Read Кыргыз тилиндеги Жаны Келишим (Луч Надежды) Филипиликтерге 4 Bible Online

Филипиликтерге 4 - Кыргыз тилиндеги Жаны Келишим (Луч Надежды) bible

Филипиликтерге 4

¹1 Ошентип, мен сүйгөн жана сагынган бир туугандар, силер менин кубанычым жана таажымсыңар, Теңир жолунда бекем тургула, сүйүктүүлөрүм.

²2 Эйдиядан жана Синтихеден өтүнөрүм, Теңир жолунда оюңар бир болсун.

³3 Жан досум, сенден да өтүнөм, бул аялдарга жардам бер. Анткени алар мени менен, Килемес менен жана ысымдары өмүр китебине жазылган башка кызматташтарым менен бирге Жакшы Кабар таратуу ишине катышышты.

⁴4 Ар дайым Теңир менен кубангыла, дагы да айтам: кубангыла.

⁵5 Силердин момундугуңар бардык адамдарга маалым болсун, Теңир жакын.

⁶6 Эч нерсе тууралуу кам санабагыла, ар дайым сыйынганда жана жалынганда, каалооңорду ыраазычылык билдирүү менен Кудайга айткыла.

⁷7 Ошондо Кудайдын акыл жеткис тынчтыгы силердин жүрөгүңөрдү жана ойлоруңарды Машайак Ыйса аркылуу сактайт.

⁸8 Ошентип, бир туугандарым, эмне чындык, эмне туура, эмне адилеттүү, эмне таза болсо, эмне адептүүлүккө жатса, эмне мактоого арзырлык болсо, ошол жөнүндө ойлогула.

⁹9 Менден эмнени үйрөнсөңөр, эмнени кабыл алсаңар, эмнени уксаңар, эмнени көрсөңөр, ошону аткаргыла. Ошондо тынчтыктын булагы болгон Кудай силер менен болот.

¹⁰10 Мага кайрадан кам көрө баштаганыңар үчүн, Теңир менен абдан кубандым. Буга чейин деле мага кам көрүүнү ойлочусуңар, бирок ишке ашырууга ыңгайы келбей жүргөн.

¹¹11 Муну муктаж болгонумдан улам айтып жаткан жокмун, себеби болгонуна ыраазы болууга үйрөнгөм:

¹²12 жокчулукта да, молчулукта да жашай алам. Мен бардыгына үйрөнгөм: ачкачылыкка да, токчулукка да, барга да, жокко да көнгөм.

¹³13 Мага күч-кубат берген Ыйса Машайак аркылуу бардыгын кыла алам.

¹⁴14 Бирок менин кайгыма ортоктош болгонуңар жакшы болду.

¹⁵15 Филипиликтер, өзүңөр билесиңер, Жакшы Кабар таратыла баштаганда, Македониядан кеткенимде, жардам жиберүү жана кабыл алуу ишинде силерден башка эч бир Жыйын мага көмөктөшкөн жок.

¹⁶16 Тесалоникада жүргөндө муктаж болгонумда, силер мага бир нече ирет жардам жөнөттүңөр.

¹⁷17 Силерден жардам үмүт этип жаткан жокмун. Силердин пайдаңар үчүн көбөйүп жаткан жемишти каалап жатам.

¹⁸18 Мен бардыгын алдым, менде бардыгы бар. Эпафродит аркылуу берип жибергендериңерди алдым. Ал тартууларыңар - Кудайга жаккан жыпар жыттуу, жагымдуу курмандыктар.

¹⁹19 Менин Кудайым силердин бардык кем-карчыңарды Машайак Ыйса аркылуу Өзүнүн даңктуу байлыгы менен толуктайт.

²⁰20 Кудай Атабыз кылымдан кылымга даңкталсын! Оомийин.

²¹21 Машайак Ыйсага ишенген ар бир ыйыкка салам айткыла. Менин жанымдагы бир туугандардын баары силерге салам айтып жатышат.

²²22 Бардык ыйыктар, айрыкча падыша сарайындагылар силерге салам айтып жатышат.

²³23 Баарыңарга Теңирибиз Ыйса Машайак ырайымын төгө берсин! Оомийин.