Read Кыргыз тилиндеги Жаны Келишим (Луч Надежды) Матай 1 Bible Online

Матай 1 - Кыргыз тилиндеги Жаны Келишим (Луч Надежды) bible

Матай 1

¹1 Ыйса Машайактын санжырасы: Ал - Дөөттүн Уулу, Ал - Ыбрайымдын Уулу.

²2 Ыбрайымдан Ыскак, Ыскактан Жакып, Жакыптан Жүйүт жана дагы башка балдар төрөлгөн.

³3 Жүйүт менен Тамардан Перес менен Зерак төрөлгөн. Перестен Хесрон, Хесрондон Рам төрөлгөн.

⁴4 Рамдан Аминадап, Аминадаптан Нахшон, Нахшондон Салмон төрөлгөн.

⁵5 Салмон менен Рахаптан Бууз төрөлгөн. Бууз менен Руттан Обейт төрөлгөн. Обейттен Жышай төрөлгөн.

⁶6 Жышайдан Дөөт падыша төрөлгөн. Дөөттөн Сулайман төрөлгөн. Сулаймандын энеси мурун Урийдин аялы болчу.

⁷7 Сулаймандан Рехабам, Рехабамдан Абиям, Абиямдан Аса,

⁸8 Асадан Жошапат, Жошапаттан Жорам, Жорамдан Узия,

⁹9 Узиядан Жотам, Жотамдан Ахаз, Ахаздан Хиския,

¹⁰10 Хискиядан Менаше, Менашеден Амон, Амондон Жошия төрөлгөн.

¹¹11 Бабыл өлкөсүнө туткундалып бара жатканда, Жошиядан Жайаким, Жайакимден Жайахин жана дагы башка балдар төрөлгөн.

¹²12 Бабыл өлкөсүнө туткундалып баргандан кийин, Жайахинден Шалем төрөлгөн. Шалемден Зоробабыл,

¹³13 Зоробабылдан Абыйут, Абыйуттан Элийаким, Элийакимден Адзор,

¹⁴14 Адзордон Садок, Садоктон Аким, Акимден Элийут,

¹⁵15 Элийуттан Элазар, Элазардан Матан, Матандан Жакып төрөлгөн.

¹⁶16 Жакыптан Мариямдын күйөөсү Жусуп төрөлгөн. Мариямдан Машайак деп аталган Ыйса төрөлдү.

¹⁷17 Ошентип, Ыбрайымдан Дөөткө чейин бардыгы болуп он төрт муун, Дөөттөн Бабыл туткундугу убагына чейин он төрт муун, Бабыл туткундугу убагынан Машайак төрөлгөнгө чейин он төрт муун.

¹⁸18 Ыйса Машайактын төрөлүшү мындай болду: Анын энеси Мариям Жусуп менен убадалашып койгон. Бирок алардын никеси кыйыла электе эле, Мариямдын Ыйык Рухтан кош бойлуу болгону белгилүү болду.

¹⁹19 Анын болочок күйөөсү Жусуп адил адам болгондуктан, Мариямды эл алдында уятка калтыргысы келген жок. Ошондуктан ал Мариям менен бекиткен убадасын жашыруун бузууну ойлоду.

²⁰20 Ушундай ойго келген кезде, Теңирдин периштеси ага түшүндө көрүнүп, мындай деди: «Жусуп, Дөөттүн уулу! Мариямды аялдыкка алуудан коркпо, анткени анын боюна бүткөн бала Ыйык Рухтан.

²¹21 Ал Уул төрөйт, Анын ысымын Ыйса деп койгун. Анткени Ал Өз элин күнөөлөрүнөн куткарат».

²²22 Булардын баары Теңирдин Ышайа пайгамбар аркылуу «Кыз кош бойлуу болуп, Уул төрөйт, анын ысымын Эмануел деп коюшат» деп айткан сөзүнүн аткарылышы үчүн болду. Бул ысым «Кудай биз менен» деп которулат.

²⁴24 Жусуп ойгонгондон кийин, Теңирдин периштеси буйругандай кылды. Ал Мариямды аялдыкка алды.

²⁵25 Бирок Мариям Уулун төрөгүчө, Жусуп ага жакындаган жок. Уул төрөлгөндө, Жусуп Анын ысымын Ыйса деп койду.