Бизийотия,

²⁹Баал, Ийим жана Атсем,

³⁰Элтолат, Кесил жана Хорма,

³¹Сыклак, Мадмана жана Сансана,

³²Лебайот, Шилхим, Айын жана Римон. Айыл-кыштактары менен бардыгы жыйырма тогуз шаар.

³³Ойдуң жерлердеги Эштаул, Сора жана Ашна,

³⁴Заноах, Эйин-Ганим, Тапуах жана Эйнам.

³⁵Жармут, Адулам, Сохо жана Азейка.

³⁶Шаарайым, Адытайым, Гедейра же Гедейратайым. Айыл-кыштактары менен он төрт шаар.

³⁷Сенан, Хадаша, Мигдал-Гат,

³⁸Дилан, Миспе жана Жоктейел,

³⁹Лакиш, Ботыскат жана Эглон,

⁴⁰Хабон, Лахмас жана Хитлиш,

⁴¹Гедейрот, Бейт-Дагон, Наама жана Макет. Айыл-кыштактары менен он алты шаар.

⁴²Либна, Этер жана Ашан,

⁴³Иптах, Ашна жана Нетсип,

⁴⁴Кеила, Аказип жана Марейша. Айыл-кыштактары менен тогуз шаар.

⁴⁵Экрон, ага караштуу шаарлары жана кыштактары менен.

⁴⁶Экрондон деңизге карай кеткен Азоттун жанындагы бардык жерлер, айыл-кыштактары менен.

⁴⁷Мисир дарыясы менен улуу деңизге чейин созулуп жаткан Азот жана ага караштуу шаарлар менен кыштактар, Аза жана ага караштуу болгон шаарлар менен кыштактар.

⁴⁸Тоо койнундагы Шамир, Жатир жана Сохо,

⁴⁹Дана, Кирийат-Сана, башкача айтканда, Дебир,

⁵⁰Анап, Эштемо жана Аним,

⁵¹Гошен, Холон жана Гило. Айыл-кыштактары менен он бир шаар.

⁵²Араб, Дума жана Эшан,

⁵³Жанум, Бейт-Тапуах жана Апейка,

⁵⁴Хумта, Кирийат-Арба, башкача айтканда, Хеброн жана Сиор. Айыл-кыштактары менен тогуз шаар.

⁵⁵Маон, Кармел, Зуп жана Ута,

⁵⁶Изрейел, Жоктеям жана Заноах,

⁵⁷Кабыл, Гиба жана Тимна. Айыл-кыштактары менен он шаар.

⁵⁸Халхул, Бейт-Сур жана Гедор,

⁵⁹Маарат, Бейт-Анот жана Элтекон. Айыл-кыштактары менен алты шаар.

⁶⁰Кирийат-Баал, башкача айтканда, Кирийат-Жейарим жана Араба. Айыл-кыштактары менен эки шаар.

⁶¹Чөлдөгү Бейт-Араба, Мидин жана Секак,

⁶²Нипшан, Ир-Мелах жана Эйин-Геди. Айыл-кыштактары менен алты шаар.

⁶³Бирок Иерусалимде жашаган жебустуктарды Жүйүттүн уулдары кууп чыга алышкан жок, ошондуктан жебустуктар азыркыга чейин Иерусалимде Жүйүт уулдарынын арасында жашашат.