Read Кыргыз тилиндеги Жаны Келишим (Луч Надежды) Лука 17 Bible Online

Лука 17 - Кыргыз тилиндеги Жаны Келишим (Луч Надежды) bible

Лука 17

¹1 Ыйса Өзүнүн шакирттерине мындай деди: «Азгырыктар келбей койбойт, бирок ким аркылуу келсе, ошол адамга кайгы.

²2 Ошондуктан ушул кичинелердин бирин күнөөгө түрткөн адамдын мойнуна тегирмен ташын илип, аны деңизге таштап жиберишсе, ал үчүн жакшы болмок.

³3 Өзүңөргө сак болгула. Эгерде бир тууганың сага каршы күнөө кылса, ага эскертүү бер. Эгерде кечирим сураса, аны кечир.

⁴4 Эгерде ал бир күндүн ичинде сага каршы жети жолу күнөө кылып, сага жети жолу келип: “Күнөөмдү мойнума алам”, - десе, аны кечир».

⁵5 Элчилер Теңирге: «Ишенимибизди арттыр», - дешти.

⁶6 Теңир аларга: «Эгерде силердин сары кычы данындай ишенимиңер болсо, бул тыт дарагына: “Тамырың менен суурулуп, деңиздин ичине отургузул”, - десеңер, ал силерди укмак», - деди.

⁷7 «Бирөөңөрдүн жер айдаган же мал кайтарган кулуңар бар дейли. Ошол кул талаадан келери менен кожоюну ага: “Тез келип, дасторконго отур”, - деп айтабы?

⁸8 Тескерисинче, ага: “Мага кечки тамакты даярда, мен тамактанып бүткөнчө, белиңди бууп, мага кызмат кыл, андан кийин өзүң тамактан”, - деп айтат да.

⁹9 Буйругун аткарганы үчүн, ал кулуна, эмне, алкыш айтабы? Айтат деп ойлобойм.

¹⁰10 Силер да ошолордой болуп, өзүңөргө тапшырылган ишти аткаргандан кийин: “Биз эч нерсеге татыбаган кулдарбыз, аткарышыбыз керек болгон ишти гана аткардык”, - дегиле».

¹¹11 Ыйса Иерусалимге бара жатканда, Самария менен Галилеяны бөлгөн чек ара аркылуу өттү.

¹²12 Ал бир айылга киргенде, Аны пес оорулуу он адам тосуп чыкты. Алар алысыраак токтоп:

¹³13 «Ыйса Устат, бизге ырайым кыла көр!» - деп кыйкырышты.

¹⁴14 Ыйса аларды көргөндө: «Ыйык кызмат кылуучуларга барып, өзүңөрдү көрсөткүлө», - деди. Алар жолдо бара жатышканда, пес оорудан айыгып, таза болуп калышты.

¹⁵15 Алардын бири өзүнүн айыкканын көрүп, катуу үн менен Кудайды даңктап, артына кайтып келди да,

¹⁶16 Ыйсанын алдына жүзтөмөндөп жыгылып, Ага ыраазычылык билдирди. Ал адам самариялык эле.

¹⁷17 Ошондо Ыйса мындай деди: «Он киши таза болуп калбады беле? Калган тогузу кана?

¹⁸18 Кудайды даңктоо үчүн, бул башка уруунун адамынан бөлөк эч ким кайтып келген жокпу?»

¹⁹19 Анан Ал ага: «Тур, бара бер. Сени ишенимиң куткарды», - деди.

²⁰20 Фарисейлер Кудайдын Падышачылыгы качан келе тургандыгын сураганда, Ыйса мындай деп жооп берди: «Кудайдын Падышачылыгы көзгө көрүнбөй келет.

²¹21 “Мына, ал бул жерде” же “Тигине, ал тиги жерде”, - деп, эч ким айта албайт. Анткени Кудайдын Падышачылыгы силердин ичиңерде».

²²22 Анан шакирттерине мындай деди: «Адам Уулунун күндөрүнүн бирин болсо да көрсөк деп эңсей турган күндөр келет, бирок көрбөйсүңөр.

²³23 Силерге: “Мына, Ал бул жерде” же “Тигине, Ал тигил жерде”, - деп айтышат. Бирок барбагыла, аларды ээрчибегиле.

²⁴24 Анткени асмандын бир четинен экинчи четине чейин чагылган кандай жаркыраса, Адам Уулу да Өзү келген күнү ошондой болот.

²⁵25 Бирок алгач Ал көп азап чегип, бул муун аркылуу четке кагылууга тийиш.

²⁶26 Адам Уулу келген убакта да Нух пайгамбардын убагындагыдай болот.

²⁷27 Нух кемеге кирген күнгө чейин адамдар жешти, ичишти, аял алышты, күйөөгө чыгышты. Анан топон суу каптап, бардыгы кырылып калды.

²⁸28 Лоттун убагында да ошондой болду: адамдар ичип-жеп, соода-сатык жүргүзүп, жер иштетип, үй куруп өмүр сүрүп жатышты.

²⁹29 Бирок Лот Содомдон чыккан күнү асмандан от менен күкүрт жаап, бардыгы кырылып калды.

³⁰30 Адам Уулу келген күнү да ошондой болот.

³¹31 Ошол күнү ким үйдүн үстүндө болсо, ал үйдүн ичиндеги буюмдарын алыш үчүн түшпөсүн. Ким талаада жүрсө, ал артка кайрылбасын.

³²32 Лоттун аялын эсиңерге түшүргүлө.

³³33 Ким өз жанын сактап калгысы келсе, ал андан түбөлүккө ажырайт. Ким өз жанынан ажыраса, ал тирилет.

³⁴34 Силерге айтып коёюн, ошол түнү бир төшөктө жаткан эки кишинин бири алынат, бири калтырылат.

³⁵35 Чогуу жаргылчак тартып отурган эки аялдын бири алынат, бири калтырылат.

³⁶36 Талаада жүргөн эки кишинин бири алынат, бири калтырылат».

³⁷37 Ошондо алар Ыйсадан: «Теңир, мунун баары кайсы жерде болот?» - деп сурашты. Ыйса аларга: «Өлүк кайсы жерде болсо, жору-кузгундар ошол жерге чогулат», - деп жооп берди.