Read Кыргыз тилиндеги Жаны Келишим (Луч Надежды) Матай 7 Bible Online

Матай 7 - Кыргыз тилиндеги Жаны Келишим (Луч Надежды) bible

Матай 7

¹1 Айыптабагыла, ошондо өзүңөр да айыпталбайсыңар.

²2 Кандай айыптасаңар, силер да ошондой айыпталынасыңар. Кандай өлчөм менен өлчөсөңөр, силерге да ошондой өлчөм менен өлчөнөт.

³3 Эмнеге өз көзүңдөгү дөңгөчтү көрбөйсүң да, бир тууганыңдын көзүндөгү кыпынды көрөсүң?

⁴4 Өз көзүңдө дөңгөч турса, бир тууганыңа: “Кел, көзүңдөгү кыпынды алып салайын”, - деп, кантип айтасың?

⁵5 Эки жүздүү! Адегенде өз көзүңдөгү дөңгөчтү алып ташта, ошондо бир тууганыңдын көзүндөгү кыпынды кантип алып таштоо керектигин билесиң.

⁶6 Ыйык нерсени иттерге бербегиле, берметтериңерди чочколордун алдына таштабагыла. Болбосо алар аны тебелеп-тепсеп, анан кайрылып келип, силерди тытып таштайт.

⁷7 Сурагыла, ошондо силерге берилет. Издегиле, ошондо табасыңар. Тыкылдаткыла, ошондо силерге эшик ачылат.

⁸8 Анткени сураган адам алат, издеген адам табат жана тыкылдаткан адамга эшик ачылат.

⁹9 Араңарда нан сураган уулуна таш берген адам барбы?

¹⁰10 Же балык сураган уулуна жылан берген адам барбы?

¹¹11 Силер жаман болуп туруп, балдарыңарга жакшы нерселерди бергенди билсеңер, анда Асмандагы Атаңар Өзүнөн сурагандарга жакшы нерсени берери анык.

¹²12 Ошентип, адамдардын силерге кандай мамиле кылышын кааласаңар, силер да аларга ошондой мамиле кылгыла. Анткени мыйзам да, пайгамбарлар да ушуну үйрөтөт.

¹³13 Тар дарбаза аркылуу киргиле. Анткени кең дарбаза менен кенен жол өлүмгө алып барат, ал жолдо бара жаткандар көп.

¹⁴14 Ал эми тар дарбаза менен тар жол өмүргө алып барат, ал жолду тапкандар аз.

¹⁵15 Жалган пайгамбарлардан сак болгула! Алар силерге кой терисин жамынып келишет, бирок, чындыгында, алар - жырткыч карышкырлар.

¹⁶16 Аларды жемиштеринен билип аласыңар. Тикенектен жүзүм, уйгактан анжыр жыйнабайт да!

¹⁷17 Ар бир жакшы дарак жакшы жемиш берет, жаман дарак болсо жаман жемиш берет.

¹⁸18 Жакшы дарак жаман жемиш бербейт, ал эми жаман дарак жакшы жемиш бербейт.

¹⁹19 Жакшы жемиш бербеген ар бир дарак кыйылып, отко ыргытылат.

²⁰20 Демек, аларды жемиштеринен билип аласыңар.

²¹21 Мени “Теңир! Теңир!” дегендин баары эле Асман Падышачылыгына кирбейт, асмандагы Атамдын каалоосун аткаргандар гана кирет.

²²22 Ошол күнү көп адамдар Мага: “Теңир! Теңир! Биз Сенин атыңдан пайгамбарчылык кылчу эмес белек? Сенин ысымың менен жиндерди куучу эмес белек? Сенин ысымың менен кереметтерди көрсөтчү эмес белек?” - дешет.

²³23 Ошондо Мен аларга: “Мен силерди эч качан таанычу эмесмин. Менин жанымдан кеткиле, мыйзамсыз иш кылуучулар”, - деп айтамын.

²⁴24 Ким Менин ушул сөздөрүмдү укса жана аткарса, ал үйүн таштын үстүнө курган акылдуу адамга окшош.

²⁵25 Шамал согуп, жамгыр төгүп, өзөндөр ташып, ал үйдү каптады. Бирок үй кулаган жок, анткени ал үй таштын үстүнө курулган эле.

²⁶26 Ал эми ким Менин ушул сөздөрүмдү укса, бирок аткарбаса, ал үйүн кумдун үстүнө курган акылсыз адамга окшош.

²⁷27 Шамал согуп, жамгыр төгүп, өзөндөр ташып, ал үйдү каптады. Ошондо үй кулап, чоң кыйроого учурады».

²⁸28 Ыйса бул сөздөрдү айтып бүткөндө, эл Анын окутуусуна таң калды.

²⁹29 Анткени Ал мыйзам окутуучулардай эмес, бийлиги бар адамдай окутту.