Read Кыргыз тилиндеги Жаны Келишим (Луч Надежды) 1 Корунттуктарга 16 Bible Online

1 Корунттуктарга 16 - Кыргыз тилиндеги Жаны Келишим (Луч Надежды) bible

1 Корунттуктарга 16

¹1 Ыйыктар үчүн чогултулчу жардам жөнүндө айтарым: Галатиядагы Жыйындарга берген көрсөтмөмдү колдонгула.

²2 Мен барганда чогултуп жүрбөшүңөр үчүн, ар жуманын биринчи күнү ар бириңер шартыңарга жараша колуңардан келгенин чогултуп коюп жүргүлө.

³3 Барганымда, өзүңөр тандаган адамдарды кат менен Иерусалимге жөнөтөм. Алар чогулткандарыңарды Иерусалимге жеткирип барышат.

⁴4 Эгерде менин да барышым керек болсо, алар мени менен барышат.

⁵5 Адегенде Македонияга барып, андан ары силерге барам.

⁶6 Араңарда бир аз убакыт туруп калат окшойм, атүгүл, кыштап калышым да ыктымал. Кийин силер мени бара турган жагыма узатып коёрсуңар.

⁷7 Мен силерге тийип эле кетким келген жок. Кудай буюрса, силер менен көп убакыт бирге болоюн деген оюм бар.

⁸8 Элүүнчү күн майрамына чейин Эфесте болом.

⁹9 Анткени мен үчүн эшик кенен ачылды, бирок каршылашкандар да көп.

¹⁰10 Эгерде силерге Тиметей барса, өмүрүнө коркунуч туулбагыдай болсун. Анткени ал да мага окшоп, Теңирдин ишин кылып жатат.

¹¹11 Аны тоотпой койбогула. Силер аны тынчтык менен узатып койгула, биз аны бир туугандар болуп күтүп жатабыз.

¹²12 Аполос бир тууганыбыздан бир туугандар менен бирге силерге баруусун абдан өтүндүм. Бирок ал азыр барууну каалаган жок, ыңгайы келгенде барат.

¹³13 Сергек болгула, ишенимиңерди бек туткула, бекем болгула, кайраттуу болгула.

¹⁴14 Бардык ишти сүйүү менен кылгыла.

¹⁵15 Ахая жеринде Теңирге биринчилерден болуп ишенген, өздөрүн ыйыктарга кызмат кылууга арнаган Степандын үй-бүлөсүн билесиңер.

¹⁶16 Бир туугандарым, силерден өтүнөрүм, мындай адамдарды сыйлагыла. Силерге жардам көрсөтүп, силер менен чогуу эмгектенген адамдардын баарын сыйлагыла.

¹⁷17 Степандын, Портунаттын жана Ахайиктин келгенине аябай кубандым, анткени алар силерди жоктотушкан жок.

¹⁸18 Алар мени да, силерди да тынчтандырып коюшту, мындай адамдарды сыйлагыла.

¹⁹19 Асиядагы Жыйындар силерге салам айтып жатышат. Теңир жолунда жүргөн Акила менен Прискила да өздөрүнүн үйүндө чогулган Жыйын менен бирге силерге ысык салам айтып жатышат.

²⁰20 Бардык бир туугандар силерге салам айтып жатышат. Ыйык өбүшүү менен саламдашкыла.

²¹21 Мен, Пабыл, саламымды өз колум менен жаздым.

²²22 Теңирибиз Ыйса Машайакты сүйбөгөн адамга анафема! Маранафа!

²³23 Теңирибиз Ыйса Машайак силерге ырайымын төгө берсин!

²⁴24 Мен баарыңарды Машайак Ыйсанын сүйүүсү менен сүйөм. Оомийин.